У межах рэспубліканскага суботніка

У межах  рэспубліканскага  суботніка

subbotmik

12 красавіка ў Беларусі, у тым ліку і ў нашым раёне, прайшоў рэспубліканскі суботнік. У яго межах грамадзяне актыўна наводзілі парадак на вуліцах горада, у сельскіх населеных пунктах раёна, некаторыя працавалі на сваіх рабочых месцах.
Удзел у суботніку ў нашым раёне прыняло каля 7 тыс. чалавек, улічваючы школьнікаў. Зароблена больш за 100 млн. рублёў, якія будуць пералічаны ў Магілёўскі абласны выканаўчы камітэт і ў далейшым будуць накіраваны Міністэрству аховы здароўя для фінансавання будаўніцтва Рэспубліканскага цэнтра пазітронна-эмісійнай тамаграфіі на базе дзяржаўнай установы «Рэспубліканскі навукова-практычны цэнтр анкалогіі і медыцынскай радыялогіі імя М.М.Аляксандрава», дзе ў далейшым плануюць праводзіць звышдакладную дыягностыку злаякасных пухлін на ранняй стадыі. Будаўніцтва цэнтра ўжо пачата ў межах дзяржаўных інвестыцыйных праграм, і накіраванне сродкаў, заробленых на суботніку, паскорыць яго стварэнне і дазволіць палепшыць умовы аказання дапамогі анкалагічным хворым.

Сёлетні суботнік прымеркаваны да 70-годдзя вызвалення Беларусі ад нямецка-фашысцкіх захопнікаў, адзначыў у размове кіраўнік раёна Уладзімір Піскіжаў, таму асаблівая ўвага падчас навядзення чысціні і парадку будзе нададзена мемарыяльным комплексам, мясцінам баявой і воінскай славы, пахаванням воінаў і партызан Вялікай Айчыннай вайны. Акрамя таго, на тэрыторыі нашага раёна ў бягучым годзе запланавана правядзенне абласнога фестывалю-кірмашу “Дажынкі”, таму ў зоне ўвагі падчас суботніка — добраўпарадкаванню горада і а/г Мышкавічы, дзе пройдуць асноўныя святочныя мерапрыемствы.
Старшыня райвыканкама выказаў спадзяванне на тое, што некаторыя з нашых грамадзян ўсё ж такі прывучацца быць больш акуратнымі, перастануць утвараць несанкцыянаваныя звалкі, за-хламляць прысядзібныя тэрыторыі. Той вынік намаганняў па навядзенні чысціні, ў раёне, які мы сёння назіраем, гэта прыкмета таго, што мы навучыліся прыбіраць, але, на жаль, не перасталі смеціць, дадаў кіраўнік раёна.
Некаторыя арганізацыі распачалі свае работы загадзя і да суботніка частка пастаўленых задач была выканана.
Так, у а/г Мышкавічы прадстаўнікі арганізацый, прадпрыемстваў і ўстаноў горада праводзілі работы на пустуючых землях па спільванні пладовых дрэў, выдаленні зарасніку і хмызняку, раскарчоўванні, пахаванні фундаментаў. У далейшым усе гэтыя зямельныя ўчасткі плануецца ўвесці ў сельскагаспадарчы абарот.
На вуліцы Арлоўскага ў а/г Мышкавічы гэты фронт работ выконвалі прадстаўнікі СВК “Рассвет” імя К.П.Арлоўскага, УКП “Жылкамгас”, раёна электрычных сетак, райаддзела па надзвычайных сітуацыях.
Работнікі “ПМК-97 Вадбуд” наводзілі чысціню і парадак на вуліцах Арлоўскага, Рабцэвіча і 2-ім завулку Цясоўскім. На вуліцах Дварцовай, Алянскай, завулках Механізатараў і Школьным добраўпарадкаваннем займа-ліся работнікі ДЮСШ і РВЭС.
Шэраг арганізацый падчас правядзення рэспубліканскага суботніка быў заняты на пагрузцы і вывазцы галін, сярод іх — прадстаўнікі ўпраўлення сельскай гаспадаркі і харчавання райвыканкама, райветстанцыі, РАУС, фінансавага аддзела райвыканкама, інспекцыі Міністэрства па падатках і зборах па Кіраўскім раёне, ваенкамата, раёна газазабеспячэння, Фонду сацыяльнай абароны насельніцтва, філіяла ААТ “Белаграпрамбанк”, “Кіраўскіх бытпаслуг”, раённага вузла паштовай сувязі, цэнтра гігіены і эпідэміялогіі.
Прадстаўнікі райвыканкама і ўпраўлення капітальнага будаўніцтва наводзілі парадак на зямельным участку па вул. Шасейнай у п.Скачок.
Значны аб’ём работ быў праведзены на Чыгірынскім вадасховішчы, дзе на ўборцы прыбярэжнай паласы шчыравалі работнікі ўпраўлення па працы, занятасці і сацыяльнай абароне райвыканкама, раённага цэнтра сацыяльнага абслугоўвання насельніцтва, аддзялення “Белдзяржстрах”, аддзела ідэалагічнай работы, культуры і па справах моладзі райвыканкама, аддзела адукацыі, спорту і турызму райвыканкама, райбальніцы, аддзела статыстыкі, фізкультурна-спартыўнага клуба.
У кожным сельвыканкаме былі распрацаваны свае планы па добраўпарадкаванні тэрыторый, мемарыяльных комплексаў, абеліскаў і брацкіх магіл, а таксама навя-дзенні чысціні і парадку на грамадскіх могілках.
Тысячы працоўных рук, якія падчас правядзення суботніка завіхаліся з венікамі, граблямі, рыдлёўкамі, піламі і сякерамі, шчыравалі, наводзячы чысціню і парадак, рабілі ўсё гэта для таго, каб наш агульны дом пад назвай Кіраўшчына, быў прыгожым і камфортным для пражывання.
Работы па навядзенні чысціні і парадку на тэрыторыі нашага раёна плануецца працягваць і ў далейшым. Кіраўшчыне выпала ганаровае права стаць цэнтрам правядзення абласнога фестывалю-кірмашу “Дажынкі”, і нам, як сапраўдным гаспадарам, неабходна паказаць усю прыгажосць і ўтульнасць нашай малой радзімы.
Людміла СЯМЁНАВА.
Фота
Максіма МІКЕШЫНА.

Последние новости

Общество

На вопросы даны компетентные ответы

29 марта 2024
Актуально

Веды – сіла: алімпіяда па вучэбных прадметах

29 марта 2024
Сельское хозяйство

Старт дала вясна!

29 марта 2024
Профилактика и безопасность

Мошенническая схема: «Алло, мама!..»

29 марта 2024
Прямая линия

Прямая телефонная линия

29 марта 2024
Профилактика и безопасность

В Могилевской области отмечается рост подростковой преступности по 222 статье УК Республики Беларусь

28 марта 2024
Общество

Аўтар першага беларускага рамана

28 марта 2024
В стране и мире

Лукашенко: всякая финансовая деятельность должна быть подчинена интересам экономики

28 марта 2024
Общество

Выездной личный приём граждан

28 марта 2024
В Комитете госконтроля

Проверили торговлю

27 марта 2024

Рекомендуем

Актуально

Сегодня состоялось совместное заседание президиума Кировского районного Совета депутатов и Кировского районного исполнительного комитета

19 марта 2024
80-летие освобождение Беларуси от немецко-фашистских захватчиков

В День памяти жертв Хатынской трагедии в Кировском районе состоялся автопробег

22 марта 2024
Актуально

Кировск встречает весну

16 марта 2024
Актуально

В Кировске состоялось чествование победителей областного смотра-конкурса первичных организаций ветеранов органов внутренних дел и внутренних войск

22 марта 2024
В стране и мире

Состоялся телефонный разговор Лукашенко с гендиректором “Роскосмоса”

22 марта 2024
В стране и мире

Лукашенко и Путин в телефонном разговоре подтвердили готовность к дальнейшему активному взаимодействию по реагированию на угрозы терроризма

23 марта 2024
Общество

В ЦДОДиМ состоялся конкурс «Мисс детский сад-2024»

19 марта 2024
80-летие освобождение Беларуси от немецко-фашистских захватчиков

В Жиличском сельхозколледже прошёл урок памяти “Боль Хатыни”, посвящённый 81-й годовщине Хатынской трагедии

22 марта 2024