Станоўчая адзнака дадзена рабоце Кіраўскага цэнтра сацыяльнага абслугоўвання насельніцтва

Станоўчая адзнака дадзена рабоце Кіраўскага цэнтра сацыяльнага абслугоўвання насельніцтва

rcson-5Намеснік міністра працы і сацыяльнай абароны Рэспублікі Беларусь Аляксандр Румак, старшыня камітэта па працы, занятасці і сацыяльнай абароне Магілёўскага аблвыканкама Святлана Тарасенка, намеснік старшыні райвыканкама Таццяна Бяляўская падчас наведвання раённага цэнтра сацыяльнага абслугоўвання насельніцтва.

rcson-2rcson-3rcson-6rcson-1rcson-4rcson-7Станоўчая адзнака была дадзена рабоце Кіраўскага раённага цэнтра сацыяльнага абслугоўвання насельніцтва намеснікам міністра працы і сацыяльнай абароны Рэспублікі Беларусь Аляксандрам Румакам падчас візіту ў наш раён на мінулым тыдні. Разам са старшынёй камітэта па працы, занятасці і сацыяльнай абароне Магілёўскага аблвыканкама Святланай Тарасенка яны прынялі ўдзел у пасяджэнні райвыканкама, на якім разглядалася работа РЦСАН па развіцці сацыяльнага абслугоўвання насельніцтва, наведалі гэтую ўстанову, мелі гутарку з яе супрацоўнікамі і наведвальнікамі, пабывалі на занятках аддзялення для грамадзян пажылога ўзросту ў трэнажорнай зале “Геркулес”.

Адна з важных задач мясцовай улады, якая вызначана кіраўніцтвам дзяржавы, — стварэнне ўмоў для камфортнага пражывання ўсіх слаёў насельніцтва, у тым ліку неабароненых. Работа, накіраваная на яе вырашэнне, на Кіраўшчыне — у зоне пастаяннай увагі. Гэта падкрэсліў старшыня райвыканкама Аляксандр Бутараў, адкрываючы пасяджэнне.
У 2000 годзе быў утвораны Цэнтр сацыяльнага абслугоўвання насельніцтва ў мэтах ажыццяўлення на тэрыторыі раёна арганізацыйнай, практычнай і метадычнай дапамогі па сацыяльным абслугоўванні і аказанні сацыяльных па-слуг грамадзянам, знаходзячымся ў складанай жыццёвай сітуацыі.
Сацыяльным абслугоўваннем у раёне ахоплена 100% населеных пунктаў. У межах рэалізацыі Дзяржаўнай праграмы адраджэння і развіцця вёскі для паляпшэння работы з насельніцтвам па месцы жыхарства, аказання дапамогі ў вырашэнні сацыяльна-бытавых пытанняў і юрыдычнай, псіхалагічнай дапамогі было адкрыта 10 сацыяльных пунктаў.

Як паведаміў Аляксандр Бутараў, сацыяльныя паслугі запатрабаваны насельніцтвам раёна. Задача РЦСАН — дайсці да кожнага чалавека, якому неабходна аказаць дапамогу. І калектыў спраўляецца з ускладзенай на яго місіяй. Кіраўскі РЦСАН — адзін з лепшых у вобласці па якасных паказчыках, уваходзіць у тройку лідараў, неаднаразова на яго базе на-ладжваліся семінары-вучобы. Разам з тым, адзначыў старшыня райвыканкама, ёсць пытанні, работу па вырашэнні якіх трэба ўдасканальваць, паляпшаць якасць абслугоўвання. Для гэтага неабходна вызначыць прыярытэты ў далейшай дзейнасці.
Аб рабоце РЦСАН па розных напрамках прысутных праінфармавала начальнік упраўлення па працы, занятасці і сацыяльнай абароне райвыканкама Алена Лянкевіч, зрабіўшы акцэнт на новых формах работы і паслугах. Яна адзначыла, што ў 2000 годзе, калі пачаў функцыянаваць Цэнтр, яго структура ўключала 4 аддзяленні, зараз — 8 аддзяленняў, узаемазвязаных у сваёй дзейнасці. Шматгранны аналіз іх работы пераканаў у яе неабходнасці і эфектыўнасці.
У аддзяленні пярвічнага прыёму, інфармацыі, аналізу і прагназавання створана і падтрымліваецца ў актуальным стане электронная база дадзеных на розныя катэгорыі насельніцтва. На гэты дзень на ўліку ў РЦСАН знаходзілася 5873 чалавекі, з іх 373 адзінокіх, 3007 адзінока пражываючых, 20 ветэранаў Вялікай Айчыннай вайны, 327 асоб, пацярпеўшых ад наступстваў войн, 216 інвалідаў 1 і 2 груп агульнага захворвання працаздольнага ўзросту, 218 мнагадзетных сем’яў, 463 няпоўныя сям’і, 56 сем’яў, выхоўваючых дзяцей-інвалідаў да 18 год, 20 асоб з ліку дзяцей-сірот і дзяцей, якія засталіся без бацькоўскай апекі, 19 асоб, якія вярнуліся з месцаў пазбаўлення волі. У раёне пражывае 6527 атрымальнікаў пенсій (каля 33% ад агульнай колькасці насельніцтва).
Як адзначыла дакладчык, штоквартальна праводзяцца комплексныя камісійныя абследаванні жыллёва-бытавых умоў адзінокіх, адзінока пражываючых грамадзян, інвалідаў 1 і 2 груп, ветэранаў вайны і іншых катэгорый грамадзян. Па выніках абследаванняў распрацоўваецца план мерапрыемстваў па аказанні неабходнай дапамогі з улікам выяўленых патрэб: уладкаванне ў дамы-інтэрнаты вобласці, аддзяленне кругласутачнага знаходжання для грамадзян пажылога ўзросту і інвалідаў, прывядзенне домаўладанняў у адпаведнасць з пажарнымі нормамі і правіламі, аказанне гуманітарнай, дзяржаўнай адраснай сацыяльнай дапамогі і інш. Ажыццяўляецца работа па ўхіленні парушэнняў правілаў пажарнай бяспекі за кошт сродкаў з розных крыніц.
З 2011 года функцыянуе папячыцельскі савет Цэнтра па пытаннях сацыяльнай падтрымкі і сацыяльнага абслугоўвання насельніцтва.
Сацыяльнае абслугоўванне на даму — самы запатрабаваны від сацабслугоўвання сярод грамадзян пажылога ўз-росту. Па стане на 1 лістапада паслугі аказваюцца такім чынам 360 чалавекам (44 — на ўмовах частковай аплаты, 309 — поўнай, 7 — бясплатна).
Укаранёна новая форма работы — “замяшчальная сям’я”, калі пажылы чалавек ці інвалід уладкоўваецца ў сям’ю, дзе за ім ажыццяўляецца догляд. За 10 месяцаў бягучага года новай паслугай скарысталіся 4 чалавекі.
Запатрабаваны разавыя сацыяльна-бытавыя паслугі, якія прадастаўляе РЦСАН за сацыяльна нізкую плату. За два апошнія гады ўкаранёна 43 віды новых паслуг: напрыклад, рамонт і пашыў швейных вырабаў, устаноўка дзвярных замкоў і замкоў паштовых скрынь, пабелка печаў і іншыя.
86 грамадзян, пражываючых у маланаселеных і аддаленых пунктах, скарысталіся паслугамі створаных пры Цэнтры ма-більных брыгад сацыяльнага, гаспадарчага абслугоўвання.
Пры аддзяленні сацыяльнай дапамогі на даму дзейнічае “Школа сацыяльнага работніка”, дзе праводзяцца заняткі су-працоўнікамі РАУС, РАНС, спецыялістамі райбальніцы, юрысконсультам, псіхолагам Цэнтра. У ходзе пасяджэння была закранута тэма адукацыйнага ўзроўню сацыяльных работнікаў раёна.
Аддзяленне тэрміновага сацыяльнага абслугоўвання прадастаўляе грамадзянам, якія страцілі здольнасць да самаабслугоўвання і руху, паслугу сядзелкі. Уведзена паслуга пагадзіннага догляду малалетніх дзяцей у няпоўных сем’ях, выхоўваючых дзіцяці-інваліда, а таксама выхоўваючых дваіх і больш дзяцей, нарадзіўшыхся адначасова (паслуга няні).
Аддзяленне сацыяльнай адаптацыі і рэабілітацыі аказвае грамадзянам, якія знаходзяцца ў складанай жыццёвай сітуацыі, паслугі часовага прытулку, сацыяльнага патранату, сацыяльна-педагагічныя, псіхалагічныя і рэабілітацыйныя паслугі. Працуе “крызісны” пакой. Спецыялісты аддзялення ўваходзяць у састаў міжведамаснай групы, якая праводзіць абследаванне ўмоў пражывання сем’яў, выхоўваючых непаўналетніх дзяцей (з пачатку года ажыццёўлена 50 рэйдаў, абследаваны ўмовы пражывання 388 сем’яў).
Свой спектр паслуг аказвае аддзяленне суправаджальнага пражывання.
З 1998 года функцыянуе аддзяленне кругласутачнага знаходжання для грамадзян пажылога ўзросту і інвалідаў на 25 ложка-месцаў. Яно зараз размешчана ў в.Хвайніца. У цяперашні час там пражывае 20 чалавек. Для падапечных створаны ўсе неабходныя ўмовы, наладжаны іх быт і вольны час. У аддзяленні рэалізуецца шэраг сацы-яльных праектаў.
Запатрабаваны паслугі аддзяленняў дзённага знаходжання для інвалідаў і грамадзян пажылога ўзросту. На пастаяннай аснове іх наведваюць 52 чалавекі, у тым ліку 31 малады інвалід. Для арганізацыі іх вольнага часу і зносін, развіцця творчага патэнцыялу працуюць 5 гурткоў, 2 клубы па інтарэсах, 3 працоўныя майстэрні па розных напрамках. Укаранёна новая форма работы па падрыхтоўцы маладых інвалідаў да рамеснай дзейнасці, што дазваляе працаўладкоўвацца і рэалізоўваць свае вырабы. З 2013 года працуе камп’ютарны клас, дзе маладыя інваліды і пажылыя людзі маюць магчымасць вучыцца камп’ютарнай граматнасці. Падапечныя аддзяленняў прымаюць актыўны ўдзел у розных фестывалях, конкурсах, праектах, іх творчыя работы добра ведаюць за межамі раёна.
Знакавым сярод мерапрыемстваў наладжваемых РЦСАН, стаў фестываль “Калядныя сустрэчы сяброў”, да якога далучаюцца тэрытарыяльныя цэнтры сацыяльнага абслугоўвання з іншых абласцей рэспублікі.
Па асобных аспектах дзейнасці Цэнтра, рабоце, накіраванай на пашырэнне разавых сацыяльна-бытавых паслуг, дала тлумачэнні дырэктар установы Вольга Мержый, а таксама расказала аб планах на перспектыву.
Так, напрыклад, намечана да 1 студзеня 2017 года адкрыць пакой ці дом сумеснага самастойнага (сезоннага) пражывання для грамадзян пажылога ўзросту і інвалідаў.
Увогуле на працягу разгляду пытання асабліва адзначалася, што ў РЦСАН працуе згуртаваны калектыў аднадумцаў, не абыякавых да чужых лёсаў, шчырых людзей, аддадзеных сваёй справе.
Шэраг заўваг і прапаноў выказала ў ходзе пасяджэння старшыня камітэта па працы, занятасці і сацыяльнай абароне аблвыканкама Святлана Тарасенка. Яна таксама падзякавала раённай уладзе і, у прыватнасці, яе кіраўніку Аляксандру Бутараву за разуменне, падтрымку сістэмы сацыяльнай абароны ў раёне: зладжаная работа ў гэтай сферы прыносіць свой плён.
Як адзначыў намеснік міністра працы і сацыяльнай абароны Аляксандр Румак, Кіраўскі РЦСАН прыкметны на карце сацыяльнага абслугоўвання не толькі ў Магілёўскай вобласці, але і рэспублікі. Нават наяўнасць 8-мі аддзяленняў — гэта ўжо крытэрый таго, што Цэнтр развіваецца і да гэтага ёсць імкненне і жаданне. Укараняюцца інавацыйныя тэхналогіі ў рабоце, неабходна, як падкрэсліў высокі госць, новыя формы развіваць далей.
Аляксандр Румак таксама сканцэнтраваў увагу на задачах павышэння ролі мясцовых Саветаў у аказанні сацыяльнай падтрымкі насельніцтву, арганізацыі валанцёрскага руху дзеля выхаваўчага ўздзеяння на моладзь, далейшага актыўнага ўдзелу ў рэалізацыі сацыяльных праектаў.
З улікам заўваг і прапаноў раённым выканаўчым камітэтам было прынята рашэнне, накіраванае на павышэнне эфектыўнасці работы РЦСАН.
Наталля ХАДАКОВА.
Фота Максіма МІКЕШЫНА.

 

 

 

Последние новости

Общество

На вопросы даны компетентные ответы

29 марта 2024
Актуально

Веды – сіла: алімпіяда па вучэбных прадметах

29 марта 2024
Сельское хозяйство

Старт дала вясна!

29 марта 2024
Профилактика и безопасность

Мошенническая схема: «Алло, мама!..»

29 марта 2024
Прямая линия

Прямая телефонная линия

29 марта 2024
Профилактика и безопасность

В Могилевской области отмечается рост подростковой преступности по 222 статье УК Республики Беларусь

28 марта 2024
Общество

Аўтар першага беларускага рамана

28 марта 2024
В стране и мире

Лукашенко: всякая финансовая деятельность должна быть подчинена интересам экономики

28 марта 2024
Общество

Выездной личный приём граждан

28 марта 2024
В Комитете госконтроля

Проверили торговлю

27 марта 2024

Рекомендуем

Актуально

Сегодня состоялось совместное заседание президиума Кировского районного Совета депутатов и Кировского районного исполнительного комитета

19 марта 2024
80-летие освобождение Беларуси от немецко-фашистских захватчиков

В День памяти жертв Хатынской трагедии в Кировском районе состоялся автопробег

22 марта 2024
Актуально

Кировск встречает весну

16 марта 2024
Актуально

В Кировске состоялось чествование победителей областного смотра-конкурса первичных организаций ветеранов органов внутренних дел и внутренних войск

22 марта 2024
В стране и мире

Состоялся телефонный разговор Лукашенко с гендиректором “Роскосмоса”

22 марта 2024
В стране и мире

Лукашенко и Путин в телефонном разговоре подтвердили готовность к дальнейшему активному взаимодействию по реагированию на угрозы терроризма

23 марта 2024
Общество

В ЦДОДиМ состоялся конкурс «Мисс детский сад-2024»

19 марта 2024
80-летие освобождение Беларуси от немецко-фашистских захватчиков

В Жиличском сельхозколледже прошёл урок памяти “Боль Хатыни”, посвящённый 81-й годовщине Хатынской трагедии

22 марта 2024