2012 год — Год кнігі

Сваёй галоўнай задачай супрацоўнікі раённай дзіцячай бібліятэкі лічаць фарміраванне асобы чытача, выхаванне ў яго любові да кнігі. І гэта ў іх добра атрымліваецца, аб чым сведчыць першае месца сярод бібліятэк раёна.
На абанементным уліку дзіцячай бібліятэкі больш 2 тысяч чытачоў. Ёсць магчымасць пагартаць тэматычныя папкі “Родны горад — мая любоў: легенды і паданні”, “Чым жывем сёння?”, “Здароўе — у тваіх руках” і іншыя. Сваю работу бібліятэка будуе сумесна са школамі, дзіцячымі садкамі, Цэнтрам дадатковай адукацыі дзяцей і моладзі.
Звыш 10 год пры дзіцячай бібліятэцы працуюць аматарскае аб’яднанне “Знаўца”, лялечны гурток “Залаты ключык”, які выязджае са сваімі прадстаўленнямі ў сельскія бібліятэкі і школы аграгарадкоў.
Сёлетні год для работнікаў бібліятэкі асаблівы, бо аб’яўлены Годам кнігі. Гэта ставіць перад супрацоўнікамі дадатковыя задачы. У тым ліку — паспяховае правядзенне акцыі “Чытаем па-беларуску, далучайся і ты!”, якая праходзіць з сакавіка і завяршыцца ў лістападзе бягучага года. Мэта гэтай акцыі — стымуляваць цікавасць чытачоў да беларускамоўнай літаратуры.

Добавить комментарий

Ваш адрес email не будет опубликован.