Месячнік па добраўпарадкаванні
Неймаверную колькасць разоў праз сродкі масавай інфармацыі, асабіста папярэджваліся жыхары прыватнага сектара аб тым, што пасля абразання ў садах галля нельга звальваць яго ў скрыні для цвёрдых бытавых адходаў, складзіраваць побач, але аб’езд горада ў мінулую пятніцу паказаў, што пэўныя гаспадары ігнаруюць гэтае патрабаванне. Напрыклад, насупраць Дэпартамента “Ахова” па вул.Ленінскай, па вул. Фрунзе былі заўважаны кучы галля. Няўжо так складана ўтылізаваць яго ў сябе на ўчастку: дробныя часткі садовага смецця пасекчы і складзіраваць у ямцы пад кампост, а вялікія пасекчы і спаліць у печы. Або калі няма такой магчымасці, можна звярнуцца ў дыспетчарскую службу УКП “Жылкамгас” па тэл.: 24-3-17, і вам акажуць паслугу па вывазу няцвёрдых бытавых адходаў (у тым ліку галля), зразумела, платна.
Месячнік па добраўпарадкаванні
Не хапае яшчэ культуры паводзін нашай моладзі. Як інакш растлумачыць той факт, што адпачываючыя ў скверы каля мемарыяльнага знака ў гонар 60-годдзя вызвалення раёна ад нямецка-фашысцкіх захопнікаў юнакі і дзяўчаты перакідваюць паперу, пачкі ад чыпсаў і іншых падсілкоўваючых прадуктаў, ПЭТ-бутэлькі праз плот на ўчастак суседняга прыватнага дома. З вуліцы быццам нябачна, а знутры ўчастак ператварыўся ў сапраўдную звалку. І, мяркуючы па колькасці смецця, тут сваю руку прыклала не толькі бавячая побач час моладзь…
Месячнік па добраўпарадкаванні
Згодна рашэння раённага Савета дэпутатаў з 20 сакавіка па 20 красавіка 2011 года будзе праведзены месячнік па добраўпарадкаванні і санітарнай ачыстцы горада Кіраўска і сельскіх населеных пунктаў.
Аддзелам жыллёва-камунальнай гаспадаркі райвыканкама, старшынямі сельвыканкамаў будзе распрацаваны адпаведны комплекс мер. З гэтай мэтай будзе звернута асаблівая ўвага на паляпшэнне знешняга добраўпарадкавання і навядзенне санітарнага парадку ў жылых кварталах, на вуліцах горада і сельскіх населеных пунктаў.
Заслугоўвае ўвагі і пытанне навядзення належнага парадку на тэрыторыях прадпрыемстваў і арганізацый, гаражных кааператываў, у прыбярэжных зонах вадаёмаў і рэк.
Будзе працягвацца практыка рэгулярнага правядзення суботнікаў па добраўпарадкаванні і азеляненні жылых кварталаў, вуліц горада і сельскіх населеных пунктаў з удзелам калектываў прад-прыемстваў, гаспадарак, грамадскіх арганізацый, навучэнцаў устаноў адукацыі і насельніцтва.
Аддзелам жыллёва-камунальнай гаспадаркі райвыканкама сумесна з кіраўнікамі прадпрыемстваў, арганізацый, ЖБК распрацоўваецца праграма азелянення на прылягаючых да прадпрыемстваў тэрыторыях вуліц у межах замацаваных за арганізацыямі зямельных участкаў з прымяненнем малых архітэктурных форм і кветнікаў у горадзе і сельскіх населеных пунктах. Работы па азеляненні неабходна правесці ў тэрмін да 18 красавіка бягучага года.
Паважаныя кіраўчане і жыхары раёна!
Давайце актыўна ўключымся ў правядзенне месячніка
па добраўпарадкаванні і санітарнай ачыстцы тэрыторый!