Па дадзеных, прадастаўленых райбальніцай, у чэрвені бягучага года ў нашым раёне нарадзілася 16 малышоў: моцная палова папоўнілася 11 хлопчыкамі, дзяўчынак з’явілася на свет 5.
Першымі дзіцяці ў сем’ях сталі дачушкі Марыі Разумавай з Мышкавіч і Анастасіі Аляшкевіч з Кіраўска.
У Вольгі Грычанок і Крысціны Еўдакімавай з Кіраўска, Ірыны Бяляўскай з Мышкавіч нара­дзіліся першынцы-сыночкі.
У Таццяны Якаўлевай і Ганны Капцеевай з Кіраўска другімі дзецьмі ў сем’ях сталі дачушкі.
Па другім дзіцяці-сыночку нарадзілася ў кіраўчанак Лідзіі Казека, Зоі Жаўлаковай і Анастасіі Мельнікавай, Наталлі Сцепаненка з Хвайніцы, Зінаіды Лазаравай з в.Машок.
У Алены Самусевай з Кіраўска і Кацярыны Аляксеевай з в.Зарубін Вугал нарадзілася па трэцім дзіцяці-сыночку. Аксана Костка з Лёўкавіч нарадзіла чацвёртае дзіцяці — хлопчыка, а Майя Бажкова з Кіраўска — пятае дзіцяці — дачушку.
Віншуем усіх матуль і жадаем ім і іх малышам здароўя, сямейнай цеплыні, пяшчоты і дабрабыту!