Сям’я Сітцавых з Кіраўска: шчаслівае дзяцінства і вялікая сям’я
Шчаслівае дзяцінства і вялікая сям’я — гэтыя мэты для нашай краіны — прыярытэтныя. І на Кіраўшчыне вялікая патрымка аказваецца сям’і і мацярынству.
Не так даўно ў райцэнтры па вуліцы Гагарына быў здадзены дом на 20 кватэр, пабудаваны па дзяржаўнай праграме: ключы ад 14 з іх атрымалі мнагадзетныя сем’і, якім для будаўніцтва жылля быў прадастаўлены льготны крэдыт.
Сярод жыхароў новага дома — мнагадзетная сям’я Сітцавых. Такі статус яна набыла з нараджэннем амаль год назад трэцяга сына. Цяпер Алеся, у нядаўнім — сакратар суда раёна, і яе муж Дзмітрый, машыніст кацельні УКП “Жылкамгас”, — шчаслівыя бацькі слаўных хлапчукоў: пяцігадовага Максіма, трохгадовага Сашкі і малодшага Цімафея.
Сям’я стала шчаслівай уладальніцай запаветных «метраў» — кватэры — праз лічаныя месяцы пасля пастаноўкі на чаргу маючай патрэбу ў паляпшэнні жыллёвых умоў.
Жанчына шчыра прызнаецца, што не разлічвала атрымаць жыллё з дзяржпадтрымкай так хутка, паколькі ў раёне нямала мнагадзетных сем’яў.
Разам з Сітцавымі радуюцца родныя, сябры, знаёмыя. У сям’і ёсць цяпер уласны куток, які яны, безумоўна, зробяць утульным і камфортным для пражывання і адпачынку.
Настасся ЛОГВІНАВА. Фота Максіма МІКЕШЫНА.