Выратавальнік — гэта гучыць горда!
Тым, хто прысвяціў сваё жыццё прафесіі выратавальніка, уласцівы такія якасці, як мужнасць, бясстрашша, узаемавыручка, суперажыванне чужому гору. Не так часта выпадаюць у іх жыцці спакойныя, бесклапотныя хвіліны, як, напрыклад, у той урачысты вечар, калі былі ўшанаваны лепшыя прадстаўнікі раённага аддзела надзвычайных сітуацый, ветэраны калектыву. Яны разам з членамі сваіх сем’яў, сябрамі, блізкімі сабраліся ў зале дзіцячай школы мастацтваў. У мерапрыемстве прымалі ўдзел прадстаўнікі раённай улады, члены Беларускай мала-дзёжнай грамадскай арганізацыі выратавальнікаў-пажарных.
У залу ўрачыста быў унесены Дзяржаўны флаг Рэспублікі Беларусь.
Да прысутных звярнуўся намеснік старшыні райвыканкама Вячаслаў Нявінскі. Ён падкрэсліў важнасць прафесіі выратавальніка, для каго рызыка ў імя выратавання — звычайная штодзённая работа.
Вячаслаў Нявінскі ўручыў нагрудныя знакі “15 год органам і падраздзяленням, падначаленым МНС Рэспублікі Беларусь” шэрагу супрацоўнікаў РАНС: намесніку начальніка па аператыўна-тактычнай рабоце Валянціну Лапцеву, старшаму інспектару інспекцыі нагляду і прафілактыкі Вячаславу Сідараву, дыспетчару цэнтра аператыўнага ўпраўлення Яўгену Краснаму, камандзіру аддзялення пажарнага аварыйна-выратавальнага паста №13 Сяргею Паўлюкевічу, камандзірам аддзяленняў пажарнай аварыйна-выратавальнай часці №1 Сяргею Хралянкову, Аляксандру Бараноўскаму, Аляксандру Булачкіну.
Было адзначана, што за значны ўклад у папярэджванне і ліквідацыю пажараў і надзвычайных сітуацый, узорнае выкананне службовых абавязкаў і дасягненне высокіх рэзультатаў у аператыўна-службовай дзейнасці датэрмінова прысвоена чарговае спецыяльнае званне “прапаршчык унутранай службы” Андрэю Харытонаву.
З асаблівымі пачуццямі зала вітала ветэранаў пажарнай службы, ім былі ўручаны падзячныя пісьмы.
Не засталася без “лаўраў” у гэты вечар падрастаючая змена — члены Беларускай маладзёжнай грамадскай арганізацыі выратавальнікаў-пажарных: шэрагу з іх былі ўручаны дыпломы.
Віноўнікі ўрачыстасці атрымалі і музычныя падарункі, а завяршылася сустрэча выкананнем Гімна выратавальнікаў.
Фота
Максіма МІКЕШЫНА.