Папрацавалі дружна, шчыра!

myzysub gruzdrov

У мінулую суботу кіраўчане і сяльчане дружна папрацавалі па навя-дзенні чысціні і парадку ў горадзе і сельскіх населеных пунктах:  у раёне прайшоў дзень бязвы-платнай працы на карысць добраўпарадкавання нашага агульнага дома — Кіраўшчыны.

Прадстаўнікі арганізацый і ўстаноў райцэнтра шчыравалі на суботніку на 18 аб’ектах. Гэта былі вуліцы і дарогі, зямельныя ўчасткі, дзе скашвалася пустазелле, прыбіралася  смецце. Праводзілася традыцыйная веснавая ўборка на ўсіх гарадскіх грамадскіх могілках. На могілках “Хамічы” наводзілі парадак  работнікі райвыканкама, фінансавага аддзела, райсавета дэпутатаў і іншыя. Тут разам з усімі працаваў старшыня райвыканкама Аляксандр Бутараў (на верхнім здымку).  Журналісты “раёнкі” па-прасілі яго падзяліцца сваімі ўражаннямі.

Як адзначыў Аляксандр Бутараў, раённы суботнік — важнае масавае мерапрыемства па навядзенні парадку. Ён выказаў задаволенасць, што ўсе актыўна адгукнуліся на гэтую карысную справу. І разам з тым, пажадаў, каб людзі з большым разуменнем ставіліся да гэтай работы. “Парадак у раёне наводзім не для кагосьці, а для сябе: каб наш край стаў яшчэ больш прыгожым, утульным, квітнеючым”, — падкрэсліў кіраўнік раёна.
Сродкі, якія будуць зароблены ў ходзе суботніка, плануецца выкарыстаць для правядзення добраўпарадкавання ў раёне, рамонту і прывядзення ў належны стан помнікаў і абеліскаў, зносу і захавання пустуючых дамоў.
Актыўны ўдзел у суботніку прынялі школьнікі на чале з настаўнікамі: з прыўзнятым настроем, дружна яны займаліся ўборкай смецця на вуліцах горада. Кіпела работа і на пустуючай тэрыторыі за вытворчай базай філіяла “Бабушкиной крынки”.
Шэраг калектываў выехаў для ўборкі прыбярэжнай тэрыторыі Чыгірынскага вадасховішча.
Ішлі работы па добраўпарадкаванні і на тэрыторыях сельсаветаў.
Няхай наша Кіраўшчына прыгажэе і квітнее ў год свайго 80-гадовага юбілею!

Добавить комментарий

Ваш адрес email не будет опубликован.