З Днём Перамогі!

Для ветэрана Вялікай Айчыннай вайны Рыгора Іванавіча Куцілкіна сёлетні год — юбілейны ўдвая: у сакавіку ён адзначыў сваё 85-годдзе, а 9 Мая разам з усімі будзе святкаваць 65-ты Дзень Перамогі. Ён, расіянін, не шкадуючы жыцця, разам з іншымі вызваляў родную зямлю ад нямецка-фашысцкіх захопнікаў. Трапіўшы ў Беларусь пасля вайны, застаўся тут назаўсёды: яна стала для былога воіна другой радзімай, не менш дарагой і блізкай сэрцу, чым Расія. Напярэдадні свята Вялікай Перамогі дэлегацыя кіраўчан, у саставе якой быў і Р.І.Куцілкін, з сяброўскім візітам наведала Браншчыну, якую ў гады вайны называлі партызанскім краем. Падчас закладкі Алеі Дружбы ў гонар 65-гадовага юбілею Вялікай Перамогі ў акадэмгарадку Бранскай дзяржсельгасакадэміі Рыгор Іванавіч сустрэўся з бранскім ветэранам Вялікай Айчыннай вайны Пятром Васільевічам Гумедавым. Наша фотакамера адлюстравала момант знамянальнай сустрэчы заваёўнікаў агульнай Перамогі.

Добавить комментарий

Ваш адрес email не будет опубликован.