“Зялёнае жніво” стартавала ў ААТ “Кіраўскае райаграпрамтэхзабеспячэнне”

“Зялёнае жніво” стартавала ў ААТ “Кіраўскае райаграпрамтэхзабеспячэнне”

 

РАПТС косит-7

На касьбе траў заняты Аляксандр Сідарэнка, за ходам работ назірае

начальнік рамонтнай майстэрні Юрый Русецкі.

 

РАПТС косит-2

Падварушвае граблямі валкі зялёнай масы Рыгор Булах.

 

РАПТС косит-1

Дапамагае дзюбаты “аграном” — бусел.

 

РАПТС косит-3

Намеснік дырэктара РАПТЗ па сельскай гаспадарцы Лявонцій Кушавараў

абмяркоўвае ход работ з механізатарм Яўгенам Рудаком.

 

РАПТС косит-9 РАПТС косит-10

Кансервацыя зялёнай масы ў рулоны ў палімерную ўпакоўку.

 

РАПТС косит-4

Зямля пад белымі крыламі…

 

РАПТС косит-5

На пагрузцы-разгрузцы рулонаў зялёнай масы сумленна працуе Аляксандр Вашукевіч.

 

РАПТС косит-6

Добры выдаўся сёлета травастой.

 

РАПТС косит-11РАПТС косит-8“І ткуцца здольныя  пракосы, лажацца стройнымі радамі…”. Вось такія вобразныя і маляўнічыя словы падабраў ажно літаральна стагоддзе таму класік роднай літаратуры Якуб Колас да аднаго з найбольш адказных перыядаў сельскагаспадарчага года — касавіцы, часу нарыхтоўкі кармоў зімовага ўтрымання кароўкі-карміцелькі. Час бяжыць, перад вяскоўцамі ў плане корманарыхтоўкі стаяць сёння іншыя, больш глабальныя задачы. Але адказнасць у правядзенні работ у гэты летні час меншай не стала…

“Зялёнае жніво”, як даўно прызвычаліся ўсе называць перыяд масавай нарыхтоўкі сакавітых кармоў, стартавала у ААТ “Кіраўскае райаграпрамтэхзабеспячэнне”. Учора ў сянажную траншэю на МТФ “Любонічы” закладзены першыя тоны зялёнай масы, адрасаваныя на будучую зімоўку грамадскага статка.

Пагалоўе буйной рагатай жывёлы таварыства — адно з самых вялікіх у раёне — каля 3700 галоў, якія размешчаны на трох жывёлагадоўчых аб’ектах: у Пацавай Слабадзе, Уласавічах і Любонічах. Для такой колькасці, вядома ж, трэба мець вялікі запас кармоў, каб без збояў, стабільна атрымліваць прыбаўку ў мясамалочнай вытворчасці на працягу ўсяго года.

Зараз, у так званы перыяд вялікага малака, для дасягнення высокіх надояў рагулям удосталь даюць свежаскошанай зялёнай масы. Дзесьці тыдні тры таму пачалі рабіць падкошванне траў — адразу ўгору “пайшло” малако. Але ж летам трэба думаць пра “зімовыя сані”…

Да корманарыхтоўкі ў РАПТЗ падрыхтаваліся належным чынам. І гэта адчувалася падчас нашага наведвання гаспадаркі. Работы вяліся адначасова на розных участках — зладжана, нават гарманічна.

Шырокі абсяг каля Пацавай Слабады ўсцілалі белыя купіны…

— Частку зялёнай масы нарыхтоўваем у выглядзе закансерваваных у палімерную ўпакоўку рулонаў, — паясніў намеснік дырэктара РАПТЗ па сельскай гаспадарцы Лявонцій Кушавараў. — Такую тэхналогію практыкуем ужо не першы год. Корм добра захоўваецца ў плёнцы, добра паядаецца жывёлай. На гэтым полі зараз вядзем уборку бабова-злакавых траў. Расліны добра развіліся, чаму істотна пасадзейнічала своечасовая веснавая падкормка азотам, таму і пракосы з сумесі канюшыны, люцэрны і аўсяніцы выглядаюць густымі, што, безумоўна, радуе…

Нарыхтоўка нагадвала сапраўдны канвеер. Напярэдадні скошаная трава літаральна праз некалькі гадзін правяльвалася. Гэтаму працэсу садзейнічаў механізатар Рыгор Булах, які з дапамогай граблей “Sitrex” жвава падварушваў валкі. На працягу дня ён апрацоўвае каля 50 га. Скатвае зялёную масу ў рулоны сярэдняй вагой па 700 кг  з дапамогай спецыяльнага прэс-падборшчыка “Тарнада” Яўген Рудак. З апошнія два дні перад нашым прыездам механізатар нарыхтаваў больш за 70 т зялёных кармоў. Рулоны складзіруюцца непасрэдна каля мясцовай фермы. Дастаўляе белыя круглыя “пасылкі” Юрый Ільінчык, а на пагрузцы-разгрузцы заняты хуткі, кампактны пагрузчык “Dieci”, умела кіруе якім Аляксандр Вашукевіч.

…Рухаемся па аўтадарозе Любонічы — Сяргеевічы. Злева выпасваецца статак, крыху далей на абшары, дзе раскінулася поле з густым травастоем, завіхаецца магутны МТЗ-3022 з ротарнай касілкай, пакідаючы за сабой адразу на 9 метрах захопу некалькі стройных пракосаў. У паветры стаіць непаўторны водар свежаскошанай травы. Тэхнікай умела кіруе механізатар Аляксандр Сідарэнка. За ходам работ уважліва назірае начальнік рамонтнай майстэрні РАПТЗ, адказны за работу тэхнікі Юрый Русецкі.

— Касьба вядзецца непасрэдна пад закладку сенажу, — расказвае спецыяліст. — Заўтра правяленая маса будзе падабірацца, здрабняцца і затрамбоўвацца ў траншэю. У тэхнічным плане да корманарыхтоўкі падрыхтаваліся загадзя. Усе трактары, камбайны, агрэгаты давялі да ладу, маюцца неабходныя камплектуючыя. Спадзяемся, што сур’ёзных паломак не здарыцца…

— Фронт работ перад намі стаіць значны, — дадае Леанід Кушавараў. — Шматгадовыя бабова-злакавыя травы, якія пойдуць на сянаж і сена, раскінуліся на 1200 га. Згодна плана патрэбна нарыхтаваць сенажу не менш 8 тыс.т. Аб’ёмы вялікія, але ў працэс уключыліся з упэўненасцю. У работу ўключыўся цэлы атрад, у які ўваходзяць надзейныя і сумленныя кадры. Большасць з іх — маладыя, але дастаткова граматныя механізатары, зарэкамендаваўшыя сябе з лепшага боку на самых розных работах.

Да касьбы падключаны яшчэ тры адзінкі тэхнікі. Толькі некалькі дзён таму ў  РАПТЗ набылі новы магутны агрэгат “Кроне”, які даручылі Яўгену Якімчанку. Плюс яшчэ дзве касілкі КДН-2,1, якімі кіруюць Уладзімір Баброў і Аляксандр Цярэшчанка. Тры камбайны падбіраюць і здрабняюць зялёную масу: на “Ягуары” працуе Аляксандр Тылінскі, на двух КЗР-10 “Палессе” — Валянцін Сулімскі і Сяргей Комар. Адразу 7 адзінак тэхнікі ўключаны ў звяно на дастаўцы духмянай масы да месцаў складзіравання.

За працэсам закладкі сянажнай масы ў траншэі ўважліва сочаць спецыялісты гаспадаркі. А сам працэс, дарэчы, арганізаваны кругласутачна: удзень на К-700 трамбуе масу Сяргей Зазерскі, уноч — Дзмітрый Салановіч на “Амкадоры”.

Па тым, як арганізавана забеспячэнцы ўключыліся ў працэс корманарыхтоўкі, можна смела меркаваць, што работы будуць весціся зладжана, тэхналагічна і ў неабходныя тэрміны.

Аляксандр ХАХЛОЎ.

Фота аўтара.

Последние новости

ЖКХ

Пользовался ЖКУ – оплати!

29 марта 2024
Общество

На вопросы даны компетентные ответы

29 марта 2024
Актуально

Веды – сіла: алімпіяда па вучэбных прадметах

29 марта 2024
Сельское хозяйство

Старт дала вясна!

29 марта 2024
Профилактика и безопасность

Мошенническая схема: «Алло, мама!..»

29 марта 2024
Прямая линия

Прямая телефонная линия

29 марта 2024
Профилактика и безопасность

В Могилевской области отмечается рост подростковой преступности по 222 статье УК Республики Беларусь

28 марта 2024
Общество

Аўтар першага беларускага рамана

28 марта 2024
В стране и мире

Лукашенко: всякая финансовая деятельность должна быть подчинена интересам экономики

28 марта 2024
Общество

Выездной личный приём граждан

28 марта 2024

Рекомендуем

Актуально

Сегодня состоялось совместное заседание президиума Кировского районного Совета депутатов и Кировского районного исполнительного комитета

19 марта 2024
80-летие освобождение Беларуси от немецко-фашистских захватчиков

В День памяти жертв Хатынской трагедии в Кировском районе состоялся автопробег

22 марта 2024
Актуально

Кировск встречает весну

16 марта 2024
Актуально

В Кировске состоялось чествование победителей областного смотра-конкурса первичных организаций ветеранов органов внутренних дел и внутренних войск

22 марта 2024
В стране и мире

Состоялся телефонный разговор Лукашенко с гендиректором “Роскосмоса”

22 марта 2024
В стране и мире

Лукашенко и Путин в телефонном разговоре подтвердили готовность к дальнейшему активному взаимодействию по реагированию на угрозы терроризма

23 марта 2024
Общество

В ЦДОДиМ состоялся конкурс «Мисс детский сад-2024»

19 марта 2024
80-летие освобождение Беларуси от немецко-фашистских захватчиков

В Жиличском сельхозколледже прошёл урок памяти “Боль Хатыни”, посвящённый 81-й годовщине Хатынской трагедии

22 марта 2024