Адкрыем новыя імёны РАЗАМ!

novyeimena

Такі дэвіз вызначаны для Рэспубліканскага маладзёжнага вакальнага конкурсу “Новыя імёны Беларусі”, арганізаванага Федэрацыяй прафсаюзаў Беларусі пры падтрымцы Міністэрства культуры і Нацыянальнай дзяржаўнай тэлерадыёкампаніі Рэспублікі Беларусь. Ён праводзіцца ў межах Года моладзі з 16 лютага па 22 мая.

Як адзначыла старшыня раённага аб’яднання арганізацый прафсаюзаў Алена Глекава, мэты конкурсу — выяўленне маладых таленавітых выканаўцаў (яго ўдзельнікі — моладзь пярвічных арганізацый галіновых прафсаюзаў ва ўзросце ад 16 да 31 года), развіццё маладзёжнай аматарскай мастацкай творчасці, аб’яднанне людзей рознага ўзросту і захапленне іх актыўнымі формамі арганізацыі вольнага часу, стварэнне ўмоў для развіцця творчых здольнасцей і пачуцця патрыятызму.
Да 1 сакавіка ў кожным раёне рэспублікі прахо-дзяць адборачныя туры, у ходзе якіх кожны са 118 раёнаў выберуць па трое самых таленавітых выканаўцаў. Ажыццявіў гэты няпросты выбар і наш раён: у мінулую суботу на сцэне раённага Дома культуры маладыя прадстаўнікі прафсаюзных арганізацый спрачаліся за пуцёўку на абласны этап конкурсу, які пройдзе з 19 сакавіка па 15 красавіка.
Усіх удзельнікаў было 12. Кожны па-свойму прадэманстраваў свае вакальныя здольнасці і артыстызм. Разнастайным быў рэпертуар: ад рускай народнай песні да казачага раманса і сучаснай эстраднай песні.
Першы нумар, згодна жараб’ёўкі, дастаўся Крысціне Гаўрушэнка, якая прадстаўляла СВК “Рассвет” імя К.П.Арлоўскага. Яна пакарыла журы своеасаблівай манерай выканання песні “Каруза” і стала адной з прэтэндэнтак на абласны этап.
Значную колькасць балаў набрала Валянціна Альховік, работнік раённага Дома культуры, усхваляваўшы журы і залу пранікнёнай песняй “Ты помні” аб Вялікай Перамозе, 70-годдзе якой будзем святкаваць сёлета.
Дзявочую кампанію лідараў у ходзе конкурсу папоўніў Сяргей Лаўрыненка, вы-кладчык дзіцячай школы мастацтваў г.Кіраўска, вядомы ўсім як вядучы практычна ўсіх значных культурна-масавых мерапрыемстваў. А тут ён бліснуў талентам, артыстызмам і гумарам, выканаўшы рускую народную песню “Во деревне то было, во Ольховке” пад акампанемент на раялі Дар’і Пятруша. Проста немагчыма было стрымаць смех і станоўчыя эмоцыі, калі Сяргей у простай сялянскай сарочцы босым выплясваў на сцэне, а лапці бераж-ліва віселі на шыі. Яго моцны голас, здавалася, быў чутны і на вуліцы…
З самага лепшага боку паказалі сябе, як выканаўцы, Вікторыя Давыдовіч і Дар’я Пятруша з дзіцячай школы мастацтваў г.Кіраўска, Дзмітрый Валчкоў і Марыя Літвінава з Жыліцкага сельгаскаледжа, Дар’я Лось з СВК “Рассвет” імя К.П.Арлоўскага, Людміла Хурсан, загадчыца ясляў-садка в.П.Слабада, Марына Вароніч з райспажыўтаварыства, Наталля Еўдакімава з ліцэя №15, Таццяна Шах-Фралова з раённай бальніцы. Усе ўдзельнікі — проста малайцы, яны захапляюцца песенным мастацтвам і нясуць яго людзям — дзеля светлых эмоцый і добрага настрою. Удзячнасць ім выказала старшыня журы, намеснік старшыні райвыканкама Галіна Слабоднікава.
Лідарам конкурсу былі ўручаны дыпломы і каштоўныя прызы, астатнім выканаўцам — сертыфікаты за ўдзел у мерапрыемстве і падарункі ад пярвічных арганізацый галіновых прафсаюзаў.
Такім чынам, нашай тройцы: Крысціне Гаўрушэнка, Валянціне Альховік і Сяргею Лаўрыненку прадстаіць абараняць гонар раёна на абласным этапе конкурсу, у ходзе якога будуць вызначаны самыя таленавітыя спевакі з рэгіёнаў, а далей — па выніках абласных фіналаў — 49 маладых выканаўцаў будуць запрошаны ў Мінск. Пасля рэспуб-ліканскага адбору журы вызначыць 30 фіналістаў, якія з 27 красавіка па 10 мая будуць займацца з прафесійнымі выканаўцамі, харэографамі і стылістамі, прымуць удзел у канцэртах да Свята працы і Дня Перамогі, а ў дзень правядзення VII з’езда Федэрацыі прафсаюзаў Беларусі прадэманструюць свае таленты ў межах фінальнага шоў-конкурсу на адной сцэне з вядомымі беларускімі артыстамі. Тэлевізійная версія конкурсу “Новыя імёны Беларусі” будзе трансліравацца на тэлеканалах Белтэлерадыёкампаніі, у якасці падарунка пераможцам бу-дзе і ратацыя песень у іх выкананні на радыёстанцыі “Новае радыё”.
Шаноўныя кіраўчане! Давайце будзем «трымаць кулачкі» за нашых прадстаўнікоў і верыць, што ў іх усё атрымаецца!
Наталля ХАДАКОВА,
член журы.
Фота
Максіма МІКЕШЫНА.

Добавить комментарий

Ваш адрес email не будет опубликован.