З мэтай папулярызацыі здаровага ладу жыцця ў юных кіраўчан
У 1975 годзе была створана Сусветная турыстычная арганізацыя, якая па даручэнні Арганізацыі Аб’яднаных Нацый адыгрывае цэнтральную і вырашальную ролю ў дасягненні развіцця адказнага, ўстойлівага і агульна даступнага турызму. У склад арганізацыі ўваходзяць звыш 140 краін, 6 тэрыторый і 350 далучыўшыхся членаў.
Міжнародны дзень турызму адзначаецца з 1980 года і праводзіцца з мэтай прапаганды турызму, асвятлення яго ўкладу ў развіццё культурных сувязяў, забеспячэння ўзаемаразумення паміж народамі.
Менавіта да гэтага дня на спартыўна-турысцкай базе “Барсукі” былі праведзены раённыя спаборніцтвы па ту- рысцка-прыкладному мнагаборству, у якіх прынялі ўдзел 10 каманд устаноў адукацый раёна. Рабятам па загадзя абумоўленых умовах праходжання дыстанцыі былі прапанаваны 10 этапаў: вузлы, навясная пераправа, купіны, развядзенне вогнішча, ківач, бервяно з поручнямі, міжнародная кодавая сістэма, тапаграфічныя знакі, гаць без саманавядзення, устаноўка палаткі.
Добра справіліся з заданнямі і з найменшымі штрафамі прайшлі дыстанцыю каманды Паўлавіцкай СШ імя Р.А.Худалеева, Жыліцкай СШ, Мышкавіцкай СШ. Яны і занялі адпаведна 1, 2, і 3 месцы, былі ўзнагароджаны дыпломамі.
Тамара ГАРБАЧОВА,
метадыст Цэнтра дадатковай адукацыі
дзяцей і моладзі г.Кіраўска.