Па актуальных пытаннях ідэалагічнай работы

Пастаянна дзеючы семінар ідэалагічных работнікаў вобласці прайшоў у мінулую пятніцу, 10 студзеня, ў Магілёве і Магілёўскім раёне. Мэтай ставілася раскрыць умовы і тэхналогіі ідэалагічнай работы, якія садзейнічаюць рэалізацыі патэнцыялу чалавека на сучасным этапе.
У рабоце семінара прынялі ўдзел першы намеснік кіраўніка Адміністрацыі Прэзідэнта Беларусі Аляксандр Радзькоў, памочнік Прэзідэнта Рэспублікі Беларусь — галоўны інспектар па Магілёўскай вобласці Генадзь Лаўранкоў, намеснік старшыні Магілёўскага аблвыканкама Валерый Малашка, кіраўнікі ўпраўленняў ідэалагічнай работы, культуры і па справах моладзі аблвыканкамаў, прадстаўнікі СМІ і інш. — у цэлым больш за 160 чалавек.    
Семінар пачаўся ў музеі гісторыі Магілёва, дзе ішла размова пра арганізацыю ідэалагічнай работы ў абласным цэнтры і выкарыстанне практыка-арыентаваных форм правядзення стажыроўкі ідэалагічнага актыву горада і вобласці. Была таксама арганізавана экскурсія па экспазіцыйных залах музея.

Удзельнікі семінара ўсклалі кошыкі з кветкамі да Вечнага агню на Савецкай плошчы.
У праграме мерапрыемства было наведванне прадпрыемстваў, знаёмства з развіццём прыдарожнага сэрвісу і аграэкатурызму на тэрыторыі Магілёў-скага раёна.
Прадстаўнікі СМІ вобласці пазнаёміліся з вопытам работы КВУП “Інфармацыйнае агенцтва “Могилевские ведомости”. Падчас прэзентацыі яго дзейнасці галоўны рэдактар Святлана Шутава і супрацоўнікі расказалі аб інтэграцыі, канвергенцыі і інтэрактыўнасці ў сваёй рабоце.
Размова на тэму развіцця сучасных мас-медыя працягвалася ў аблвыканкаме, дзе ў фае залы пасяджэнняў адбылася яркая і насычаная медыя-прэзентацыя “Сучасныя тэндэнцыі рэгіянальнай інфармацыйнай прасторы”: тут былі прадстаўлены інавацыйныя падыходы ў рабоце тэлебачання і радыё, магчымасці функцыянавання і распаўсюджвання СМІ ў інтэрнэт-прасторы і іншыя.
У ходзе семінара першы намеснік кіраўніка Адміністрацыі  Прэзідэнта Беларусі Аляксандр Радзькоў закрануў важныя аспекты арганізацыі ідэалагічнай работы, іншыя актуальныя пытанні. Ён, у прыватнасці, адзначыў, што ідэолаг у сваёй рабоце павінен абапірацца на аўтарытэтных лю-дзей. “Галоўнае багацце Беларусі — гэта людзі, і перш за ўсё людзі, валодаючыя моцным інтэлектам. Такіх у нас шмат, і я шчыра захапляюся іх дасягненнямі ў розных сферах жыццядзейнасці, — сказаў Аляксандр Радзькоў. — Такія людзі, маючыя бясспрэчны аўтарытэт і жыццёвы вопыт, прафесіяналы сваёй справы могуць стаць важнай апорай у рабоце з людзьмі ідэалагічнага актыву. Яны могуць дапамагчы не толькі карыснай парадай, але і прапанаваць, дапамагчы рэалізаваць цікавую ідэю, стаць сімвалам, калі хочаце, брэндам канкрэтнай тэрыторыі, у тым ліку ў плане патрыятычнага выхавання моладзі.” Такіх людзей, па словах Аляксандра Радзькова, трэба больш актыўна задзейнічаць у рабоце ідэалагічнай вертыкалі.
Аляксандр Радзькоў выказаў думку, што сучаснаму ідэолагу неабходна быць кампетэнтным ва ўсіх пытаннях. Ён павінен ведаць, як развіваюцца грамадства: эканоміка, турызм, сацыяльная і іншыя сферы. “Ён павінен не толькі гэта адчуваць, але і непасрэдна прымаць    удзел у адбываючыхся жыццёвых працэсах. Ідэолагам трэба не толькі мець зносіны паміж сабой, пераймаючы перадавы вопыт на семінарах ідэалагічнай вертыкалі, але і часцей бываць у працоўных калектывах, на прадпрыемствах, каб самім непасрэдна бачыць, як развіваецца сацыяльная сфера, вытворчасць, каб больш ведаць і быць пераканаўчымі ў гутарцы з людзьмі”, — канстатаваў Аляксандр Радзькоў.
Ён таксама  адзначыў, што ў апошні час назірае негатыўную тэндэнцыю, калі многія людзі з галавой акунаюцца у Інтэрнэт, абдзяляючы сябе жывымі зносінамі. Ідэолаг жа павінен адчуць настрой чалавека, цэлага калектыву, і гэтае эмацыянальнае ўспрыманне данесці іншым не толькі з дапамогай Інтэрнэта і СМІ, але і непасрэдных зносін. Толькі ў тым выпадку ён можа быць пераканаўчым, калі не па чутках ведае рэальнае жыццё, тое, якія задачы трэба вырашаць для грамадства на дадзеным этапе і бачыць перспектывы развіцця канкрэтнай тэрыторыі і ў цэлым дзяржавы.
Аляксандр Радзькоў надаў увагу пытанням падрыхтоўкі да 70-годдзя вызвалення Беларусі ад нямецка-фашысцкіх захопнікаў і святкавання гэтай свяшчэннай даты.
Была закранута тэма выбараў у мясцовыя Саветы дэпутатаў. У прыватнасці, Аляксандр Радзькоў, які з’яўляецца старшынёй РГА “Белая Русь”, паведаміў, што Рэспубліканскае грамадскае аб’яднанне “Белая Русь” прыме актыўны ўдзел у выбарах. Удзел у выбарчай кампаніі для аб’яднання — гэта магчымасць пераправерыць сябе, выкарыстаць свой вопыт, назапашаны палітычны багаж, рэалізаваць свае імкненні. “Мы маем намер непасрэдным чынам удзельнічаць у фарміраванні выбарчых камісій, назіранні за выбарамі. Думаю, што члены аб’яднання зоймуць каля 30% дэпутацкіх крэслаў у мясцовых Саветах розных узроўняў. Для работы з людзьмі ў нас ёсць база, актыў, пэўны вопыт і, галоўнае, што мы ў сельскай мясцовасці прадстаўлены не горш, чым у буйных гарадах”, —   адзначыў Аляксандр Радзькоў. Ён падкрэсліў, што для “Белай Русі” выбары ў мясцовыя Саветы — гэта яшчэ адзін крок у станаўленні і развіцці, умацаванні арганізацыі і, вядома, праверка яе рэальнай   дзеяздольнасці.
2014 год аб’яўлены ў Беларусі Годам гасціннасці. Аляксандр Радзькоў адзначыў, што беларусы павінны павысіць узровень і якасць абслугоўвання турыстаў. У нас шмат прыгожых і ўнікальных мясцін, багатая прырода, гістарычная і культурная спадчына, але аб высокім сэрвісе і ўзроўні абслугоўвання турыстаў мы можам пакуль што толькі марыць. Яшчэ шмат неабходна працаваць па развіцці турысцкай інфраструктуры.
Наталля ХАДАКОВА.

Последние новости

Профилактика и безопасность

Мошенническая схема: «Алло, мама!..»

29 марта 2024
Прямая линия

Прямая телефонная линия

29 марта 2024
Профилактика и безопасность

В Могилевской области отмечается рост подростковой преступности по 222 статье УК Республики Беларусь

28 марта 2024
Общество

Аўтар першага беларускага рамана

28 марта 2024
В стране и мире

Лукашенко: всякая финансовая деятельность должна быть подчинена интересам экономики

28 марта 2024
Общество

Выездной личный приём граждан

28 марта 2024
В Комитете госконтроля

Проверили торговлю

27 марта 2024
Образование

Белая ладья

27 марта 2024
В стране и мире

Василевская на МКС приступила к выполнению исследовательской части полета

26 марта 2024
В стране и мире

Лукашенко о возможных провокациях: нарушили госграницу – к уничтожению

26 марта 2024

Рекомендуем

Актуально

Сегодня состоялось совместное заседание президиума Кировского районного Совета депутатов и Кировского районного исполнительного комитета

19 марта 2024
Актуально

Кировск встречает весну

16 марта 2024
80-летие освобождение Беларуси от немецко-фашистских захватчиков

В День памяти жертв Хатынской трагедии в Кировском районе состоялся автопробег

22 марта 2024
Актуально

В Кировске состоялось чествование победителей областного смотра-конкурса первичных организаций ветеранов органов внутренних дел и внутренних войск

22 марта 2024
В стране и мире

Состоялся телефонный разговор Лукашенко с гендиректором “Роскосмоса”

22 марта 2024
В стране и мире

Лукашенко и Путин в телефонном разговоре подтвердили готовность к дальнейшему активному взаимодействию по реагированию на угрозы терроризма

23 марта 2024
Общество

В ЦДОДиМ состоялся конкурс «Мисс детский сад-2024»

19 марта 2024
80-летие освобождение Беларуси от немецко-фашистских захватчиков

В Жиличском сельхозколледже прошёл урок памяти “Боль Хатыни”, посвящённый 81-й годовщине Хатынской трагедии

22 марта 2024