Памяці загінуўшых будзем дастойныя!

kyrgan

Каля Кургана Славы сабралася шмат моладзі і людзей сталага ўзросту. Вахту памяці загінуўшым неслі вучні Паўлавіцкай СШ, якія былі апрануты ў ваенную форму. Лампаду з Агнём Славы і памяці герояў ад дэлегацыі Мышкавіцкага сельсавета прыняла старшыня Паўлавіцкага сельскага Савета дэпутатаў Жанна Камінская. У сваёй прамове яна звярнулася да прысутных з просьбай беражліва захоў-ваць памяць аб воінах-земляках, якія аддалі свае жыцці за мірную будучыню. Дарэчы, яна нагадала, як у свой час старшыня тагачаснага калгаса “Ніва” Анатоль Падаляк і галоўны ветурач Міхаіл Дзятлаў выступілі з ініцыятывай устанавіць прозвішчы ўсіх загінуўшых у гады Вялікай Айчыннай вайны землякоў . Затым на цэнтральнай сядзібе гаспадаркі ўзвялі Курган Славы і закапалі ў яго капсулу са 152 прозвішчамі тых, хто паклаў свае жыцці на алтар Перамогі.
Пранікнёным было выступленне Мікалая Гайдука, які ў свой час узначальваў Паўлавіцкі сельскі Савет дэпутатаў. Ён падрабязна спыніўся на тых баявых дзеяннях, якія адбываліся на тэрыторыі вёскі Барсукі і навакольных населеных пунктаў падчас вайны. Затым прачытаў верш “Дзеці вайны”, змест якога выклікаў у прысутных слёзы.
Дырэктар Паўлавіцкай СШ Наталля Макаронак пажадала рабятам выдатных летніх канікулаў і заклікала іх бацькоў забяспечыць сваім сынам і дочкам бяспечны адпачынак.
Затым перад прысутнымі з канцэртнай праграмай выступілі вучні Паўлавіцкай СШ. Да глыбіні душы ўсіх закранулі песні і вершы на ваенную тэматыку.
Тэхработнік мясцовага СДК Марыя Шаверава шчыра здзівіла сваіх землякоў: наладзіла для іх салодкі стол. Чаго тут толькі ні было! Пірагі, бліны, духмяны чай…
Пасля ўсе жадаючыя прынялі ўдзел у велапрабегу па вуліцах аграгарадка.
Ніна ГУШЧЫНА,
дырэктар
Барсукоўскага СДК.

Добавить комментарий

Ваш адрес email не будет опубликован.