Дыспут-дыялог: жыццё без “спайсаў”

spasy spasy2

Як паведамлялася на старонках “Кіраўца”, з 12 лютага па 1 сакавіка ў раёне праходзіць міжведамасная  прафілактычная акцыя “Разам — супраць наркотыкаў”, арганізатарамі якой з’яўляюцца аддзел адукацыі, спорту і турызму райвыканкама, камісія па справах непаўналетніх, пры цесным узаемадзеянні з РАУС, райбальніцай, раённым цэнтрам гігіены і эпідэміялогіі, аддзелам ідэалагічнай работы, культуры і па справах моладзі, райкамам БРСМ.

Нагадаем, што мэтай акцыі з’яўляецца мабілізацыя адміністрацыйных, сацыяльна-грамадскіх рэсурсаў для павышэння эфектыўнасці работы па прафілактыцы ўжывання або распаўсюджвання наркатычных сродкаў, курыцельных сумесей сярод непаўналетніх.
У межах акцыі “Разам — супраць наркотыкаў” праводзіцца шэраг мерапрыемстваў. Так, на мінулым тыдні ў ліцэі №15, Жыліцкім сельгаскаледжы прайшлі дыспуты-дыялогі “Курэнне міксаў… Непрадказальныя эфекты”. Гэтая тэма была ў цэнтры ўвагі і на мерапрыемстве, прайшоўшым у РАУС, куды былі запрошаны вучні школ, якія стаяць на ўліку ў інспекцыі па справах непаўналетніх.
Са станам правапарадку сярод непаўналетніх прысутных пазнаёміла намеснік старшыні камісіі па справах непаўналетніх райвыканкама Вераніка Касьміна.
Хвалюючай і павучальнай была гутарка прадстаўніка райЦГЭ Алены Бяляўскай “Наркотыкі і здароўе… Шлях у нікуды”.
Аб мерах крымінальнай адказнасці непаўналетніх згодна Дэкрэта Прэзідэнта Рэспублікі Беларусь ад 28 снежня 2014 года №6 “Аб неадкладных мерах па процідзеянні незаконнаму абарачэнню наркотыкаў” падлеткаў праінфармаваў оперупаўнаважаны па наркакантролі і супрацьдзеянні гандлю людзьмі РАУС Сяргей Лыбзікаў.
Далей быў прадэманстраваны відэафільм па абмяркоўваемай тэматыцы “Паляванне за розумам”.
Паколькі мерапрыемства было задумана як дыспут-дыялог, у размове па ўказанай тэме прымалі ўдзел і падлеткі. Яны выказалі свае меркаванні наконт асноўных прычын ужывання курыцельных сумесей, адзначылі, да якіх сумных вынікаў гэта прыводзіць. Многія падкрэслілі, што ў ходзе сустрэчы даведаліся аб новай інфармацыі, усе пацвердзілі, што атрыманыя веды будуць для іх карыснымі.
Рабятам нагадалі аб тым, як неабходна паводзіць сябе ў грамадскіх месцах. Начальнік інспекцыі па справах непаўналетніх РАУС Андрэй Літвінка прывёў прыклады прыцягнення падлеткаў да адміністрацыйнай адказнасці за курэнне (спажыванне) тытунёвых вырабаў у забароненых месцах.
Дарэчы была і тэма бяспечных паводзін на рэках і вадаёмах у перыяд раставання лёду.
Фота
Максіма Мікешына.

Добавить комментарий

Ваш адрес email не будет опубликован.