Хутка ў школу!

carenko

Для падрыхтоўкі дзяцей да новага навучальнага года з раённага бюджэту аказана матэрыяльная дапамога 187 сем’ям (175 мнагадзетным і 12 апякунскім), у якіх выхоўваюцца 373 школьнікі. На кожнага хлопчыка і дзяўчынку выдзелена па 470 тыс. 700 руб.
Дапамогу сем’ям, у якіх выхоўваюцца дзеці школьнага ўзросту, аказалі таксама на прадпрыемствах, у арганізацыях, ва ўстановах раёна. Фінансавая падтрымка ў 22 суб’ектах гаспадарання склала амаль 85 млн. руб.
У РЦСАН жыхары раёна прыносяць адзенне, абутак, з якіх ужо выраслі іх дзеці, але рэчы прыгодныя для выкарыстання, а таксама канцылярскія тавары. Такім чынам ужо аказана дапамога 5 мнагадзетным сем’ям.
У гэтыя апошнія жнівеньскія дзянькі, мабыць, кожная сям’я заклапочана, каб іх дзеці-школьнікі да новага навучальнага года мелі ўсё неабходнае: прымяраюць мінулагоднюю школьную форму, пры неабходнасці — набываюць новую. Па густу выбіраюць абутак, адзенне, канцтавары, школьныя прылады.
Не выключэнне і мнагадзетная сям’я Царэнкаў з аг.Паўлавічы. Бацькі — Дзмітрый Іванавіч, ветурач СВК “Чырвоны баец”, і Валянціна Мікалаеўна, вахцёр Паўлавіцкай СШ імя Р.А.Худалеева — разам з сынамі: дзевяцікласнікам Уладзіславам і сямікласнікам Антонам загадзя заняліся падрыхтоўкай да школы. Дарэчы была і матэрыяльная дапамога, аказаная па месцы работы абодвух бацькоў. Калі рабіўся гэты фотаздымак, малодшы Данііл — вучань 5 класа — знаходзіўся на лячэнні ў райбальніцы. Але і для яго набыта ўсё неабходнае.

Добавить комментарий

Ваш адрес email не будет опубликован.