Перамогу святкавалі гаспадары
На базе спартыўных збудаванняў СВК “Рассвет” імя К.П.Арлоўскага прайшло асабіста-каманднае першынство раёна па зімнім мнагаборстве “Здароўе” Рэспублікі Беларусь у праграме круглагадовай спартакіяды калектываў фізічнай культуры.
У дзел у спаборніцтвах, якія праходзілі ў спартыўнай зале Мышкавіцкага СДК і на мясцовым стадыёне, прынялі 16 каманд калектываў фізкультуры прадпрыемстваў, арганізацый і сельгасарганізацый раёна. У праграме спартакіяды былі лыжныя гонкі, скачкі з месца ў даўжыню, падцягванне на перакладзіне — для мужчын і адцісканне ад лавы — для жанчын, стральба з пнеўматычнай вінтоўкі.
Першае агульнакаманднае месца занялі гаспадары — спартсмены СВК “Рассвет” імя К.П.Арлоўскага, другое месца ў каманды Жыліцкага сельгаскаледжа, трэцяе — ДЮСШ. Далей каманды размеркаваліся наступным чынам: СВК “Добасна-агра”, аддзел адукацыі райвыканкама, СВК “Калгас “Ніва”, ліцэй №15, ДРБУ-197, РАНС, райспажыўтаварыства, СВК “Ка-лгас “Беларусь”, ААТ “Кіраўск-Лён”, ААТ “ПМК-97 “Вадбуд”, УКП “Жылкамгас”, СВК “Чырвоны баец” і аўтапарк №14.
У асабістым першынстве абсалютнымі пераможцамі спаборніцтваў сталі: Яўген Пішчалін і Валянціна Халадцова з каманды СВК “Рассвет” імя К.П.Арлоўскага, на другім месцы — Максім Шабліцкі з каманды СВК “Добасна-агра” і Вера Каліноўская, якая выступала за каманду Жыліцкага сельгаскаледжа, на трэцім — Яўген Манько з СВК “Калгас “Ніва” і Алена Дрозд з ДЮСШ.
Лепшыя вынікі ў асобных відах праграмы спартакіяды паказалі: сярод мужчын — Яўген Пішчалін (стральба, падцягванне), Яўген Манько (скачкі ў даўжыню), Андрэй Бяляўскі з СВК “Рассвет” імя К.П.Арлоўскага (лыжныя гонкі), сярод жанчын — Валянціна Халадцова (стральба), Ірына Севярцова з ліцэя №15 (скачкі ў даўжыню), Алена Шалыгіна з каманды аддзела адукацыі райвыканкама (адцісканне ад лавы), Вера Каліноўская (лыжныя гонкі). У тройку прызёраў па асобных відах таксама ўвайшлі Кірыл Сцерлінгаў з ДЮСШ, Сяргей Макаронак з каманды аддзела адукацыі райвыканкама, Алена Сычанава і Алена Шашанка з ААТ “ПМК-97 “Вадбуд”, якія вызначыліся ў стральбе, Максім Шабліцкі, Анатоль Савянкоў з Жыліцкага сельгаскаледжа, Сяргей Макаронак (падцягванне), Алена Дрозд, Паліна Шукан з Жыліцкага сельгаскаледжа (адцісканне ад лавы), Алег Свірко з ліцэя №15, Максім Шабліцкі, Кірыл Сцерлінгаў, Наталля Пацыенак з ДЮСШ, Вера Каліноўская, якія паказалі высокія вынікі ў спаборніцтвах па скачках у даўжыню, Павел Клі-мовіч з РАНС, Яўген Пішчалін, Галіна Шаўцова з аддзела адукацыі райвыканкама і Ганна Бяляўская з каманды СВК “Добасна-агра” (лыжныя гонкі).
Фота
Анастасіі АЎСЯНІК.