Жніво — сур’ёзны экзамен для хлебаробаў

narase

Аграрыі раёна распачалі самую адказную кампанію — уборку вырашчанага ўраджаю. Галоўнае падчас жніва — без страт, якасна і ў вызначаныя тэрміны ўбраць збожжавыя і зернебабовыя культуры. 

Сёлетняе надвор’е не дае хлебарабам паслаблення: многія сельгас-прадпрыемствы страцілі значную частку пасеваў азімых культур, некаторыя плошчы давялося перасяваць. Не паспела жніво набраць абароты, як зачасцілі дажджы. Але чакаць “міласці” ад надвор’я працаўнікі палёў не прывыклі, таму і імкнуцца з карысцю выкарыстоўваць кожную пагодную хвіліну.
Актыўна ўключыліся ва ўборачную кампанію хлебаробы СВК “Рассвет” імя К.П.Арлоўскага. І гэта не дзіўна: збожжавы і зернебабовы клін у гаспадарцы самы вялікі ў раёне — больш за 2844 га без уліку кукурузы. Для таго, каб правесці жніво якасна і ў належныя тэрміны, на сельгаспалеткі гаспадаркі штодзённа выходзіць 12 камбайнаў, 10 адзінак тэхнікі забяспечвае бесперапынную дастаўку збожжа на ачышчальна-сушыльныя гаспадаркі.
Стартавала ўборачная кампанія ў “Рассвеце” 16 ліпеня на рапсавых палетках вытворчага ўчастка “Стаўпішчы”. Карэспандэнты “раёнкі” пабывалі ў гаспадарцы ў мінулую пятніцу. За штурваламі камбайнаў тут працавалі вопытныя экіпажы механізатараў: Мікалай Белакурскі і Аляксей Юркавец, Аляксандр і Людміла Бяляўскія, Ігар Жалдак і Сяргей Барысёнак і іншыя.
Рапс займаў ў гаспадарцы плошчу ў 419 га. Для таго, каб пазбегнуць страт ураджаю, рассветаўцы паспяшаліся правесці ўборачныя работы ў максімальна кароткія тэрміны: справа ў тым, што сухі стручок рапсу лёгка лушчыцца, і зярняты высыпаюцца на зямлю. Калі гаварыць пра ўраджайнасць, то ў гэтым годзе яна склала 14,6 ц/га: галоўная прычына недабору — дрэнныя пагодныя ўмовы ў зімовы перыяд. Аднак, пакуль гэта адзін з лепшых паказчыкаў ураджайнасці рапсу ў раёне, відавочна, што ў гаспадарцы належным чынам паклапаціліся аб своечасовай апрацоўцы і доглядзе за раслінамі.

Пасля ўборкі рапс дастаўляўся на збожжаток для далейшай ачысткі і дасушкі. Да неабходных стандартаў яго даводзяць аператары ачышчальна-сушыльнай гаспадаркі Віктар Еўдакімаў, Павел Нікалаенкаў, Дзмітрый Бяляўскі і іншыя.
У “Рассвеце” паралельна з уборкай алейнай культуры была распачата ўборка азімай пшаніцы, якая займае тут плошчу ў 1306 га. Першыя зжатыя тоны, а на круг выходзіць па 42,9 ц/га, даюць спа-дзяванне хлебаробам на нядрэнны ўраджай збажыны. Сярод лідараў жніва — экіпажы камбайнераў, якімі кіруюць Іван Салановіч і Іван Багель, Валерый Піскуноў і Іван Курыла. Хутка дастаўляюць на сушыльную гаспадарку намалочаны ўраджай вадзіцелі Дзяніс Сакабіцкі, Арцём Глазоўскі, Генадзь Гукаў і іншыя.
Як толькі камбайны пакідаюць палеткі, без прамару-джвання ўключаюцца ў работу прэс-падборшчыкі, якія ўбіраюць з палёў салому.
Кіраўніцтва гаспадаркі, як адзначыў першы намеснік старшыні Аляксандр Жы-лінскі, загадзя паклапацілася пра стварэнне належных умоў працы і быту, для работнікаў, занятых на жніве. Не ўзнікае затрымак з адвозам намалочанага збожжа на перапрацоўку, наладжана тэхнічнае абслугоўванне сельгасмашын. З механізатарамі, вадзіцелямі і работнікамі зернесушыльных комплексаў праве-дзены інструктаж па ахове працы, кожны азнаёмлены з ўмовамі аплаты працы.
Старт жніву дадзены. Зараз галоўнае, каб на-двор’е паспрыяла хлебаробам убраць вырашчаны ўраджай. А людзі не падвядуць, яны гатовы працаваць з максімальнай аддачай.
Людміла СЯМЁНАВА.

Добавить комментарий

Ваш адрес email не будет опубликован.