«Мары збываюцца»

Так называецца спартыўны дабрачынны праект, які ўвасабляюць у жыццё беларускія спартсмены: яны набываюць за ўласныя сродкі неабходныя рэчы, бытавую тэхніку, прывозяць і ўручаюць падарункі тым, хто мае ў гэтым вострую патрэбу. Такім чынам яны дапамагаюць мнагадзетным і малазабяспечаным сем’ям, інвалідам.
Адна з акцый, якая праводзіцца ў межах названага праекта, — “Спартсмены — інвалідам”. У нашым раёне яна праводзіцца ў другі раз. У пачатку мая да нас, у аддзяленне дзённага знахо-джання для інвалідаў РЦСАН завіталі і віцэ-прэзідэнт дабрачыннага фонду спартсменаў, журналіст газеты “Прэсбол” Сяргей Шчырко, былы капітан нацыянальнай каманды па футболе Сяргей Жданюк і вядучая беларускага тэлеканала СТВ Ірына Крамбоўская, якія прывезлі з сабой шмат падарункаў. Па-першае, яны падарылі нашаму аддзяленню швейную машынку, паколькі ў 2015 годзе тут плануецца адкрыццё швейнай майстэрні. А, па-другое, разам з начальнікам упраўлення па працы, занятасці і сацыяльнай абароне райвыканкама Н.В.Свяцецкай і супрацоўнікамі раённага Цэнтра сацыяльнага абслу-гоўвання насельніцтва наведалі на даму інвалідаў-калясачнікаў 1 групы. Максіма Сакалова і Таццяну Цэд, якім прывезлі ў падарунак аэра-грыль і памперсы.
Такія акцыі вельмі патрэбны людзям з абмежаванымі магчымасцямі, бо даюць ім усведамленне таго, што яны не адзінокія ў сваёй бядзе, што побач знаходзяцца чулыя людзі, якія заўсёды гатовы прыйсці ім на дапамогу.
Ірына ТАРАБУЕВА, загадчык аддзялення
дзённага знаходжання для інвалідаў РЦСАН.

Добавить комментарий

Ваш адрес email не будет опубликован.