Галоўная каштоўнасць — людзі

Галоўная каштоўнасць — людзі

prenz1_MG_09462Уборка вырашчанага ўраджаю збожжа ў СВК ”Калгас “Ніва” з кожным днём набірае абароты, хлебаробы працуюць адказна, выкарыстоўваючы кожную пагодную хвіліну. Для гэтага маюцца важкія падставы — сёлетняя ўра-джайнасць (у сярэднім кожны гектар дае па 36 ц, а азімыя пшаніца і трыцікале — да 45 ц) значна вышэй, чым летась. У сувязі з гэтым у сяльчан і настрой выдатны, улічваючы і тое, што ад канчатковых вынікаў у многім залежыць іх заробак.  

Значныя пасяўныя плошчы, а гэта 1900 га, не даюць механізатарам магчымасці расслабляцца. Аддаленасць палеткаў ад цэнтральнай сядзібы гаспадаркі нацэльвае на тое, каб эканамічна выкарыстоўваць збожжаўборачную тэхніку і зернесушыльную гаспадарку. Што-дзень агаворваюцца ўчасткі для жніва з тым, каб максімальна загружаць сушылку. Іх у гаспадарцы дзве — на прыродным газе і саломе. Улічваючы той факт, што “блакітнае паліва” нятаннае, перавага аддаецца мясцоваму віду.
Уносяць свае адмоўныя карэктывы і дажджы, што часам прымушае хлебаробаў чакаць, пакуль збажына абветрыцца. А ўжо калі камбайнеры прыступаюць да справы, прыемна назіраць за зладжанасцю работы іх сталёвых машын. Бункеры энерганасычанай тэхнікі хутка напаўняюцца збожжам, затым яно, пераліваючыся на сонцы, выгружаецца ў кузавы аўтамабіляў, а вадзіцелі шпарка адвозяць яго на дапрацоўку.
Дзень за днём засекі гаспадаркі запаўняюцца ачышчаным насенным матэрыялам, а аўтатранспарт камбіната хлебапрадуктаў дастаўляе збожжа на прыёмныя пункты. Дарэчы, больш паловы дзяржзаказу ніваўцы ўжо выканалі.
У размове з намеснікам старшыні гаспадаркі Аляксеем Ланкуцем, галоўным аграномам Аляксеем Семашкевічам адчувалася ўпэўненасць у тым, што ўборачная кампанія будзе праведзена своечасова. Гэтаму, па іх словах, садзейнічае адказная падрыхтоўка збожжаўборачнай тэхнікі, распрацаваныя ўмовы аплаты працы і працоўнага спаборніцтва, забеспячэнне спецвопраткай, сродкамі аховы, гарачым харчаваннем. А самае галоўнае — стараннасць і адказнасць усіх удзельнікаў жніва. Яны разумеюць, што вянец іх напружанай працы — хлеб, які трэба сабраць без страт.
З пачатку ўборкі лідарам з’яўляецца экіпаж у саставе Дзмітрыя Прэнза і Уладзіміра Лебедзева, “на пяткі” ім наступаюць Рыгор Асташоў з Яўгенам Манько. На адвозцы збожжа ад камбайнаў лепшы вынік у Васіля Марозава, які працуе на аўтамабілі МАЗ-555142, а таксама Леаніда Сямёнава — ён паказвае найлепшы рэзультат сярод вадзіцеляў сельгасарганізацый раёна, занятых на перавозцы на ГАЗ-35071.
Адной з важных складаемых паспяховага правядзення ўборачных работ у гаспадарцы лічаць тое, што ў дуэце з вопытнымі хлебаробамі працуюць маладыя: ім ёсць з каго браць прыклад, у каго пераймаць навыкі, а запалу і энергіі ім не займаць, чым радуюць сваіх старэйшых калег.
…На хлебнай ніве сельгасарганізацыі нібы ў пчаліным вуллі: усе ўчасткі ўборачнай кампаніі задзейнічаны, яны нагадваюць адзіны ланцуг, у якім практычна кожнаму сяльчаніну знаходзіцца справа.
Паралельна са жнівом вядуцца іншыя палявыя работы з тым, каб своечасова, згодна тэхналагічных патрабаванняў правесці восеньскую сяўбу.
Таццяна БАРАДЗІНА.
На здымках: лідары сёлетняга жніва Дзмітрый Прэнз і Уладзімір Лебедзеў; перадавы вадзіцель Васіль Марозаў.

Последние новости

Профилактика и безопасность

В Могилевской области отмечается рост подростковой преступности по 222 статье УК Республики Беларусь

28 марта 2024
Общество

Аўтар першага беларускага рамана

28 марта 2024
В Комитете госконтроля

Проверили торговлю

27 марта 2024
Образование

Белая ладья

27 марта 2024
В стране и мире

Василевская на МКС приступила к выполнению исследовательской части полета

26 марта 2024
В стране и мире

Лукашенко о возможных провокациях: нарушили госграницу – к уничтожению

26 марта 2024
Общество

Профсоюзы: защищая и помогая

26 марта 2024
Общество

Порядок завершения осенне-зимнего периода

26 марта 2024
Прямая линия

Прямая телефонная линия

26 марта 2024
Общество

Заседание комиссии

26 марта 2024

Рекомендуем

Актуально

В Кировске состоялось торжественное вручение паспортов

15 марта 2024
Общество

Быть гражданином Республики Беларусь – это большое счастье, высокая честь

15 марта 2024
Актуально

Сегодня состоялось совместное заседание президиума Кировского районного Совета депутатов и Кировского районного исполнительного комитета

19 марта 2024
Актуально

Кировск встречает весну

16 марта 2024
80-летие освобождение Беларуси от немецко-фашистских захватчиков

В День памяти жертв Хатынской трагедии в Кировском районе состоялся автопробег

22 марта 2024
Актуально

В Кировске состоялось чествование победителей областного смотра-конкурса первичных организаций ветеранов органов внутренних дел и внутренних войск

22 марта 2024
В стране и мире

Состоялся телефонный разговор Лукашенко с гендиректором “Роскосмоса”

22 марта 2024
Общество

В ЦДОДиМ состоялся конкурс «Мисс детский сад-2024»

19 марта 2024