Жніво на Кіраўшчыне ўступіла ў сваю завяршальную фазу

geydel

Як і ў цэлым па вобласці, у сваю завяршальную фазу ўступіла жніво на Кіраўшчыне. Паводле дадзеных упраўлення сельскай гаспадаркі і харчавання райвыканкама ў раёне ўбраны збожжавыя і зернебабовыя культуры на  10693 га аль-бо 77%, намалочана 35758 т збожжа. Няўстойлівае надвор’е прыспешвае хлебаробаў: яны самааддана шчыруюць, каб не страціць на палях тое, што вырашчана такімі значнымі намаганнямі. 

Немалаважным стымулам для плённай працы хлебаробаў з’яўляюцца арганізацыя працоўнага спаборніцтва, а таксама маральнае і матэрыяльнае заахвочванне самых старанных і адказных з іх. У сваю чаргу, плённая праца аграрыяў не застаецца па-за ўвагай кіраўніцтва раёна і сельгас-прадпрыемстваў, дзе працуюць лідары жніва, прафсаюзных арганізацый АПК вобласці і раёна.
У першы жнівеньскі дзень павіншаваць хлебаробаў-“тысячнікаў” з дасягнутымі працоўнымі перамогамі завіталі старшыня абкама прафсаюза работнікаў АПК Віктар Гейдэль, першы намеснік старшыні райвыканкама, начальнік упраўлення сельскай гаспадарцы і харчавання Аляксандр Адамаў, старшыня райкама прафсаюза работнікаў АПК Віктар Ставер. Падзячныя пісьмы і грашовыя прэміі за старанную і добрасумленную працу, высокія паказчыкі на ўборцы збожжавых культур у гэты дзень атрымалі: камбайнеры Іван Салановіч і Іван Багель, звяно аператараў ачышчальна-сушыльнай гаспадаркі ў саставе Віктара Еўдакімава, Аляксея Бяляўскага і Кірыла Руднева з СВК “Рассвет” імя К.П.Арлоўскага, вадзіцель СВК “Калгас “Ніва” Андрэй Храпянкоў.
Уручаючы заслужаныя ўзнагароды Віктар Гейдэль падзякаваў хебаробам за самаадданую працу і выказаў пажаданне бачыць іх сярод пераможцаў не толькі раённага, але абласнога і нават рэспубліканскага ўзроўняў.
Калі нумар газеты рыхтаваўся да друку, стала вядома, што рады хлебаробаў-“тысячнікаў” у нашым раёне папоўнілі яшчэ 5 экіпажаў камбайнераў, сярод іх: Мікалай Белакурскі і Аляксей Юркавец, Валерый Піскуноў і Іван Курыла з СВК “Рассвет” імя К.П.Арлоўскага, бацька і сын Уладзімір і Дзмітрый Комары, Валянцін Сулімскі і Юрый Русецкі з райаграпрамтэхзабеспячэння, Аляксандр Петранкоў з СВК “Калгас “Ніва”.
Людміла СЯМЁНАВА.

Добавить комментарий

Ваш адрес email не будет опубликован.