Дзеці дашкольнага ўзросту — прыроджаныя даследчыкі. Гэта пацвяджае іх цікаўнасць, пазнавальная актыўнасць, жаданне самастойна знаходзіць рашэнне ў любой сітуацыі. Даследчая дзейнасць асаблівая тым, што дзіцяці знаёміцца з аб’ектам, расрывае яго змест у ходзе практычнай дзейнасці з ім. Яна развівае назіральнасць, імкненне пазнаць навакольнае асяроддзе, жаданне паставіць задачу і атрымаць рэзультат, зрабіць вывад. Аб тым, як будуецца выхавальніцка-педагагічная работа дзіцячага сада №2 расказала рэдактару інтэрнет-рэсурса “Кіраўца” Алена КУРГАНСКАЯ, намеснік загадчыка па асноўнай дзейнасці.

— Адна з галоўных задач, якія стаяць перад педагагічнымі работнікамі нашай установы і бацькамі — садзейнічаць развіццю даследчых уменняў дзяцей. Менавіта таму ў кожнай узроставай групе нашага дзіцячага садка абсталяваны цэнтры пазнавальніцкай дзейнасці. Тут рабяты праводзяць шмат часу. Яны знаёмяцца з уласцівасцямі розных матэрыялаў, назіраюць за абітальнікамі кутка прыроды, праводзяць прасцейшыя эксперыменты.
Для таго, каб павысіць зацікаўленасць нашых выхаванцаў у вывучэнні навакольнага асяроддзя, мы вырашылі арганізаваць і правесці ў дзіцячым садку фестываль даследчых праектаў. Цэлы год рабяты разам з выхавальнікамі працавалі над імі: збіралі разнастайную інфармацыю, праводзілі доследы, запаўнялі дзённікі назіранняў і інш. І вось на ўрачыстым адкрыцці “Дзіцячай даследчай лабараторыі “Почемучки” нашы юныя “вучоныя” пазнаёмілі адзін аднаго са сваімі напрацоўкамі.
Праект “Чараўніца-вада” прадставіла выхавальнік М.Р.Марозава. Варта адзначыць, што яе выхаванцы — самыя маленькія ўдзельнікі нашага фестывалю: ім усяго па тры гады. Але першыя доследы з вадой ім вельмі спадабаліся, і самы цікавы з іх — “Бура ў стакане вады”.
Выхавальнік 2 малодшай групы Н.В.Слабодчыкава са сваімі
4-гадовымі падапечнымі зацікавілі прысутных праектам “Дзівосны лімон”. Асабліва цікава было даведацца рабятам, як з дапамогай лімона і харчовай соды можна надзьмуць паветраны шарык.
Пяцігадовыя выхаванцы сярэдніх груп разам са сваімі выхавальнікамі Н.П.Ганчаронак і А.В.Барысавец адкрылі шмат новага і цікавага ў праектах “Раз бульба, два бульба” і “У свеце пяску”. Дарэчы, самі рабяты ўдзельнічалі ў працэсе вырошчвання клубняў на доследным садкоўскім участку.
Істотную работу таксама правялі старэйшыя рабяты — сёлетнія выпускнікі. Падапечныя выхавальніка М.Г.Каранкевіч абаранялі праект “Перапіс у дзіцячым садку”. Дзеці падлічылі не толькі колькасць хлопчыкаў і дзяўчынак у садку, але і зрабілі аналіз: якія імёны самыя папулярныя, якія — рэдкія. Перапіс закрануў не толькі дзяцей, але і ўсіх супрацоўнікаў установы адукацыі. Не менш грунтоўна падрыхтаваліся і выхаванцы С.Г.Куляшовай, якія прадставілі праект “Дзівосныя цукеркі”.
Трэба сказаць, што літаральна ўсе садкоўцы прымалі ўдзел у даследчых праектах. А самым актыўным і смелым падчас адкрыцця лабараторыі “Почемучки” былі ўручаны Ганаровыя граматы. Акрамя таго, кожная група атрымала ад адміністрацыі ўстановы падарункі: настольныя гульні і вучэбна-гульнявыя дапаможнікі. І хто ведае, магчыма ў будучым, зацікавіўшыся сёння сваімі першымі доследамі ў год, аб’яўлены ў Беларусі Годам навукі, вырастуць новыя Мічурыны і Ламаносавы. Але, у любым выпадку, атрыманыя імі веды спатрэбяцца ўсім у далейшым і запомняцца назаўсёды.
Фота Аляксандра ХАХЛОВА.