Разам. Зладжана. Аператыўна

Разам. Зладжана. Аператыўна

rocs

Напэўна, няма такога чалавека, які б не ведаў нумар тэлефона пажарнай службы “101”.
Сёння прадстаўнікі гэтай мужнай і вельмі неабходнай прафесіі, бясстрашныя байцы з вогненнай стыхіяй, якім належаць такія якасці, як смеласць, таварыскасць і ўзаемавыручка, ахвяраванне і спагада чужой бядзе, адзначаюць сваё свята.Народная мудрасць сцвярджае, што чужой бяды не бывае. Часам, каб справіцца з няшчасцем,  чалавеку дастаткова сяброўскай падтрымкі, але здараюцца выпадкі, калі трагедыя адступае толькі дзякуючы зладжаным і арганізаваным дзеянням высокакваліфікаваных прафесіяналаў,  якія ў любы час сутак пры любым надвор’і першымі прыходзяць на дапамогу ў надзвычайных сітуацыях, заўсёды гатовы да выратавання  людзей.

Напярэдадні прафісійнага свята мы сустрэліся з начальнікам раённага аддзела па надзвычайных сітуацыях Дзмітрыем РОШЧЫНЫМ, каб пацікавіцца, як ідуць справы ў падначаленым калектыве.

— Дзмітрый Анатольевіч, з чым сутыкаюцца пажарныя ў іх штодзённай справе?
— Работа пажарных— вельмі цяжкая. Таму і працуюць тут вытрыманыя і аддадзеныя выбранай справе людзі, іх вызначаюць асаблівая ўраўнаважанасць і жаданне працягнуць руку дапамогі таму, хто ў гэтым мае патрэбу. Зразумела, што супраць разгулу прыродных стыхій чалавецтва пакуль бяссільнае. А вось пажары, якія ўзнікаюць па віне самога чалавека, вельмі заклапочваюць нас. Хтосьці выкінуў акурак з машыны на абочыну дарогі — і ўзгараецца лясны масіў, хтосьці заснуў з незатушанай цыгарэтай — пакутуюць таксама іншыя людзі.
— Скажыце, калі ласка, а якія надзвычайныя сітуацыі найбольш характэрныя для нашага раёна?
— Часцей за ўсё здараюцца пажары. Трэба адзначыць, што ў апошнія гады назіраецца тэндэнцыя да скарачэння іх колькасці. Так, у 2012 годзе адбылося 34 пажары, у 2013 — 25, сёлета за першае паўгоддзе — 13 (на 1 выпадак менш, чым у адпаведным перыядзе мінулага года).
— Праблема пажараў, як небяспечнага сацыяльнага зла, у нашы дні вельмі актуальная…
— Гэта сапраўды так, бо большасць сумнай статыстыкі сёння даюць адзінока пражываючыя пенсіянеры, выпівакі і беспрацоўныя. Так, з чатырох загінуўшых сёлета ў агні — 1 пенсіянер і трое беспрацоўных. Узрост іх складаў 45 гадоў і старэй. Згодна дадзеных судова-медыцынскай экспертызы трое грамадзян у дзень трагедыі ўжывалі алкагольныя напоі.
— Часта пажары здараюцца з-за невыканання жыхарамі раёна правілаў пажарнай бяспекі. Што трэба рабіць, каб змяніць сітуацыю ў лепшы бок?
— Прычыны трагедый самыя розныя. Асноўныя з іх — неасцярожнае абыходжанне з агнём, парушэнне правілаў пажарнай бяспекі пры эксплуатацыі электраабсталявання і бытавых прыбораў, пячнога ацяплення. Гэта прымушае нас шукаць новыя і больш дасканалыя сродкі і метады барацьбы з пажарамі. Значную ўвагу ўдзяляем прафілактычнай рабоце сярод сельскіх і гарадскіх жыхароў: праводзім сустрэчы ў населеных пунктах, працоўных калектывах, навучальных і дашкольных установах. Да ведама прысутных даводзяцца статыстычныя дадзеныя — як станоўчыя, так і адмоўныя. У абавязковым парадку нашы супрацоўнікі расказваюць, як трэба сябе паводзіць у той ці іншай надзвычайнай сітуацыі.
Наладжана работа раённай камісіі па выпрацоўцы мер і каардынацыі работы па папярэджванні гібелі людзей у агні. Праводзяцца абследаванні ўмоў жыцця адзінока пражываючых састарэлых, інвалідаў, мнагадзетных і няўдачных сем’яў. Сёлета з раённага бюджэту выдзелена 46,3 млн. руб. на ўстаноўку аўтаномных пажарных апавяшчальнікаў, рамонт электраправодкі і пячнога ацяплення ўразлівай катэгорыі грамадзян.
— Дзмітрый Анатольевіч, галоўнае багацце пажарнай службы — гэта, безумоўна, яе работнікі…
— У аддзеле працуюць адказныя і вопытныялюдзі, якія на пажарах, рызыкуючы сваім здароўем, выратоўваюць жыцці іншым, імкнуцца максімальна зменшыць матэрыяльныя страты, забяспечваюць захаванасць прыватнай і грамадскай маёмасці. Кожны супрацоўнік добра ведае, што ў надзвычайнай сітуацыі не павінна быць паспешнасці, бо да непапраўных вынікаў можа прывесці любая дробязь.
За добрасумленную працу і ў гонар прафесійнага свята Ганаровай граматай абласнога ўпраўлення МНС РБ узнагароджаны старшы пажарны Алег Якушаў, граматай — вадзіцель Валерый Наўрозаў. Намесніку начальніка аддзела Валянціну Лапцеву ўручана Ганаровая грамата райвыканкама. Шэраг работнікаў заахвочаны грашовымі прэміямі.
— У заключэнні размовы хацелася б даведацца аб планах калектыву на будучыню.
— Самая галоўная мэта для ўсіх выратавальнікаў — скарачэнне колькасці пажараў і недапушчэнне гібелі людзей у агні.
Карыстаючыся выпадкам, хачу выказаць удзячнасць усім тым, каго лёс кожны дзень выпрабоўвае на трываласць і прафесіяналізм, ад душы пажадаць моцнага здароўя, менш рызыкоўных сітуацый, разумення і падтрымкі родных і блізкіх.
Таццяна БАРАДЗІНА.
Фота
Максіма МІКЕШЫНА.

Последние новости

Актуально

Веды – сіла: алімпіяда па вучэбных прадметах

29 марта 2024
Сельское хозяйство

Старт дала вясна!

29 марта 2024
Профилактика и безопасность

Мошенническая схема: «Алло, мама!..»

29 марта 2024
Прямая линия

Прямая телефонная линия

29 марта 2024
Профилактика и безопасность

В Могилевской области отмечается рост подростковой преступности по 222 статье УК Республики Беларусь

28 марта 2024
Общество

Аўтар першага беларускага рамана

28 марта 2024
В стране и мире

Лукашенко: всякая финансовая деятельность должна быть подчинена интересам экономики

28 марта 2024
Общество

Выездной личный приём граждан

28 марта 2024
В Комитете госконтроля

Проверили торговлю

27 марта 2024
Образование

Белая ладья

27 марта 2024

Рекомендуем

Актуально

Сегодня состоялось совместное заседание президиума Кировского районного Совета депутатов и Кировского районного исполнительного комитета

19 марта 2024
Актуально

Кировск встречает весну

16 марта 2024
80-летие освобождение Беларуси от немецко-фашистских захватчиков

В День памяти жертв Хатынской трагедии в Кировском районе состоялся автопробег

22 марта 2024
Актуально

В Кировске состоялось чествование победителей областного смотра-конкурса первичных организаций ветеранов органов внутренних дел и внутренних войск

22 марта 2024
В стране и мире

Состоялся телефонный разговор Лукашенко с гендиректором “Роскосмоса”

22 марта 2024
В стране и мире

Лукашенко и Путин в телефонном разговоре подтвердили готовность к дальнейшему активному взаимодействию по реагированию на угрозы терроризма

23 марта 2024
Общество

В ЦДОДиМ состоялся конкурс «Мисс детский сад-2024»

19 марта 2024
80-летие освобождение Беларуси от немецко-фашистских захватчиков

В Жиличском сельхозколледже прошёл урок памяти “Боль Хатыни”, посвящённый 81-й годовщине Хатынской трагедии

22 марта 2024