Для аператыўнага вырашэння праблемных пытанняў
Працягваецца практыка правядзення “прамых тэлефонных ліній” штотыднёва па суботах прадстаўнікамі абласных і раённых улад з жыхарамі рэгіёнаў.
Такая форма работы ў нашым раёне паказала сваю эфектыўнасць у аператыўным вырашэнні пытанняў, якія хвалююць грамадзян, інфармаванні па цікавячых іх тэмах.
У мінулую суботу “прамую тэлефонную лінію” з жыхарамі раёна правёў старшыня райвыканкама Аляксандр Бутараў. На яе паступіла 9 тэлефонных званкоў, гэта больш у параўнанні з папярэднімі “прамымі лініямі”: грамадзяне жадалі звярнуцца са сваімі пытаннямі, часам і прапановамі менавіта да кіраўніка раёна. 7 зваротаў тычыліся работы жыллёва-камунальнай гаспадаркі, з іх 2 – добраўпарадкавання населеных пунктаў, навядзення парадку (напрыклад, магчымасці расшырэння Хаміцкіх могілак у г.Кіраўску або выдзялення зямельнага ўчастка пад новыя могілкі), 5 – рамонту і ачыстцы калодзежаў. 1 зварот быў наконт работы гандлю, 1 – па пытанні працы.
4 тэлефонныя званкі былі ад жыхароў г.Кіраўска, па 2 – Дабаснянскага і Скрыпліцкага сельсаветаў, 1 – Паўлавіцкага сельсавета.
У працэсе размовы са старшынёй райвыканкама некаторыя тэлефанаваўшыя выказалі свае меркаванні наконт таго, як зрабіць наш горад, раён яшчэ больш прыгожымі, уладкаванымі, камфортнымі для пражы-вання.
Напрыклад, кіраўчані-на В.В.Стэльмакова цікавіла пытанне ўладкавання веласіпеднай дарожкі па вул.Арлоўскага ад гімназіі горада да райбальніцы: аўтатраса тут ажыўленая, і неабходна стварыць бяспечныя ўмовы для тых, хто рухаецца на велатранспарце.
Аляксандр Бутараў растлумачыў, што работы па ўладкаванні веладарожкі шырынёй 2 метры будуць выкананы ў 2016 годзе.
Звароты, якія паступілі на “прамую тэлефонную лінію”, накіраваны старшынёй райвыканкама кіраўнікам адпаведных арганізацый і служб на разгляд, іх выкананне пастаўлена на кантроль.
Наталля ХАДАКОВА.
Фота
Максіма МІКЕШЫНА.
За 10 месяцаў бягучага на 41 “прамую тэлефонную лінію”, праведзеную прадстаўнікамі раённай улады — старшынёй райвыканкама, яго намеснікамі, кіраўніком спраў, паступіла 118 тэлефонных званкоў жыхароў раёна, большасць з якіх тычыліся камунальных пытанняў, добраўпарадкавання. Па многіх зваротах былі дадзены тлумачэнні ў ходзе “прамых тэлефонных ліній”, большасць праблемных пытанняў ужо вырашаны.