У ходзе выязной калегіі па выніках работы жывёлагадоўчай галіны вобласці за першы квартал бягучага года, якая адбылася на базе сельгасарганізацый Дрыбінскага раёна, адзначалася, што ў сельгасарганізацыях праведзена пэўная работа па нарошчванні аб’ёмаў вытворчасці і рэалізацыі жывёлагадоўчай прадукцыі.
Было падкрэслена, што ў Кіраўскім раёне атрымана найбольшая рэнтабельнасць малака — 27,6% (сярэдні паказчык па вобласці — 11%). Прычым, 98% прадукцыі рэалізавана на перапрацоўчыя прадпрыемствы сортам “экстра” і вышэйшым гатункам. Цана кілаграма прададзенага малака складае 4169 руб. (лепшы паказчык па вобласці).
У адпаведнасці з пастановай выязной калегіі райсельгасхарчам даручана: забяспечыць кантроль за адпаведным афармленнем суправаджальных дакументаў пры адгрузцы малака на перапрацоўчыя прадпрыемствы; распрацаваць комплекс мер, накіраваных на захаванне патрабаванняў тэхналагічных рэгламентаў па вытворчасці малака, павышэнне эфектыўнасці малочнатаварных ферм, аснашчаных даільнымі заламі; актывізаваць работу па падрыхтоўцы матэрыяльна-тэхнічнай базы да пераводу жывёлы на пашавае ўтрыманне; арганізаваць своечасовае падкашванне пашаў і бесперабойны “зялёны канвеер”.
Згодна аператыўных дадзеных аблсельгасхарчу па сярэднясутачных надоях малака на карову Кіраўскі раён пастаянна лідзіруе: па стане на 18.05.2015 г. жывёлаводы надойваюць у суткі ад кожнай рагулі па 17 кг малака.