За радком Паслання Прэзідэнта

За радком Паслання Прэзідэнта

ПосланиеІгар КАНАНЧУК, дэпутат Палаты прадстаўнікоў Нацыянальнага сходу Рэспублікі Беларусь:
— Прэзідэнт традыцыйна ў сваім выступленні спыніў увагу на найбольш актуальных пытаннях. У Пасланні былі разгледжаны эканамічная, сацыяльная, дэмаграфічная, ваенная і іншыя тэмы. Галоўнае, што прагучала ў адрас і дэпутацкага корпусу, і грамадзян Беларусі — усё залежыць ад нас.
У сваім выступленні Кіраўнік дзяржавы выразна і даступна даў тлумачэнні аб далейшым развіцці нашай краіны. Асабіста я лічу, што самае важнае, каб кожны на сваім рабочым месцы адказным чынам ставіўся
да выканання даручанай справы. І не важна, дзе знаходзіцца чалавек — у органах улады, сферах адукацыі, аховы здароўя, культуры ці ў сельскай гаспадарцы.
Сітуацыя сёння такая, што з-за няўстойлівай работы прадпрыемстваў на рынку працы ўзнікла пэўная напружанасць, таксама актыўна ідзе працэс перапрафілявання стратных вытворчасцей. Да таго ж, наша краіна прыняла пэўную колькасць бежанцаў з Украіны. Пытанне працаўладкавання стала актуальным. У першую чаргу, чалавек павінен сам імкнуцца працаўладкавацца. Сапраўды — не работа павінна ісці да людзей, а людзі за работай. Наша задача — дапамагчы ім у гэтым.
Вялікая адказнасць у сучасных рэаліях ляжыць на плячах кіраўнікоў розных рангаў: яны павінны стварыць умовы для максімальнага забеспячэння людзей работай, наладзіць вытворчы працэс так, каб выпускаць якасную, канкурэнтаздольную прадукцыю, пры гэтым знайсці магчымасць яе раэлізоўваць. Захаванне гэтых умоў дазволіць не толькі развівацца прадпрыемству, выплачваць работнікам дастойную зарплату, а і ўвогуле будзе спрыяць аздараўленню эканомікі Беларусі, павышэнні дабрабыту беларускага народа.

Наталля ТРАЦЦЯКОВА, начальнік аддзела адукацыі, спорту і турызму райвыканкама:
— Звяртаючыся да беларускага народа і Нацыянальнага сходу, Прэзідэнт асаблівую ўвагу звярнуў на развіццё сістэмы адукацыі. І гэта правільна. Дзеці — наша будучыня, патэнцыял далейшага развіцця Беларусі. Час мяняецца вельмі хутка, тэмп сучаснага жыцця прымушае імгненна рэагаваць на тыя змяненні, што адбываюцца не толькі ў Беларусі, але і ў свеце. Нашай краіне неабходны адукаваныя, усебакова развітыя грамадзяне. Працэс фарміравання асобы пачынаецца з дзяцінства. Нездарма ў Беларусі надаецца такая ўвага выхаванню дзяцей дашкольнага ўзросту.
Згодная з прагучаўшым падчас Паслання меркаваннем, што менавіта настаўнікі павінны навучыць рабят знаходзіць для сябе ў бурным інфармацыйным патоку, які яны атрымліваюць з інтэрнэту, штосьці карыснае, развіваючае, неабходнае для адукацыі.
Кіраўнік дзяржавы адзначыў, што школа павінна цесна супрацоўнічаць з бацькамі, інакш не атрымаецца выхаваць дастойную маладую змену з высокім пачуццём адказнасці перад грамадствам. Менавіта ў гэтым наша галоўная агульная задача.
Неабходна больш увагі надаваць прафарыентацыі рабят. Юнакі і дзяўчаты павінны яшчэ ў школе вызначыцца і з будучай навучальнай установай, і з будучай прафесіяй.

Барыс ГАЎРЫЛЕНКА, дырэктар ДЮСШ:
— Падчас Паслання беларускаму народу і Нацыянальнаму сходу Кіраўнік дзяржавы зноў звярнуў увагу на развіццё ў краіне фізічнай культуры і спорту. Гэта сапраўды вельмі важна, бо заняткі фізкультурай і спортам кожнага з нас складаюць аснову здаровай нацыі ў цэлым. Як заўважыў Прэзідэнт, здаровы, спартыўны чалавек і хварэе менш, і працуе лепш. А, значыць, сродкі, укладзеныя ў развіццё гэтай сферы, даюць істотны эфект практычна ва ўсіх сацыяльных сферах.
Вельмі добра, што наша дзяржава надае вялікае значэнне развіццю фізкультуры і спорту. Штогод з’яўляюцца новыя спартыўныя аб’екты: стадыёны, лядовыя арэны, плавальныя басейны, гульнявыя і трэнажорныя залы, проста спартыўныя пляцоўкі. Гэта інвыстыцыі ў будучае — нашых дзяцей.
Сёння, як падкрэсліў Прэзідэнт, неабходна далучаць насельніцтва да рэгулярных фізкультурна-аздараўленчых мерапрыемстваў, наведванняў спартыўных секцый. І прыярытэт у гэтым — дзеці і моладзь, якія практычна “зрасліся” з камп’ютарам і сядзяць дома. Таму прапаганда здаровага ладу жыцця, правядзенне рознага роду спартыўных святаў і фестываляў, лёгкаатлетычных кросаў, велапрабегаў востра стаяць на парадку дня. У гэтай сувязі ў нашым раёне праводзіцца істотная работа. На Кіраўшчыне з’явіліся ў свой час і ўжо сталі традыцыйнымі, брэндавымі аматарскія фізкультурна-спартыўныя мерапрыемствы з актыўным удзелам насельніцтва розных узростаў. Гэта велапрабег па вуліцах райцэнтра “За здароўем — на веласіпедзе”, лёгкаатлетычны крос, прысвечаны Святу працы, на Кубак раённай газеты “Кіравец”, лёгкаатлетычны прабег “Навагодняя міля” і інш.
Шмат робіцца ў краіне, падкрэсліў у Пасланні Прэзідэнт, для развіцця так званага спорту высокіх дасягненняў. Аднак не будзе сур’ёзных рэзультатаў на міжнароднай арэне без адраджэння дзіцячага спорту, які дазваляе адбіраць і расціць сапраўдныя талеты, дабівацца яркіх перамог. І вось гэта менавіта тая галоўная задача, якую імкнемся вырашаць мы — педагогі дзіцяча-юнацкіх спартыўных школ: знайсці і “запаліць” тыя спартыўныя зорачкі сярод дзяцей, якія ў далейшым і павінны абарняць гонар краіны. Зараз на чатырох аддзяленнях ДЮСШ займаюцца 206 рабят. Дзякуючы намаганням нашых трэнераў, мы штогод перадаем у вышэйшае звяно — вучылішчы алімпійскага рэзерву — у сярэднім па дзесяць юных спартсменаў, якія потым займаюцца ўжо на прафесійнай аснове.

Последние новости

ЖКХ

Пользовался ЖКУ – оплати!

29 марта 2024
Общество

На вопросы даны компетентные ответы

29 марта 2024
Актуально

Веды – сіла: алімпіяда па вучэбных прадметах

29 марта 2024
Сельское хозяйство

Старт дала вясна!

29 марта 2024
Профилактика и безопасность

Мошенническая схема: «Алло, мама!..»

29 марта 2024
Прямая линия

Прямая телефонная линия

29 марта 2024
Профилактика и безопасность

В Могилевской области отмечается рост подростковой преступности по 222 статье УК Республики Беларусь

28 марта 2024
Общество

Аўтар першага беларускага рамана

28 марта 2024
В стране и мире

Лукашенко: всякая финансовая деятельность должна быть подчинена интересам экономики

28 марта 2024
Общество

Выездной личный приём граждан

28 марта 2024

Рекомендуем

Актуально

Сегодня состоялось совместное заседание президиума Кировского районного Совета депутатов и Кировского районного исполнительного комитета

19 марта 2024
80-летие освобождение Беларуси от немецко-фашистских захватчиков

В День памяти жертв Хатынской трагедии в Кировском районе состоялся автопробег

22 марта 2024
Актуально

Кировск встречает весну

16 марта 2024
Актуально

В Кировске состоялось чествование победителей областного смотра-конкурса первичных организаций ветеранов органов внутренних дел и внутренних войск

22 марта 2024
В стране и мире

Состоялся телефонный разговор Лукашенко с гендиректором “Роскосмоса”

22 марта 2024
В стране и мире

Лукашенко и Путин в телефонном разговоре подтвердили готовность к дальнейшему активному взаимодействию по реагированию на угрозы терроризма

23 марта 2024
Общество

В ЦДОДиМ состоялся конкурс «Мисс детский сад-2024»

19 марта 2024
80-летие освобождение Беларуси от немецко-фашистских захватчиков

В Жиличском сельхозколледже прошёл урок памяти “Боль Хатыни”, посвящённый 81-й годовщине Хатынской трагедии

22 марта 2024