Напярэдадні 100-гадовага юбілею органаў запісу актаў грамадзянскага стану аб рабоце аддзела ЗАГС Кіраўскага райвыканкама расказвае яго начальнік Наталля Хахол

Напярэдадні 100-гадовага юбілею органаў запісу актаў грамадзянскага стану аб рабоце аддзела ЗАГС Кіраўскага райвыканкама расказвае яго начальнік Наталля Хахол

ЗАГС-1

Начальнік аддзела ЗАГС райвыканкама Наталля Хахол падчас правядзення цырымоніі рэгістрацыі шлюбу.

Кожны чалавек у той ці іншай ступені ў сваім жыцці меў дачыненне да работы органаў запісу актаў грамадзянскага стану, а карацей — ЗАГС. Менавіта гэты орган выдае першы ў жыцці чалавека дакумент — пасведчанне аб нараджэнні, жаніх і нявеста рэгіструюць у ЗАГСе факт стварэння сям’і, і яшчэ шмат якіх неабходных дакументаў і даведак тут афармляецца. Усе яны маюць важнае значэнне, паколькі выступаюць доказамі наяўнасці адпаведных юрыдычных фактаў, а таксама сведчаць аб колькасных і якасных змяненнях у дэмаграфічных працэсах грамадства. У іх адлюстравана гісторыя як асобнага чалавека і яго сям’і, так і краіны.

Аб гісторыі стварэння і сённяшняй дзейнасці органаў ЗАГС расказвае начальнік аддзела ЗАГС райвыканкама Наталля ХАХОЛ:
— Свой адлік органы ЗАГС пачынаюць ад 18 снежня 1917 года, калі быў прыняты Дэкрэт “Аб грамадзянскім шлюбе, аб дзецях і аб вядзенні кніг актаў грамадзянскага стану”. Амаль праз год, 16 верасня 1918 года, быў прыняты першы сямейны Кодэкс, які меў назву “Кодэкс законаў аб актах грамадзянскага стану, шлюбным, сямейным і апякунскім праве”, і дзейнічаў да 1926 года.
У дарэвалюцыйны час усе запісы актаў грамадзянскага стану былі ўскладзены на царкоўную службу. У метрычныя (царкоўныя) кнігі, якія пачалі свой адлік з 1722 года, рабіліся запісы пра народжаных, памерлых і тых, хто ўступаў у шлюб.
На тэрыторыі сучаснага Кіраўскага раёна за перыяд з 1815 па 1923 гады рэгістрацыю актаў грамадзянскага стану рабілі: Паўлавіцкая, Качэрыцкая (Папоўшчынская) і Пацава-Слабадская Мікалаеўская царква Бабруйскага павета Мінскай епархіі, Дабаснянская царква Рагачоўскага павета Магілёўскай Духоўнай кансысторыі, Любоніцкая Косьма-Даміянаўская царква Бабруйскага павета Мінскай епархіі, Збышынская Пакроўская царква Быхаўскага павета, Капусцінская царква. Прыклад, запіс 1914 года: «Деревни Букини крестьянинъ Филипп Тимофъевъ Коранкевичъ и законная жена его Матрона Филиппова — оба православные. Родилась дочь Агафія 9 февраля и крещена 13 февраля. празд. 5 февраля. Священник К.Щердинов. Псаломщик Діонисій.». Дадзеныя метрычных кніжак выкарыстоўваліся работнікамі ЗАГС пры афармленні і выдачы розных дакументаў.
У 1919 годзе былі створаны валасныя выканаўчыя камітэты, пры якіх сталі функцыянаваць аддзелы ЗАГС. На тэрыторыі нашага раёна такіх валвыканкама было два — Качэрыцкі і Любоніцкі. Архіўныя запісы з 1921 года па жнівень 1924 года захаваліся да гэтага часу. Затым запісы пачалі весьці Бабруйскі райвыканкам, Мышкавіцкі, Бераснёўскі, Баравіцкі, Гара­дзецкі, Харлапавіцкі, Старцоўскі, Падрэцкі, Паўлавіцкі, Любоніцкі, Лешчанскі, Казуліцкі, Капусцінскі, Міхалёўскі, Хімаўскі, а з 1925 года — Хвайніцкі і Асаўніцкі сельсаветы.
На працягу свайго існавання сістэма органаў ЗАГС не раз змянялася, перападпарадкоўвалася розным структурам і ўзроўням улады. Так, да 1 студзеня 1957 года мясцовыя бюро ЗАГС былі выведзены са структуры раённых аддзелаў міліцыі і перададзены ў падпарадкаванне выканкаму раённага савета. З 1 лістапада 1958 года служба ЗАГС пераходзіць
у падпарадкаванне выканкама Кіраўскага раённага Савета дэпутатаў працоўных Магілёўскай вобласці, паўнапраўным аддзелам Кіраўскага райвыканкама ЗАГС становіцца ў 1995 годзе.
У 2011 годзе будынак раённага аддзела ЗАГС набыў новае прыгожае аблічча: з’явіліся пакоі жаніха і нявесты, зала шампанскага. Сюды для рэгістрацыі шлюбаў сталі прыязджаць маладажоны з блізляжачых раёнаў і г.Бабруйска.
Асабліва для мяне заўсёды хвалюючым момантам у рабоце з’яўляецца ўрачыс­тая рэгістрацыя шлюбаў. І хаця на гэтую цырымонію адводзіцца ўсяго 20 хвілін, стараюся, каб для кожнай пары гэты момант стаў асаблівым і запамінальным. Па жаданні маладых урачыстасць можа право­дзіцца на беларускай ці рускай мове, з выкарыстаннем беларускіх абрадаў. Здараецца, што ў традыцыйны сцэнарый маладыя ўносяць свае пажаданні. Ужо шмат гадоў існуе прыгожая традыцыя жаніху і нявесце ра­зам станавіцца на ручнік, каб на працягу многіх гадоў крочыць па шчаслівай жыццёвай дарозе. Пярсцёнкі ў жыце, першы пацалунак, запальванне сумеснага сямейнага агеньчыка, вальс, букеты кветак і пырскі шампанскага — усё гэта яркія і незабыўныя моманты нараджэння новай сям’і.
Але на гэтым нашы зносіны не абрываюцца. У маладых сем’ях нараджаюцца дзеткі, зноў яны жаданыя госці ў аддзеле ЗАГС. Сапраўднае задавальненне адчуваецца, калі да нас прыхо­дзяць “брыльянтавыя”, “залатыя”, “сярэбраныя” маладажоны, таму што пражыць доўгае жыццё разам — вялікае шчасце і вялікая праца. Ушаноўванне такіх людзей накіравана на ўмацаванне сямейных традыцый, павышэнне прэстыжу і статусу сям’і ў грамадстве. Дружная ж сям’я — як светлячок у цемры, прыветлівы агеньчык, які прыцягвае родных, сяброў. Захаваць такое багацце, вядома, няпроста, але два закаханыя чалавекі справяцца з любымі цяжкасцямі.
Сёлета, у гонар 100-годдзя органаў ЗАГС, праводзіўся шэраг мерапрыемстваў і акцый. Так, ва ўрачыстай атмасферы адбылося ўшанаванне сем’яў Вакір і Барышчык, якія звярнуліся за рэгістрацыяй сваіх малышоў напярэдадні Дня жанчын. Прыемным сюрпрызам для маладых бацькоў Любові і Уладзіміра Куцянковых стала навіна аб тым, што іх дачушка Марыя — 100 малыш Кіраўшчыны, які сёлета атрымаў пасведчанне аб нараджэнні. З гэтай нагоды бацькам былі ўручаны падарункі і пасведчанне аб нараджэнні асаблівага ўзору.
На сённяшні дзень у органах ЗАГС Рэспублікі Беларусь ажыццяўляецца 14 адміністрацыйных працэдур: рэгіструюцца нараджэнні, шлюбы, смерці, скасаванне шлюбаў, устанаўленне бацькоўства, усынаўленне, змена прозвiшча, iмя, iмя па бацьку, аднаўляюцца страчаныя запісы актаў усіх відаў, пры неабходнасці анулююцца запісы актаў, уносяцца ў іх змяненні, выпраўленні, дапаўненні, выдаюцца даведкі, якія змяшчаюць звесткі з запісаў актаў грамадзянскага стану, паўторныя пасведчанні. Органы ЗАГС пры выдачы даведак працуюць па заяўным прынцыпе «адно акно» з ГІС «Рэгістр насельніцтва», складаюць просьбы аб аказанні прававой дапамогі органамі ЗАГС замежных дзяржаў, а таксама выконваюць іх аналагічныя просьбы.
За гады свайго існавання гэтая служба перастала быць чыста рэгіструючым органам. Папулярнасць набываюць новыя формы работы — урачыстыя і па індывідуальных сцэнарыях рэгістрацыі нараджэнняў, шлюбаў, юбілейных вяселляў, а таксама выязныя рэгістрацыі. Значная частка работы звязана з прапагандай шлюбна-сямейнага заканадаўства, мерапрыемствамі па ўмацаванні інстытута сям’і. Займаемся сацыялагічнымі даследаваннямі, прадметам якіх з’яўляецца заключэнне і скасаванне шлюбу, нараджальнасць, смяротнасць.
На працягу ўсяго часу існавання раённага аддзела ЗАГС тут работалі дасведчаныя і вопытныя людзі. Так, у свой час Кіраўскі аддзел ЗАГС узначальвалі Лідзія Катлінская, Іна Іваніцкая, шмат гадоў была інспектарам аддзела Тамара Акуліч. Аднак самы працяглы перыяд — з 1981 па 2007 гады адпрацавала і, адпаведна, унесла важкі ўклад у дзей­насць органаў ЗАГС раёна Марыя Язерская. За гэты час праз яе рукі прайшла не адна тысяча рэгістрацый нованароджаных маленькіх кіраўчан, менавіта яе прыгожы і мілагучны голас абвяшчаў многім маладажонам Кіраўшчыны — “Віншуем! Вы сталі мужам і жонкай”.
Дакументацыю па актах грамадзянскага стану вядуць і сельскія выканаўчыя камітэты, якія ажыццяўля­юць рэгістрацыю нараджэнняў, шлюбаў, смерцяў, ўстанаўленне бацькоўства, выдачу даведак аб нараджэнні і смерці, у межах адпаведнай адміністрацыйна-тэрытарыяльнай адзінкі. Работа кіраўніка спраў сельвыканкама вельмі няпростая і спецыфічная, паколькі гэты чалавек ажыццяўляе функцыі і натарыуса, і органа ЗАГС, і органаў сацыяльнай дапамогі, і службы «адно акно», даведачнага бюро і многае іншае. На працягу многіх гадоў з усімі гэтымі абавязкамі добрасумленна і адказна спраўляліся тады сакратары сельвыканкамаў: Людміла Гаўрыльчык (Баравіцкі); Яўген Лазаковіч (Любоніцкі); Вера Дрозд і Ала Рышкевіч (Казуліцкі); Наталля Еўдакімава (Паўлавіцкі); Ларыса Швец (Дабаснянскі); Вольга Чулкевіч, Адольф Старавойтаў, Міхаіл Бяляцкі (Стайкаўскі).
На змену ветэранам прыйшлі новыя кадры — адукаваныя, энергічныя работнікі. І сёння разам з вопытнымі кіраўнікамі спраў, такімі як Алена Шаболда (Стайкаўскі сельвыканкам), Галіна Клімовіч (Дабаснянскі), Святлана Мелех (Любоніцкі) старанна працуюць тыя, хто не так даўно ў гэтай важнай і неабходнай прафесіі — Ала Масійчук (Скрыпліцкі сельвыканкам), Наталля Цішчанка (Баравіцкі), Таццяна Маркашанская (Паўлавіцкі).
Хочацца выка­заць словы ўдзячнасці ўсім, хто працаваў раней і працягвае працаваць на ніве рэалізацыі правоў грамадзян у сферы шлюбна-сямейных адносін, шчыра павіншаваць усіх са 100-годдзем з дня ўтварэння органаў ЗАГС і пажадаць моцнага здароўя, дабрабыту, невычэрпнай энергіі.
Час бяжыць, змяняюцца пакаленні, а работнікі ЗАГС па-ранейшаму працягваюць адзначаць у актавых кнігах галоўныя падзеі ў жыцці кожнага жыхара Кіраўшчыны…

Падрыхтавала Людміла СЯМЁНАВА.

ЗАГС-2

Начальнік галоўнага ўпраўлення юстыцыі Магілёўскага аблвыканкама Аляксандр Маймусаў уручыў падзяку начальніку аддзела ЗАГС Кіраўскага райвыканкама Наталлі Хахол за ўзорнае выкананне абавязкаў і высокі ўзровень абслугоўвання грамадзян.

ЗАГС-4

Падчас рэгістрацыі нараджэння маленькага жыхара Кіраўшчыны

ЗАГС-8

Урачыстую цырымонію рэгістрацыі шлюбу праводзіць загадчык аддзела ЗАГС Марыя Язерская (фота з архіва).

ЗАГС-5

Метрычная кніга 1914 года для рэгістрацыі шлюбаў і нараджэння дзяцей.

ЗАГС-6

 

 

Последние новости

Профилактика и безопасность

Мошенническая схема: «Алло, мама!..»

29 марта 2024
Прямая линия

Прямая телефонная линия

29 марта 2024
Профилактика и безопасность

В Могилевской области отмечается рост подростковой преступности по 222 статье УК Республики Беларусь

28 марта 2024
Общество

Аўтар першага беларускага рамана

28 марта 2024
В стране и мире

Лукашенко: всякая финансовая деятельность должна быть подчинена интересам экономики

28 марта 2024
Общество

Выездной личный приём граждан

28 марта 2024
В Комитете госконтроля

Проверили торговлю

27 марта 2024
Образование

Белая ладья

27 марта 2024
В стране и мире

Василевская на МКС приступила к выполнению исследовательской части полета

26 марта 2024
В стране и мире

Лукашенко о возможных провокациях: нарушили госграницу – к уничтожению

26 марта 2024

Рекомендуем

Актуально

Сегодня состоялось совместное заседание президиума Кировского районного Совета депутатов и Кировского районного исполнительного комитета

19 марта 2024
Актуально

Кировск встречает весну

16 марта 2024
80-летие освобождение Беларуси от немецко-фашистских захватчиков

В День памяти жертв Хатынской трагедии в Кировском районе состоялся автопробег

22 марта 2024
Актуально

В Кировске состоялось чествование победителей областного смотра-конкурса первичных организаций ветеранов органов внутренних дел и внутренних войск

22 марта 2024
В стране и мире

Состоялся телефонный разговор Лукашенко с гендиректором “Роскосмоса”

22 марта 2024
В стране и мире

Лукашенко и Путин в телефонном разговоре подтвердили готовность к дальнейшему активному взаимодействию по реагированию на угрозы терроризма

23 марта 2024
Общество

В ЦДОДиМ состоялся конкурс «Мисс детский сад-2024»

19 марта 2024
80-летие освобождение Беларуси от немецко-фашистских захватчиков

В Жиличском сельхозколледже прошёл урок памяти “Боль Хатыни”, посвящённый 81-й годовщине Хатынской трагедии

22 марта 2024