Кіраўшчына працягвае лідзіраваць па тэмпах жніва
Па стане на раніцу на палях раёна былі ўбраны збожжавыя на 12533 га, што складае 84% ад запланаванага. Па тэмпах жніва нашы хлебаробы па-ранейшаму лепшыя ў вобласці: у сярэднім па Магілёўшчыне каласавыя скошаны на 58% плошчаў.
У раёне атрымана 46625 т збожжа, сярэдняя ўражайнасць склала 37,2 ц/га (па вобласці – 35 ц/га). Вышэйшага паказчыка дасягнулі ў ААТ “Рассвет імя К.П.Арлоўскага”, дзе на круг атрымліваюць па 49,5 ц/га. Далей ідуць КСУП “Чырвоны баец” — 40,9 ц/га і РАПТЗ — 40,2 ц/га.
СГФ “Чыгірынка” завяршыла ўборку збожжавых. У РАПТЗ палі вызвалены на 97% ад плана, у КСУП “Ніва-Барсукі” – на 96%.
Па пастаўках збожжа дзяржаве раён выканаў заданне на 96%. Поўнасцю справіліся з дзяржзаказам СГФ “Чыгірынка”, КСУП “Ніва-Барсукі”, КСУП “Барчыцы-Агра”, КСУП “Жылічы”, РАПТЗ і ААТ “Рассвет імя К.П.Арлоўскага”.
У раёне завершана ворыва пад сяўбу азімага рапсу. Усяго ўзарана 3200 га плошчы (100% ад плана).