У чарговы раз Александрыя сабрала сяброў!

Пяць гадоў запар а/г Александрыя збірае сяброў на купальскі фэст. Сёлета на жывапісны бераг Дняпра сабраліся аднадумцы з усіх куткоў Беларусі, а таксама з краін-суседак. І народнае гулянне ўдалося – гэтае свята сабрала тысячы гасцей, народных майстроў і знакамітых артыстаў. Засталіся самыя яркія ўражанні і эмоцыі  ад разнастайных відовішчаў.

Прадстаўнікі творчага калектыву раённага Дома культуры прынялі актыўны ўдзел у конкурсах, праводзімых на свяце. Але больш рэзультатыўна мы выступілі ў намінацыі “Лепшая прыпеўка, прысвечаная беларускай бульбе”. За трапны змест і выдатнае выкананне прыпевак кіраўчане ўдастоены дыплома ІІІ ступені.
Удалым таксама было выступленне нашых сем”яў у конкурсе “Жывіце ў радасці”. Творчыя здольнасці Алены Мурашка і яе дачкі Ганны, Васіля і Еўдакіі Сухаравых, Галіны Пімошынай таксама ацэнены журы: яны ўзнагароджаны дыпломамі.
Свае работы на свяце прадэманстравалі Аліна Якавенка (вырабы з саломкі), Ларыса Пандзіна (лялькі), Васіль Сухараў (вырабы з лазы), Яна Віннік і Юлія Жыдовіч.
Вельмі прыемна і тое, што наш зямляк Васіль Сухараў у ліку іншых гарманістаў вобласці выступаў у канцэртнай праграме “Іграй, гармонь Магілёўшчыны” з удзелам Цэнтра імя Генадзя Завалокіна.
На мерапрыемстве кожны мог знайсці забаву на любы густ, сваімі вачамі ўбачыць, як ствараюцца шэдэўры народнай творчасці, паспрабаваць свае сілы ў розных конкурсах, паназіраць за відовішчным авіяшоў. Увечары гледачы маглі паслухаць выступленні эстрадных зорак. Таксама ўсіх вельмі ўразілі грандыёзны фейерверк і лазернае шоў.
Эма КАЛМЫКОВА,
дырэктар IMG_5510+цэнтралізаванай клубнай сістэмы Кіраўскага раёна.

 

Добавить комментарий

Ваш адрес email не будет опубликован.