Дзень будаўніка адзначылі ў Кіраўскай ПМК-255

svyata

Сваё прафесійнае свята — Дзень будаўніка калектыў ПМК-255 адзначыў урачыстым сходам, у сяброўскай святочнай атмасферы.

Прафесія будаўніка — ганаровая. У першую чаргу тым, што рукамі будаўнікоў узводзяцца дамы, а, значыць, уносіцца ўклад у дабрабыт сем’яў. А сям’я — гэта любоў, шчасце, утульнасць, спакой, будучае краіны. Таму да характарыстык гэтай прафесіі варта дадаць і — стваральная.
Людзі, якія прысвячаюць гэтай прафесіі жыццё, дастойныя пашаны і ўвагі. На Кіраўшчыне будаўнікоў шчыра цэняць. Напярэдадні прафесійнага свята павіншаваць і выказаць пажаданні ў актавую залу ПМК-255 прыбылі старшыня райвыканкама Аляксандр Бутараў, старшыня райкама прафсаюза работнікаў АПК Віктар Ставер, начальнік аддзела ідэалагічнай работы, культуры і па справах моладзі райвыканкама Андрэй Карпук.
Аляксандр Бутараў у сваім віншавальным выступленні назваў калектыў ПМК-255 камандай прафесіяналаў, пажадаў яе членам моцнага здароўя, дабрабыту сем’ям і выказаў упэўненасць, што гэтыя людзі ў працы ніколі не падвядуць.
З рук кіраўніка раёна Ганаровую грамату райвыканкама атрымаў Юрый Завяршынскі, а Надзея Марцючэнка была адзначана грашовай прэміяй.
Віктар Ставер уручыў Ганаровую грамату райкама прафсаюза работнікаў АПК Таццяне Лычук, Падзячныя пісьмы — Алене Беляковай і Юрыю Каранкевічу, дыпломы — Леаніду Перадню і Віктару Ржавуцкаму.
Прадстаўнікі маладога пакалення арганізацыі былі адзначаны Падзячнымі пісьмамі райкама ГА “БРСМ” — гэта Павел Макарскі, Станіслаў Хамлюк, Сяргей Іваніцкі, Вольга Анціпава.
Кіраўнік арганізацыі Ігар Лазаковіч уручыў граматы ПМК-255 шэрагу добрасумленных, адказных работнікаў.
Словы ўдзячнасці і віншаванняў, узнагароды і ўшанаванні чаргаваліся з музычнымі нумарамі, падрыхтаванымі культработнікамі.
Гучнымі апладысментамі прысутныя ў зале сустракалі таксама і сваіх калег, якія прадставілі творчую праграму. Песню пад гітару выканаў Юрый Ніканаў. Гульнара Барадзіна, якая, дарэчы, выступіла і ў якасці вядучай, а таксама Аксана Слесарава, Святлана Меляшчэня, Ірына Завяршынская павіншавалі калег харэаграфічнай кампазіцыяй “Синий платочек”.
Яўгенія БЯЛЬКО.
Фота
Максіма МІКЕШЫНА.

Добавить комментарий

Ваш адрес email не будет опубликован.