У інтарэсах карыстальнікаў інфармацыі на Кіраўшчыне
Афіцыйны статус гэты Дзень атрымаў у 1998 годзе пасля падпісання Прэзідэнтам краіны Аляксандрам Лукашэнка Указа №157 “Аб дзяржаўных святах, святочных днях і памятных датах у Рэспубліцы Беларусь”.
Гісторыя гэтай службы налічвае не адно тысячагоддзе: яшчэ ў старажытным Рыме, Кітаі, Егіпце праводзіўся збор звестак аб наяўнасці земляў, колькасці насельніцтва. На Русі станаўленне статыстыкі звязана з ажыццяўленнем рэформ Пятра І. У 1920 годзе пастановай Ваенна-рэвалюцыйнага камітэта Беларусі было створана Цэнтральнае статыстычнае бюро нашай краіны. За перыяд свайго існавання гэтая ўстанова неаднаразова была пераўтворана.
Сучасная статыстыка, як галіна гаспадарчай дзейнасці, забяспечвае збор, апрацоўку больш 100 формаў дзяржаўнай статыстычнай справаздачнасці, аналізуе дадзеныя аб сацыяльна-эканамічных працэсах, якія адбываюцца ў краіне ў цэлым і асобных яе рэгіёнах.
Акрамя таго, аддзел статыстыкі вядзе работу па ўдасканаленні ўліку, умацаванні справаздачнай дысцыпліны, павышэнні якасці прадстаўляемых справаздач і дакладнасці падрыхтоўваемых статыстычных матэрыялаў. Работа, якой займаецца, у прыватнасці, і калектыў раённага аддзела статыстыкі, складаная і адказная, яна дазваляе бачыць дынаміку жыцця раёна, поспехі і перспектывы працоўных калектываў, перамены да лепшага. У сваю чаргу, яна патрабуе ад кожнага члена невялікага калектыву асаблівай увагі, мэтанакіраванасці, дакладнасці і творчасці. Уся паступаемая сюды інфармацыя старанна апрацоўваецца, аналізуецца і перадаецца на вышэйстаячы ўзровень, дзе абагульняецца. На падставе атрыманых дадзеных плануецца і прагназуецца развіццё ўсіх галін эканомікі краіны.
Статыстыка — навука дакладная і не церпіць прыкладнасці, таму ў нашым аддзеле працуюць людзі адказныя, улюбёныя ў сваю справу і прафесійна яе выконваючыя. Нягледзячы на тое, што ў калектыве пераважная большасць маладых кадраў, але яны беражліва захоўваюць працоўныя традыцыі, а аддзел па-ранейшаму застаецца зладжаным і дружным калектывам аднадумцаў. Нельга не адзначыць іх высокі прафесіяналізм і кампетэнтнасць, адказнасць і дысцыплінаванасць.
Словы павагі і падзякі адрасую нашым ветэранам Т.Е.Бяляў-скай, А.П.Іваніцкай, Г.С.Таркан, Л.Л.Арэшынай, В.Д.Лепяшын-скай, І.І.Афанасенка, М.М.Бяляўскай, якія на працягу многіх гадоў добрасумленна працавалі ў аддзеле, перадавалі багаты вопыт маладым калегам.
Вікторыя ПІНЧУК,
начальнік раённага аддзела статыстыкі.
На здымку: галоўны эканаміст Аксана Бяляўская, вядучы спецыяліст Зінаіда Анціпава, начальнік аддзела Вікторыя Пінчук.