Запал бадзёрасці і выдатны настрой!

mila

Лёгкаатлетычны прабег “Навагодняя міля” для нашага раёна стаў ужо традыцыйным. Свой адлік ён вядзе з 1996 года і даўно з’яўляецца своеасаблівай візітнай карткай Кіраўшчыны спартыўнай.
Вось і сёлета напрыканцы снежня на плошчы імя Кірава сабраліся аматары фізкультуры і спорту, здаровага ладу жыцця. Усім жадаючым ад мала да вяліка было прапанавана паспрабаваць свае сілы ў прабегу па дыстанцыях згодна вызначаных узроставых груп.  Для ўдзелу ў “Навагодняй мілі-2014”, арганізаванай аддзеламі адукацыі, спорту і турызму райвыканкама і ідэалагічнай работы, культуры і па справах моладзі, падалі заяўкі ?? прыхількаў здаровага ладу жыцця.
Па традыцыі Дзед Мароз са Снягуркай павіталі ўдзельнікаў навагодняга спаборніцтва, павіншавалі з надыходзячым новым годам і далі старт спартыўнаму святу.
Першымі стартавалі рабяты ва ўзросце ад 14 да 15-ці гадоў. Юныя бегуны ў суправаджэнні аўтамабіля Дзяржаўтаінспекцыі пачалі пакараць дыстанцыю. Найбольш паспяхова яе пераадолелі Мікіта Суднікаў, Станіслаў Сямёнаў і Яўген Бяляўскі, якія занялі адпаведна 1, 2 і 3-е месцы, сярод дзяўчынак — Вікторыя Рыбакова, Аксана Салаўёва, Вераніка Русецкая.
Ва ўзроставай групе 16-17 гадоў прызавыя месцы сярод удзельнікаў размеркаваліся наступным чынам: Уладзіслаў Бацюня (1 месца), Сяргей Румінскі (2 месца) і Уладзіслаў Міхайлюк (3 месца). Сярод дзяўчынак лепшыя вынікі — у Веры Камінскай, Ганны Слабуковай і Наталлі Раўкоўскай.
У наступнай узроставай катэгорыі — 18-29 гадоў першынстваваў Аляксей Бычкоў, на 2 і 3 месцах адпаведна — Андрэй Харытонаў і Уладзіслаў Стэфаненка, у прадстаўніц цудоўнай паловы першая прыступка п’едэсталу гонару дасталася Ганне Алісеенка, другая — Ліліі Цэд і і трэцяя — Таццяне Каралёвай.
Перамогу ва ўзроставай групе 30-39 год святкавалі сярод мужчын — Васіль Цітарэнка, Сяргей Лыбзікаў і Яўген Пішчалін, у жанчын — адзіная прадстаўніца Алена Шалыгіна.
Наступнымі на старт выйшлі прадстаўнікі ва ўзросце 40-49 год: першае месца ў мужчын — у Андрэя Бяляўскага, у жанчын — у Святланы Смайлавай.
Сярод самых старэйшых удзельнікаў лёгкаатлетычнага прабегу — ва ўзросце 55 гадоў і старэй самымі хуткімі і спрытнымі аказаліся Уладзімір Цішкоў (1 месца) і Алег Тараканаў (2 месца), у жанчын — Кацярына Яскевіч.
Усе пераможцы “Навагодняй мілі-2014” былі ўзнагароджаны дыпломамі і каштоўнымі падарункамі. А каб падмацаваць свае сілы пасля спаборніцтваў, ім былі прапанаваны гарачы чай з навагоднім тортам, якімі ўдзельнікаў прабегу частавалі ў раённым Доме культуры.
Людміла СЯМЁНАВА.
Фота Максіма МІКЕШЫНА.

Добавить комментарий

Ваш адрес email не будет опубликован.