Якасна ўбраць вырашчанае

Якасна ўбраць вырашчанае

Мала вырасціць добры ўраджай, трэба яшчэ ўбраць яго якасна і ў найбольш аптымальныя тэрміны. Такога падыходу да правядзення ўборачнай кампаніі прытрымліваюцца ў СВК “Калгас “Беларусь”. Менавіта механізатары гэтага  сельгаскааператыву  першымі ў раёне распачалі ўборку рапсу.

На славу ўрадзіла гэтая культура ў гаспадарцы. Па стане на ўчарашні дзень з агульнай колькасці ў 280 га ўбрана ўжо 180 га, намалочана больш за 469 тон масланасення. Сёлетняя ўраджайнасць рапсу значна пераўзышла мінулагодні паказчык і месцамі дасягае больш за 25 цэнтнераў з гектара. Па ўсім бачна, што тут з адказнасцю падышлі да захавання тэхналагічных патрабаванняў па вырошчванні гэтай культуры. Своечасова былі ўнесены ўгнаенні, праведзена хімпраполка, падкормкі. Ужо каторы год на палетках гаспадаркі высяваюцца гатункі беларускай селекцыі “зорны” і “лідар”.
Сёлетнія пагодныя ўмовы не дазваляюць механізатарам расслабляцца: кожны дзень ім даводзіцца здаваць сапраўдны экзамен на прафесіяналізм і зладжанасць у рабоце.
Зараз на рапсавых палетках СВК “Калгас “Беларусь” шчыруюць 4 камбайны, аснашчаныя прыстаўкамі, каб максімальна зменшыць страты вырашчанага масланасення, і 3 МАЗы на адвозцы. Як адзначыў у размове з карэспандэнтам “раёнкі” старшыня СВК “Калгас “Беларусь” Уладзімір Ядчанка, такой колькасці тэхнікі ім дастаткова, каб у максімальна сціслыя тэрміны ўбраць маслічную культуру. Акрамя таго, услед за камбайнамі рухаецца трактар з дыскатарам, які рыхліць глебу. Робіцца гэта для таго, каб у выпадку высыпання рапсу ён зноў узышоў і потым пасля узворвання стаў дадатковым угнаеннем. З палеткаў рапс адвозіцца на ачышчальна-сушыльны комплекс. Абслугоўваюць увесь працэс 3 аператары. Тут нала-джаны строгі кантроль за якасцю ачысткі масланасення і яго вільготнасцю. Справа ў тым, што маслічная культура не церпіць да сябе няўвагі. Ужо праз 6 гадзін зерне, якое не пайшло на сушку, пачынае акісляцца. Калі колькасць эрукавай кіслаты ў зярнятах перавышае 4 % — рапс ідзе на продаж, як тэхнічная культура. А гэта вядзе да значнай страты грашовых сродкаў.
Даведзенае да ладу масланасенне адвозіцца на Бабруйскі КХП у залік выканання дзяржзаказу. Дарэчы, з агульных 300 т гаспадарка прадала дзяржаве ўжо 120 т.
На рапсавых палетках за штурваламі камбайнаў шчыруюць вопытныя і адказныя механізатары Дзмітрый Іваноў, Руслан Ядчанка, акрамя таго працуюць два сямейныя экіпажы ў саставе Мікалая і Івана Саманюк, Валерыя і Віктара Каліноўскіх. На адвозцы заняты Леанід Арцёмаў, Віктар Зайцаў і Юрый Буднікаў.

Яшчэ гудуць камбайны на рапсавых палетках, а ў сельгаскааператыве ўжо паглядаюць на збожжавы клін, месцамі азімы ячмень набраў васкавую спеласць, не за гарамі — жніво. Таму і спяшаюцца хлебаробы, даражаць кожнай пагоднай хвілінай.
Людміла СЯМЁНАВА. Фота аўтара.

На здымку: механізатары, якія заняты на ўборцы рапсу, Іван і Мікалай Саманюкі, Дзмітрый Іваноў, Віктар Каліноўскі, Руслан Ядчанка і Валерый Каліноўскі.

поле

Последние новости

ЖКХ

Пользовался ЖКУ – оплати!

29 марта 2024
Общество

На вопросы даны компетентные ответы

29 марта 2024
Актуально

Веды – сіла: алімпіяда па вучэбных прадметах

29 марта 2024
Сельское хозяйство

Старт дала вясна!

29 марта 2024
Профилактика и безопасность

Мошенническая схема: «Алло, мама!..»

29 марта 2024
Прямая линия

Прямая телефонная линия

29 марта 2024
Профилактика и безопасность

В Могилевской области отмечается рост подростковой преступности по 222 статье УК Республики Беларусь

28 марта 2024
Общество

Аўтар першага беларускага рамана

28 марта 2024
В стране и мире

Лукашенко: всякая финансовая деятельность должна быть подчинена интересам экономики

28 марта 2024
Общество

Выездной личный приём граждан

28 марта 2024

Рекомендуем

Актуально

Сегодня состоялось совместное заседание президиума Кировского районного Совета депутатов и Кировского районного исполнительного комитета

19 марта 2024
80-летие освобождение Беларуси от немецко-фашистских захватчиков

В День памяти жертв Хатынской трагедии в Кировском районе состоялся автопробег

22 марта 2024
Актуально

Кировск встречает весну

16 марта 2024
Актуально

В Кировске состоялось чествование победителей областного смотра-конкурса первичных организаций ветеранов органов внутренних дел и внутренних войск

22 марта 2024
В стране и мире

Состоялся телефонный разговор Лукашенко с гендиректором “Роскосмоса”

22 марта 2024
В стране и мире

Лукашенко и Путин в телефонном разговоре подтвердили готовность к дальнейшему активному взаимодействию по реагированию на угрозы терроризма

23 марта 2024
Общество

В ЦДОДиМ состоялся конкурс «Мисс детский сад-2024»

19 марта 2024
80-летие освобождение Беларуси от немецко-фашистских захватчиков

В Жиличском сельхозколледже прошёл урок памяти “Боль Хатыни”, посвящённый 81-й годовщине Хатынской трагедии

22 марта 2024