Клапаціцеся аб пажарнай бяспецы!

Моцныя маразы прынеслі нямала турбот як грамадзянам (асабліва пражываючым у прыватным сектары), так і супрацоўнікам аддзела па надзвычайных сітуацыях. Першыя пачалі актыўней паліць печы, пры гэтым некаторыя з іх, грэбуючы элементарнымі правіламі пажарнай бяспекі, а іншыя грэюцца, як гаворыцца, знутры, злоўжываючы спіртнымі напоямі, за што і расплачваюцца стратамі маёмасці ці даху над галавой, а іншы раз і жыцця…
Адзін з такіх пажараў адбыўся 29 студзеня бягучага года ў в.Негаўля. Паведамленне аб узнікшым      узгаранні паступіла на цэнтр аператыўнага рэагавання райаддзела па надзвычайных сітуацыях ноччу ў     1 гадзіну 32 мінуты. На момант прыбыцця першых падраздзяленняў на месца здарэння дом гарэў ад-крытым полымем, дах і перакрыцці абваліліся ўнутр будынка.
Пасля ліквідацыі пажару ў доме былі знойдзены трупы двух грамадзян. З-за таго, што загінуўшыя моцна абгарэлі, устанаўленнем іх асоб займаецца раённы фддзел Следчага камітэта.
Вядома, што домаўладанне належыць грамадзяніну У.К.Фралову, 1963 г.н., які пражываў тут адзін. Па сведках суседзяў, у дзень пажару да гаспадара дома наведваўся ў госці аднасяльчанін В.І.Карасёў, 1984 г.н.
Устаноўлена, што дадзенае домаўладанне не было падключана да электразабеспячэння і не абсталявана аўтаномным пажарным апавяшчальнікам.
Дакладная прычына адбыўшагася пажару ўстанаўліваецца.
Калі рыхтаваўся гэты нумар газеты, стала вядома яшчэ аб двух пажарах: адзін з іх адбыўся 29 студзеня ў в.Пацава Слабада, другі — 30 студзеня ў в.Лешчанка. Прычыны — неасцярожнае абыходжанне з агнём (перапалы печаў). На шчасце, абодва выпадкі абы-шліся без чалавечых ахвяр.
У сувязі з адбыўшыміся здарэннямі райаддзел па надзвычайных сітуацыях звяртаецца да жыхароў індывідуальных домаўладанняў з просьбай яшчэ раз праверыць спраўнасць печаў ацяплення і комінаў, наяўнасць перадтопачнага ліста. У моцны мароз печ лепш паліць некалькі разоў на дзень пакрысе, чым адзін раз — але “да чырвані”. Выпальванне печы неабходна завяршаць не пазней, чым за дзве гадзіны да таго, як ляжаце спаць.
Памятайце, што толькі строгае выкананне правілаў пажарнай бяспекі, асцярожнасць і пільнасць дазволяць пазбегнуць трагедый, а выкарыстанне аўтаномных пажарных апавя-шчальнікаў дапаможа выявіць узгаранне на самай ранняй стадыі.
Дзмітрый РОШЧЫН,
начальнік РАНС.

Добавить комментарий

Ваш адрес email не будет опубликован.