У раённым спаборніцтве сярод калектываў фельчарска-акушэрскіх пунктаў пераможцам прызнаны калектыў Стайкаўскага ФАПа.
Узначальвае калектыў загадчыца Алена Фрэйберг, якая ў галіне аховы здароўя працуе амаль чвэрць стагоддзя. За гэты час медык назапасіла не толькі багаты вопыт работы, але дзякуючы свайму высокаму прафесіяналізму заваявала павагу ў калег, а, самае галоўнае, давер жыхароў абслугоўваемага ўчастка (у яго ўваходзіць 9 населеных пунктаў, дзе пражывае 498 чалавек) і іх шчырую ўдзячнасць.
Алена Уладзіміраўна — сапраўдны прыклад адданасці сваёй любімай справе, мэтанакіравана і карпатліва працуе з сельскімі жыхарамі, асабліва з хранічнымі хворымі. На амбулаторным прыёме ў мінулым годзе пабывалі 1835 чалавек, аказана неабходная медыцынская дапамога на даму 133 чалавекам. Скаргаў на работу калектыву ФАПа ў адміністрацыю райбальніцы не паступае.
У размове Алена Фрэйберг адзначыла, што каб стаць сапраўдным медыкам-прафесіяналам, трэба паважаць людзей, не шкадаваць сваёй увагі, душэўных сіл, уласнага часу.

На здымку: загадчыца Стайкаўскага ФАПа Алена Фрэйберг.