«Міс Кіраўчанка — 2014»

«Міс Кіраўчанка — 2014»

missis

Восем грацыёзных, абаяльных, артыстычных, творчых дзяўчын і шчодрыя апладысменты гледачоў, часта пераходзячыя ў авацыі, — усё гэта аб раённым конкурсе прыгажосці і таленту “Міс Кіраўчанка-2014”. Ён быў у чарговы раз наладжаны аддзелам ідэалагічнай работы, культуры і па справах моладзі райвыканкама і, як заўжды, прыцягнуў увагу кіраўчан і сяльчан, у першую чаргу, моладзі. Тым больш, што напярэдадні ўдзельніцы конкурсу, а гэта прадстаўніцы працоўных калектываў, школьніцы, былі прадстаўлены на старонках раённай газеты, у сацыяльных сетках: усім жадаючым прапаноўвалася “ВКонтакте” аддаць свае галасы за дзяўчыну, якая выклікала найбольшыя сімпатыі. Аб выніках гэтага галасавання — крыху пазней…

А пакуль — аб тым, што конкурс праходзіў на маляўніча ўпрыгожанай сцэне раённага Дома культуры пры поўным аншлагу ў зале. На этапах конкурсу ва ўдзельніц была выдатная магчымасць, як гаворыцца, паказаць сябе “во всей красе”, праявіць свае таленты і здольнасці, у тым ліку інтэлектуальныя і кулінарныя.
Нагадваем чытачам “раёнкі” прэтэндэнтак на тытул “Міс Кіраўчанка-2014”: вучаніца Паўлавіцкай СШ імя Р.А.Худалеева”, вучаніца гімназіі горада Ірына Лукановіч, вучаніца Баравіцкай СШ Алена Пархамовіч, кансультант ЦБП №709 ААТ “ААБ Беларусбанк” Таццяна Гарбуз, бібліятэкар Стайкаўскай сельскай бібліятэкі Анастасія Лук’яненка, вучаніца СШ №1 Анастасія Дзюўбакова (дарэчы, самая малодшая ўдзельніца), юрыст СВК “Рассвет” імя К.П.Арлоўскага Вольга Чарвінская, кіраўнік гурткоў дзіцячай самадзейнасці РДК Валянціна Альховік.
“7 Я” — такую назву прапанавалі арганізатары для візітнай карткі: кожная з канкурсантак праз фота-, відэаматэрыялы, інсцэніроўкі расказала аб сабе, сваіх захапленнях, сваёй сям’і, вучобе або рабоце, сябрах.
Юлія Гур’янава паказала выдатнае веданне беларускай мовы і творчае яе выкарыстанне, Валянціна Альховік была заўзятым вядучым цэлага шоў, Ірына Лукановіч з сябрамі падрыхтавала вясёлыя інтэрмедыі, праз якія прысутныя больш падрабязна даведаліся аб ёй. Цікавымі былі візітныя карткі і іншых удзельніц.
“Я люблю Беларусь!” — на гэтым этапе конкурсу дзяўчатам трэба было адказаць на пытанні, якія датычыліся знамянальных дат у гісторыі нашай краіны, яе дзяржаўнага ўладкавання. Удзельніцы праявілі эрудыцыю, свае інтэлектуальныя здольнасці, іх адказы былі вычарпальнымі.
Насычаным, рознапланавым, раскрываючым індывідуальнасць кожнай канкурсанткі быў творчы конкурс. Найбольш папулярным захапленнем у іх, як пераканаліся гледачы, з’яўляюцца спевы, многія прадэманстравалі свае вакальныя магчымасці. Да глыбіні душы расчуліла гледачоў і балельшчыкаў песня аб вайне “Алексей, Алешенька, сынок” у выкананні Валянціны Альховік, лірычная песня Юліі Гур’янавай. Анастасія Дзюўбакова разам з сябрамі паказала заўзятую харэаграфічную кампазіцыю, Алена Пархамовіч прачытала верш уласнага сачынення непасрэдна аб гэтым конкурсе. Прыемна здзівіла гледачоў Таццяна Гарбуз, прадэманстраваўшы незвычайную тэхніку малявання пяском: усё, што яна стварала на спецыяльнай устаноўцы, гледачы мелі магчымасць назіраць на экране.
Які ж конкурс прыгажосці без дэфіле?! Журы ацэньвалася дэфіле ўдзельніц па сцэне ў касцюмах сцюардэс, дзелавых касцюмах, вячэрніх сукенках. Тут галоўнымі суддзямі, вядома, былі мужчыны, а, у першую чаргу, ганаровы госць, член журы — старшыня судзейскага камітэта Беларускай федэрацыі мадэльнага фітнесу і культурызму, суддзя міжнароднай катэгорыі, чэмпіён Еўропы па культурызму Аляксей Лагойка. Да таго ж, разам з ім пры-ехалі яго выхаванцы, якія ўпрыгожылі паўзы ў конкурсе.
А далей канкурсанткі пераканалі журы і ўсіх прысутных, што акрамя таго, што яны прыгожыя, дасведчаныя, таленавітыя, яны яшчэ і выдатныя гаспадыні, і роля павароў для іх самая што ні на ёсць звыклая. Тыя стравы беларускай кухні, над якімі дзяўчаты чаравалі дома, а падчас конкурснай праграмы прадставілі на суд журы, па сваім афармленні былі вышэй усялякіх пахвал. Дэгустацыя паказала і іх адметны смак. Тут былі і бульба, і дранікі, і курыца з блінамі, і заліўное, і інш. Падчас прадстаўлення сваёй стравы Ірына Лукановіч нават прывяла на сцэну жывую курыцу (трэба заўважыць, хатняя птушка на конкурсе не пацярпела).
Як бы ні прыемна было назіраць і захапляцца кожнай удзельніцай, конкурс ёсць конкурс. Журы пад старшынствам аўтара гэтых радкоў — галоўнага рэдактара раённай газеты “Кіравец” Наталлі Хадаковай вынесла свой вердыкт. Тытул “Міс Кіраўчанка-2014”, карону з рук старшыні раённага Савета дэпутатаў Надзеі Каранкевіч, дыплом і каштоўны падарунак атрымала выпускніца Паўлавіц-кай СШ імя Р.А.Худалеева Юлія Гур’янава. Дарэчы, яна стала і “Міс Віртуальнасць”: пры галасаванні “ВКонтакте” за яе была пададзена найбольшая колькасць галасоў. Узнагарода за гэта — сертыфікат на наведванне трэнажорнай залы “Геркулес”. Першай “Віцэ-Міс” журы вызначыла Вольгу Чарвінскую, другой “Віцэ-Міс” — Анастасію Лук’яненка.
Астатнія ўдзельніцы атрымалі тытулы ў розных намінацыях: “Міс Крэатыўнасць” — Таццяна Гарбуз, “Міс Зачараванне” — Алена Пархамовіч, “Міс Топ-мадэль” — Ірына Лукановіч, “Міс Талент” — Валянціна Альховік, “Міс Грацыя” — Анастасія Дзюўбакова.
Канкурсанткам былі ўручаны дыпломы і каштоўныя падарункі ад райвыканкама, раённых арганізацый РГА “Белая Русь”, ГА “Беларускі Фонд міру”, ГА “Беларускі саюз жанчын”, якія ўручылі іх старшыні, члены журы Васіль Маркевіч, Вольга Гаршкова, Ірына Шаршукова, а таксама ад райкама прафсаюза работнікаў АПК — старшыня Віктар Ставер.
Асобныя словы — пра балельшчыкаў: яны былі актыўнымі, ад усёй душы падтрымлівалі канкурсантак “крычалкамі”, авацыямі, плакатамі, і напал страсцей у зале быў, бадай, не меншым, чым на трыбунах “Мінск-Арэны” падчас ЧМ-2014 па хакеі.
А дзяўчат, якія ўзялі на сябе смеласць змагацца за тытул самай прыгожай і таленавітай, думаецца, мы яшчэ не раз пабачым на розных мерапрыемствах, праводзімых у раёне і за яго межамі.
Фота Максіма МІКЕШЫНА.

 

Последние новости

Актуально

Веды – сіла: алімпіяда па вучэбных прадметах

29 марта 2024
Сельское хозяйство

Старт дала вясна!

29 марта 2024
Профилактика и безопасность

Мошенническая схема: «Алло, мама!..»

29 марта 2024
Прямая линия

Прямая телефонная линия

29 марта 2024
Профилактика и безопасность

В Могилевской области отмечается рост подростковой преступности по 222 статье УК Республики Беларусь

28 марта 2024
Общество

Аўтар першага беларускага рамана

28 марта 2024
В стране и мире

Лукашенко: всякая финансовая деятельность должна быть подчинена интересам экономики

28 марта 2024
Общество

Выездной личный приём граждан

28 марта 2024
В Комитете госконтроля

Проверили торговлю

27 марта 2024
Образование

Белая ладья

27 марта 2024

Рекомендуем

Актуально

Сегодня состоялось совместное заседание президиума Кировского районного Совета депутатов и Кировского районного исполнительного комитета

19 марта 2024
Актуально

Кировск встречает весну

16 марта 2024
80-летие освобождение Беларуси от немецко-фашистских захватчиков

В День памяти жертв Хатынской трагедии в Кировском районе состоялся автопробег

22 марта 2024
Актуально

В Кировске состоялось чествование победителей областного смотра-конкурса первичных организаций ветеранов органов внутренних дел и внутренних войск

22 марта 2024
В стране и мире

Состоялся телефонный разговор Лукашенко с гендиректором “Роскосмоса”

22 марта 2024
В стране и мире

Лукашенко и Путин в телефонном разговоре подтвердили готовность к дальнейшему активному взаимодействию по реагированию на угрозы терроризма

23 марта 2024
Общество

В ЦДОДиМ состоялся конкурс «Мисс детский сад-2024»

19 марта 2024
80-летие освобождение Беларуси от немецко-фашистских захватчиков

В Жиличском сельхозколледже прошёл урок памяти “Боль Хатыни”, посвящённый 81-й годовщине Хатынской трагедии

22 марта 2024