Міхаіл Вербенка — у ліку пераможцаў рэспубліканскага спаборніцтва

verb

У красавіку наступнага года споўніцца    25 гадоў, як Міхаіл Васільевіч Вербенка працуе  ў СВК“Рассвет” імя К.П.Арлоўскага. Сам ён мясцовы — з в.Валосавічы, таму праца на зямлі яму  знаёмая з дзяцінства. Пасля школы закончыў Кіраўскае ПТВ-220, далей загартоўваў характар на армейскай службе. Адразу пасля арміі прыйшоў працаваць у “Рассвет”. І з таго моманту час адлічвае яго механізатарскі стаж.
На “зялёным жніве” ў гаспадарцы Міхаіл Вербенка сёлета быў задзейнічаны другі год запар, а ў мінулыя годы шчыраваў на ўборцы збожжавых. І меў на сваім рахунку значныя дасягненні, якія дазволілі быць сярод пераможцаў на рэспубліканскім фестывалі-кірмашы працаўнікоў вёскі “Дажынкі”:  у 2005 годзе (у Слуцку) — 2-е месца ў рэспубліканскім спаборніцтве сярод камбайнераў збожжаўборачных камбайнаў, у 2006 годзе (у Бабруйску) — 3-е месца.
А сёлета — 1-е месца, ужо сярод камбайнераў кормаўборачных камбайнаў. Працаваў на кормаўборачным камбайне Krone Big X 700 на нарыхтоўцы травяных кармоў, потым — кукурузы на сілас. Яго рэзультат — больш за 77526 тон.  Як адзначыў Міхаіл Васільевіч у размове з карэспандэнтам “раёнкі”, уборка ішла без паломак і збояў. Ён удзячны кіраўніцтву гаспадаркі за тое, што яму даверылі такі высокапрадукцыйны камбайн.
Зараз у механізатара ёсць магчымасць адпачыць ад напружаных сельгасработ — ён знаходзіцца ў водпуску. Але хапае ў яго і жонкі Святланы Ягораўны, якая працуе ў цяплічным камбінаце, клопатаў і дома. У сям’і Вербенкаў чацвёра дзяцей. Старшы сын Ігар зараз у арміі, служыць у дэсантных войсках. Дачка Наталля займаецца на першым курсе ў Жыліцкім сельгаскаледжы. Сын Сяргей — пяцікласнік, а самы маленькі член сям’і — Лізавета яшчэ ў дзіцячым садку. Безумоўна, усе рады поспехам бацькі і стараюцца браць з яго прыклад.
Фота Максіма МІКЕШЫНА.

Добавить комментарий

Ваш адрес email не будет опубликован.