Сюрпрызы — дзецям

Напярэдадні Дня інвалідаў Рэспублікі Беларусь група з ліку прадстаўнікоў аддзела ідэалагічнай работы і прафкама нашага сельгаспрадпрыемства, супрацоўнікаў раённага цэнтра сацыяльнага абслугоўвання насельніцтва і Мышкавіцкага сельскага Дома культуры наведала сем’і работнікаў гаспадаркі, у якіх выхоўваюцца дзеці-інваліды.
На здымку: у час правядзення дабрачыннай акцыі.
Завіталі ў чатыры дамы да 5-ці рабят. Хлопчыкам і дзяўчынкам уручылі салодкія падарункі, фрукты і сувеніры, зробленыя рукамі наведвальнікаў гурткоў па інтарэсах мясцовага Дома культуры, а іх бацькам — пакеты з прадукцыяй, выпускаемай у СВК “Рассвет” імя К.П.Арлоўскага.
У кожным доме наладжвалі невялікія забаўляльныя праграмы з конкурсамі і гульнямі.
Такую дабрачынную акцыю ў гаспадарцы правялі ўпершыню. Да гэтага інвалідаў, у тым ліку і дзяцей з абмежаванымі магчымасцямі, запрашалі ў Дом культуры, зараз жа, улічваючы пагодныя ўмовы, вырашылі ўдзяліць ім увагу вось такім чынам.
Яўген ПІШЧАЛІН,
начальнік аддзела ідэалагічнай работы
СВК “Рассвет”
імя К.П.Арлоўскага.

Добавить комментарий

Ваш адрес email не будет опубликован.