Блакітная ніва «Рассвета»

Блакітная ніва «Рассвета»

ryb3433122 ryb34331ryb343312ryb343312222

Адным з паспяхова працуючых падраздзяленняў СВК “Рассвет” імя К.П.Арлоўскага з’яўляецца рыбная гаспадарка. Рыбаводствам тут пачалі займацца яшчэ ў 1984 годзе, прыстасаваўшы для гэтага сажалкі, якія раней выкарыстоўваліся для арашэння земляў сельскагаспадарчага прызначэння. Агульная плошча трох нагульных сажалак складае 75 га: дзве з іх — рэчышчавыя, яны напаўняюцца за кошт паводкавай вады, а таксама з дапамогай помпавай станцыі. На сённяшні дзень рассветаўцы займаюцца вырошчваннем карпа, белага амура, таўсталобіка, шчупака і карася. 

У мінулым годзе рыбаводы гаспадаркі вылавілі больш за 162 т рыбы, у бягучым плануюць не менш. З адзінкі плошчы тут атрымліваюць каля 20 ц/га карпаў, у той час, як рыбапрадуктыўнасць па дадзенай тэхналогіі вырошчвання складае каля 11 ц/га.
З пачатку года ў гандлёвыя сеткі Магілёва, Бабруйска, Кіраўска, Жлобіна і Рагачова рассветаўцы паставілі больш за 90 т рыбы. Практычна штодзённа адгружаецца ў сярэднім больш за тону рыбапрадукцыі, а ў выхадныя і кірмашовыя дні — да 2 т.
Як адзначыў у размове з карэспандэнтам “раёнкі” начальнік рыбнай гаспадаркі Алег Шапавалаў, сярод неспецыялізаваных гаспадарак рэспублікі рассветаўскія рыбаводы — лепшыя, а сярод 21 спецыялізаванага рыбгаса ўваходзяць у пяцёрку мацнейшых. На пытанне, у чым жа сакрэт паспяховай дзейнасці, Алег Іванавіч адзначыў, што ёсць шмат складальнікаў: гэта і захаванне тэхналогій вырошчвання рыбы, яе лячэнне ад хвароб і належны догляд, ачыстка і апрацоўка вады. Немалаважную ролю адыгрывае і ахова аб’ектаў ад браканьераў і ахвотнікаў дармавой рыбкі.
Пасадачны матэрыял (малькоў) рассветаўцы купляюць у спецыялізава-ных рыбгасах. Раней бралі малька вагой да 25 г, пры гэтым карп вырошчвалі 2 гады: пасля першага года рыбу вылаўлівалі, а тую, што складала вагой менш 500 г, ад-праўлялі ў зімавальныя рыбнікі, астатнюю — рэа-лізоўвалі. Аднак такая тэхналогія вырошчван-ня прыносіла пэўныя ня-зручнасці: частка рыбы падчас зімоўкі гінула. У бягучым годзе рыбаводы адмовіліся ад такой тэхналогіі: закупілі пасадачны матэрыял вагой больш за 40 г, з якога практычна за лета вырасцілі карпоў вагой па 700-900 г. Як адзначыў Алег Шапавалаў, за кошт выкарыстання буйнога малька ўдалося з’эканоміць цэлы год, неабходны для вырошчвання адборнай рыбы.
Зараз рыбаводы вядуць работы па поўным вылаву рыбы: да надыходу моцных маразоў ім неабходна паспець яе рэалізаваць, бо пакідаць на зімоўку не маецца магчымасці. Акрамя таго, неабходна, каб зімой сажалкі “адпачылі” і прамерзлі, што дазволіць ім ачысціцца ад розных хвароб і шкоднікаў.
Зарыбленне сажалак у гаспадарцы праводзяць у красавіку. На першым этапе для кармлення выкарыстоўваюць спецыяльныя рыбныя камбікармы, у другой палове — зерне, а таксама кукурузу і гарох.
Па словах Алега Шапавалава, іх рыба, згодна лабараторных даследаванняў, адпавядае ўсім санітарным нормам. Да таго ж, выкарыстанне экалагічна чыстых і натуральных кармоў дазволіла значна палепшыць смакавую і спажыўную якасць рыбы. Апрацоўку вады і рыбы ад хвароб робяць у першай палове лета, каб у ёй не назапашваліся ніякія шкодныя рэчывы.
Калектыў рыбнай гаспадаркі “Рассвета” невялікі — 10 чалавек. Гэтыя людзі ажыццяўляюць увесь вытворчы працэс вырошчвання рыбы: догляд, кармленне, лячэнне, лоўлю, сартыроўку, а таксама ахову ад незаконнага лову. Больш за 10 гадоў прысвяціў гэтай справе брыгадзір Уладзімір Бяляўскі, стараннасцю і адказнасцю вызначаюцца рыбаводы Мікалай Рубленка, Андрэй Лапухін, Валерый Бародзіч, Тэнгіз Каркусашвілі, трактарыст Іван Лучына і іншыя.
Цяперашні кіраўнік рыбнай галіны “Рассвета” Алег Шапавалаў стаяў ля вытокаў яе стварэння і развіцця. У свой час ён скончыў Калінінградскі інстытут па спецыяльнасці “Рыбная прамысловасць і гаспадарка”, а таму менавіта Алег Іванавіч усё ведае пра тэхналогію вырошчвання, лад жыцця рыбы і яе хваробы.
У бягучым годзе рассветаўцам удалося пазбегнуць замора рыбы, як гэта здарылася ў іншых рыбгасах: бясснежная зіма, адсутнасць даж-джоў вясной і ўлетку не лепшым чынам паўплывалі на ўзровень вады ў рыбніках, аднак граматныя дзеянні спецыялістаў дазволілі поўнасцю захаваць пасадачны матэрыял.
Безумоўна, не ўсё складаецца ў рассветаўцаў так, як хацелася б: ёсць пэўныя цяжкасці з рэалізацыяй вырашчанай прадукцыі. Тым не менш, тут прадпрымаюцца розныя крокі для станоўчага вырашэння ўзнікаючых складанасцей. І, як вынік, рыбная гаспадарка “Рассвета” з’яўляецца прыбытковай.
Ужо зараз рыбаводы “Рассвета” працуюць на перспектыву: заключаюць дагаворы на закуп пасадачнага матэрыялу, чысцяць рыбнікі, рамантуюць абсталяванне, а гэта значыць, што ў наступным годзе аматары смажанай рыбкі ці наварыстай юшкі змогуць атрымаць асалоду ад смачных страў.
Людміла СЯМЁНАВА.
Фота аўтара.

Последние новости

Общество

На вопросы даны компетентные ответы

29 марта 2024
Актуально

Веды – сіла: алімпіяда па вучэбных прадметах

29 марта 2024
Сельское хозяйство

Старт дала вясна!

29 марта 2024
Профилактика и безопасность

Мошенническая схема: «Алло, мама!..»

29 марта 2024
Прямая линия

Прямая телефонная линия

29 марта 2024
Профилактика и безопасность

В Могилевской области отмечается рост подростковой преступности по 222 статье УК Республики Беларусь

28 марта 2024
Общество

Аўтар першага беларускага рамана

28 марта 2024
В стране и мире

Лукашенко: всякая финансовая деятельность должна быть подчинена интересам экономики

28 марта 2024
Общество

Выездной личный приём граждан

28 марта 2024
В Комитете госконтроля

Проверили торговлю

27 марта 2024

Рекомендуем

Актуально

Сегодня состоялось совместное заседание президиума Кировского районного Совета депутатов и Кировского районного исполнительного комитета

19 марта 2024
80-летие освобождение Беларуси от немецко-фашистских захватчиков

В День памяти жертв Хатынской трагедии в Кировском районе состоялся автопробег

22 марта 2024
Актуально

Кировск встречает весну

16 марта 2024
Актуально

В Кировске состоялось чествование победителей областного смотра-конкурса первичных организаций ветеранов органов внутренних дел и внутренних войск

22 марта 2024
В стране и мире

Состоялся телефонный разговор Лукашенко с гендиректором “Роскосмоса”

22 марта 2024
В стране и мире

Лукашенко и Путин в телефонном разговоре подтвердили готовность к дальнейшему активному взаимодействию по реагированию на угрозы терроризма

23 марта 2024
Общество

В ЦДОДиМ состоялся конкурс «Мисс детский сад-2024»

19 марта 2024
80-летие освобождение Беларуси от немецко-фашистских захватчиков

В Жиличском сельхозколледже прошёл урок памяти “Боль Хатыни”, посвящённый 81-й годовщине Хатынской трагедии

22 марта 2024