У Кіраўскім РАНС прайшоў тыдзень адкрытых дзвярэй для вучняў школ раёна

odevayut

Boevkapolivaet

З мэтай папулярызацыі прафесіі выратавальніка ў апошнія гады ў раённым аддзеле па надзвычайных сітуацыях стала традыцыйным правядзенне Дзён адкрытых дзвярэй для вучняў 6, 10 і 11 класаў школ раёна. На гэты раз гасцямі выратавальнікаў былі рабяты з СШ №1, Гімназіі горада і сельскіх устаноў адукацыі.

Інспектар групы ідэалагічнай работы і кадравага забеспячэння РАНС Арцём Марозаў правёў рабят па службовых памяшканнях і пакоях, дзе выратавальнікі трэніруюцца і адпачываюць у перапынках паміж выездамі.
Усе прысутныя з асаблівай зацікаўленасцю назіралі за зладжанымі дзеяннямі членаў дзяжурнага каравула, якія прадэманстравалі гасцям здольнасці сучаснай пажарна-выратавальнай тэхнікі і абсталявання.
У шчырай размове дарослыя падзяліліся з рабятамі сваімі пачуццямі, якія адчуваюць яны пры выкананні выратавальных аперацый. Па-першае, гэта імкненне дапамагчы тым, хто трапіў у бяду, часам рызыкуючы сваім жыццём. Таксама яны адзначалі, што выпадковых людзей сярод іх няма, бо тут працуюць смелыя, мужныя, рашучыя людзі, якія ў лічаныя хвіліны ліквідуюць надзвычайныя сітуацыі.
Рабятам расказалі, што набыць гэтую ганаровую прафесію могуць юнакі і дзяўчаты пасля заканчэнння сярэдняй школы ў Гомельскім інжынерным інстытуце МНС Рэспублікі Беларусь і камандна-інжынерным інстытуце МНС Рэспублікі Беларусь г.Мінска. Акрамя гэтага пры Гомельскім інстытуце дзейнічае профільны ліцэй, дзе можна атрымаць агульную сярэднюю адукацыю з павышаным узроўнем вывучэння асобных агульнаадукацыйных прадметаў і профільную падрыхтоўку да паступлення ў вышэйшыя навучальныя ўстановы рэспублікі. Стаць выхаванцамі ліцэя могуць толькі хлопчыкі пасля заканчэння 6 класаў, паспяваючыя па матэматыцы, беларускай і рускай мовах, а таксама годныя па стане здароўя.
Пры гэтым Арцём Марозаў звярнуў увагу прысутных на той факт, што для таго, каб стаць выратавальнікам, трэба быць настойлівым, фізічна падрыхтаваным і гатовым да ўсялякіх нечаканасцей. Тым і ганаровая гэтая прафесія!
Таццяна МІКАЛАЕВА.
Фота
Максіма МІКЕШЫНА.

Добавить комментарий

Ваш адрес email не будет опубликован.