Клапаціцеся аб сваёй маёмасці!

Часам халатнае стаўленне гаспадароў да маёмасці становіцца падставай злодзеям для ўчынення злачынстваў. Многія пакідаюць свае домаўладанні без нагляду не зачыненымі альбо маюць звычку хаваць ключ ад уваходных дзвярэй дзе-небудзь паблізу ганка, напрыклад, пад дыванком.
З пачатку года на тэрыторыі раёна ўчынена 30 злачынстваў карыслівага характару — крадзяжоў асабістай маёмасці грамадзян. Прычым палова з іх учынены шляхам свабоднага доступу. У 8-мі выпадках злодзеі разбівалі ваконнае шкло, у 7-мі зрывалі навясныя замкі ці ўзламвалі замыкаючыя ўтройствы.
Асобы 7-мі злодзеяў на дадзены час не ўстаноўлены.
Сярод маёмасці, на якую спакушаюцца нячыстыя на руку грамадзяне, “лідзіруюць”, вядома ж, грошы, а таксама мабільныя тэлефоны і прадукты харчавання. Крадуць музычныя цэнтры, посуд, адзенне, металічныя вырабы, веласіпеды. У двух выпадках з домаўладанняў грамадзян укралі самаробнае віно.
Супрацоўнікі раённага аддзела ўнутраных спраў звяртаюцца да гаспадароў дамоў і кватэр з просьбай больш уважліва ставіцца да захавання сваёй маёмасці. Лягчэй прадпрыняць усе магчымыя меры, каб зберагчы маёмасць, чым потым шкадаваць украдзенае і шукаць злачынцаў.
Аляксандр ВАСКОВІЧ,
оперупаўнаважаны
крымінальнага вышуку РАУС.

Добавить комментарий

Ваш адрес email не будет опубликован.