Дзяржаўная ўзнагарода — за добрасумленную і плённую працу

Дзяржаўная ўзнагарода —  за добрасумленную і плённую працу

_MG_1645

Для аператара машыннага даення 1-га класа з СВК “Рассвет” імя К.П.Арлоўскага  Валянціны Клімовіч летнія месяцы — самыя насычаныя  па-дзеямі, якія пакідаюць у яе сэрцы прыемныя ўспаміны. Дарэчы, мінулы год для жанчыны азнаменаваны юбілейнымі датамі: яна адзначыла свой 55-гадовы юбілей і 70-годдзе ўтварэння роднай гаспадаркі. Гаспадаркі, у якой Валянціна Леанідаўна на працягу амаль чатырох дзесяцігоддзяў назапашвае вопыт, павышае сваё прафесійнае майстэрства, дзеліцца з іншымі працаўнікамі сакрэтамі дасягнення высокіх паказчыкаў у даручанай справе, заваявала аўтарытэт і павагу ў кіраўніцтва і калег па жывёлагадоўчым цэху.

А сёлета напярэдадні галоўнага дзяржаўнага свята — Дня Незалежнасці Рэспублікі Беларусь — прадстаўніца Кіраўшчыны ў ліку іншых перадавікоў розных галін вытворчасці з рук Прэзідэнта краіны Аляксандра Лукашэнкі атрымала ордэн Пашаны. Яе старанная праца раней была адзначана медалём “За працоўныя заслугі”.
У той жа дзень супрацоўнікі рэдакцыі сустрэліся з Валянцінай Леанідаўнай, павіншавалі з атрыманнем заслужанай узнагароды і папрасілі яе падзяліцца ўражаннямі.
Як адзначыла жанчына, гэта быў вельмі яркі і запамінальны дзень у яе жыцці. Нягледзячы на тое, што высокую ўзнагароду атрымлівала не першы раз, усё роўна адчувалася трапятанне ў сэрцы, і, разам з тым, задавальненне: яе старанная праца ацэньваецца па заслугах!
На ўсё жыццё застануцца ў яе памяці віншаванні Кіраўніка дзяржавы, які таксама пажадаў усім, каб іх высокія дзяржаўныя ўзнагароды паслужылі выдатным стымулам для далейшай паспяховай дзейнасці дзеля дабрабыту беларускага народа.
А падставы для гэтага маюцца: Валянціна Леа-нідаўна працуе на новай ферме, якая ўступіла ў строй дзеючых на Валосавіцкім малочнатаварным комплексе ў снежні 2013 года. У межах выканання даручэння Прэзідэнта краіны былі пабудаваны 2 хлявы і даільны малочны блок па навейшых тэхналогіях. Для працы і адпачынку жывёлаводаў тут створаны належныя ўмовы.
Вопытная даярка працуе разам з Таццянай Недасекінай: у іх групе 450 высокапрадуктыўных кароў. Зараз ад кожнай з іх аператары надойваюць у сярэднім па 20 кг у суткі, надой на рагулю за студзень — май склаў па 2994 кг. Дасягаць такіх вынікаў дазваляюць трывалая кармавая база, адказныя адносіны жывёлаводаў да даручанай справы.
Валянціна Клімовіч — чалавек актыўнай жыццёвай пазіцыі: звыш трох дзесяцігоддзяў яна з’яўляецца нязменным прафгрупоргам. Жанчыне ўласцівы арганізатарскія здольнасці, дзякуючы якім, а таксама такім рысам яе характару, як дабрыня, спагада, станоўча вырашаюцца многія надзённыя праблемы, якія надараюцца з яе калегамі па цэху.
Паважаюць Валянціну Леанідаўну і аднавяскоўцы за яе адкрытае сэрца, добрыя ўчынкі. Калі патрэбна, заўсёды прыдзе на выручку, падтрымае і словам, і справай. Жанчына ніколі не пройдзе міма фактаў безгаспадарчасці, вядзе барацьбу з аматарамі спіртных напояў.
У перадавой даяркі — надзейны тыл: муж Васіль Пятровіч дапамагае спраўляцца з хатнімі справамі, бо разумее, што яго Валянціне трэба тры разы на дні падаіць грамадскі статак, а першая дойка пачынаецца з 6 гадзін раніцы. Добрыя памочнікі ў бацькоў іх дзве дачкі, двое зяцёў, якія жывуць у Бабруйску і вельмі часта прыязджаюць у родны дом. Радуюць бабулю з дзядулям трое ўнукаў.
Менавіта члены сям’і першымі патэлефанавалі Валянціне Леанідаўне і павіншавалі з атрыманнем высокай узнагароды. Муж, дзеці, унукі перакананы, што яна гэта заслужыла: ўпэўнена, мэтанакіравана ідзе па сцежцы, якую выбрала 35 гадоў таму. Працуе з душой, адказна, з кожным годам дабіваецца новых вяршынь, а яе вынікі — важкі ўклад у агульныя поспехі калектыву роднай гаспадаркі.
Таццяна БАРАДЗІНА.
Фота
Максіма МІКЕШЫНА.

Последние новости

Актуально

Веды – сіла: алімпіяда па вучэбных прадметах

29 марта 2024
Сельское хозяйство

Старт дала вясна!

29 марта 2024
Профилактика и безопасность

Мошенническая схема: «Алло, мама!..»

29 марта 2024
Прямая линия

Прямая телефонная линия

29 марта 2024
Профилактика и безопасность

В Могилевской области отмечается рост подростковой преступности по 222 статье УК Республики Беларусь

28 марта 2024
Общество

Аўтар першага беларускага рамана

28 марта 2024
В стране и мире

Лукашенко: всякая финансовая деятельность должна быть подчинена интересам экономики

28 марта 2024
Общество

Выездной личный приём граждан

28 марта 2024
В Комитете госконтроля

Проверили торговлю

27 марта 2024
Образование

Белая ладья

27 марта 2024

Рекомендуем

Актуально

Сегодня состоялось совместное заседание президиума Кировского районного Совета депутатов и Кировского районного исполнительного комитета

19 марта 2024
Актуально

Кировск встречает весну

16 марта 2024
80-летие освобождение Беларуси от немецко-фашистских захватчиков

В День памяти жертв Хатынской трагедии в Кировском районе состоялся автопробег

22 марта 2024
Актуально

В Кировске состоялось чествование победителей областного смотра-конкурса первичных организаций ветеранов органов внутренних дел и внутренних войск

22 марта 2024
В стране и мире

Состоялся телефонный разговор Лукашенко с гендиректором “Роскосмоса”

22 марта 2024
В стране и мире

Лукашенко и Путин в телефонном разговоре подтвердили готовность к дальнейшему активному взаимодействию по реагированию на угрозы терроризма

23 марта 2024
Общество

В ЦДОДиМ состоялся конкурс «Мисс детский сад-2024»

19 марта 2024
80-летие освобождение Беларуси от немецко-фашистских захватчиков

В Жиличском сельхозколледже прошёл урок памяти “Боль Хатыни”, посвящённый 81-й годовщине Хатынской трагедии

22 марта 2024