За вываз бытавых адходаў давядзецца адказваць!

koniekonik1

Днямі адказнымі пасадавымі асобамі райвыканкама, раённай інспекцыі прыродных рэсурсаў і аховы навакольнага асяроддзя, УКП “Жылкамгас” у лясным масіве за могілкамі “Хамічы” затрыманы кіраўчанін Дзмітрый Аўсянікаў, які з гужавога транспарту згружаў бытавыя адыходы. Тым самым ён парушыў правілы абыходжання з цвёрдымі камунальнымі адходамі.

Як адзначыў начальнік раённай інспекцыі прыродных рэсурсаў і аховы навакольнага асяроддзя Мікалай Трыбуш, дадзены грамадзянін будзе пакараны ў адпаведнасці з Кодэксам Рэспублікі Беларусь аб адміністрацыйных правапарушэннях, якім прадугледжана накладанне штрафу на фізічную асобу ад 5 да 50 б.в.
Для таго, каб жыхары прыватных домаўладанняў не траплялі ў такую сітуацыю ў раёне распрацавана і зацверджана схема па вывазу ЦБА сіламі камунальнікаў на гарадскі палігон “Пеля”. Тым больш, што ў 2012 годзе прыняты Жыллёвы кодэкс Рэспублікі Беларусь у новай рэдакцыі, на падставе якога кожны ўладальнік жыллёвага фонду (у тым ліку і прыватнага) абавязаны заключыць дагавор з УКП “Жылкамгас” на вываз бытавых адходаў. Гэта паслуга з’яўляецца асноўнай у жыллёва-камунальнай гаспадарцы і аказваецца насельніцтву ў абавязковым парадку.
Грамадзяне, пражываючыя ў індывідуальных жылых дамах і заключыўшыя дагаворы на вываз цвёрдых бытавых адходаў, абавязаны змяшчаць іх у санкцыянаваных месцах часовага захоўвання, якія вызначаюць камунальнікі.
У выпадку, калі грамадзянін захоча самастойна вывезці буйнагабарытныя прадметы карыстання на гарадскі палігон, яму неабходна звярнуцца да дырэкцыі УКП “Жылкамгас” і атрымаць дазвол.

Добавить комментарий

Ваш адрес email не будет опубликован.