Па дзяржаўным заказе
У хуткім часе колькасць шматпавярховак у нашым горадзе папоўніцца яшчэ адной: напрыканцы чэрвеня плануецца ўвядзенне ў эксплуатацыю 60-кватэрнага кааператыўнага дома па вул.Арлоўскага. Ён будуецца ў адпаведнасці з Указам Прэзідэнта Рэспублікі Беларусь ад 8 мая 2013 г. №215 “Аб некаторых мерах па ўдасканаленні будаўніцтва (узвядзення, рэканструкцыі) жылых памяшканняў”.
Першачарговае права на пакупку жылля ў доме, які ўзво-дзіцца па дзяржзаказе, маюць мнагадзетныя сем’і і сем’і, якія выхоўваюць дзяцей-інвалідаў, інвалідаў з дзяцінства 1 і 2 груп, іншыя катэгорыі грамадзян.
Работы вядуцца ў адпаведнасці з зацверджаным графікам, будаўнікі падраднай арганізацыі ПМК-255 працуюць арганізавана, зладжана. Зараз брыгады заняты на аддзелцы фасада дома і добраўпарадкаванні прылягаючай тэрыторыі.Як адзначыў прараб Дзяніс Сцерлінгаў, занятыя на будаўніцтве людзі — прафесіяналы сваёй справы, многія з іх працуюць у арганізацыі на працягу многіх гадоў. Сярод іх — члены брыгады муляраў на чале з Паўлам Акалатовічам, брыгады тынкоўшчыкаў, якія ўзначальваюць Надзея Марцючэнка, Ірына Жаўняровіч. Галоўная мэта будаўнікоў — якасная работа і здача аб’екта ва ўстаноўленыя тэрміны.
Дарэчы, пасля атрымання ключоў навасёлы змогуць даводзіць да лагічнага завяршэння аддзелку кватэр: на свой густ фарбаваць, клеіць, рабіць іншыя работы.
Для даведкі.
У нашым раёне на ўліку грамадзян, маючых патрэбу ў паляпшэнні жыллёвых умоў, знаходзяцца 722 сям’і, з іх 545 — гараджане. У агульнай чарзе і 62 мнагадзетныя сям’і.