Вучні трох устаноў адукацыі Кіраўскага раёна разам ушанавалі памяць Кірылы Арлоўскага
13 студзеня, у дзень памяці Героя Савецкага Саюза, Героя Сацыялістычнай Працы Кірылы Пракопавіча Арлоўскага вучні Мышкавіцкай СШ, СШ №1 і СШ №2 імя К.П.Арлоўскага разам са сваімі настаўнікамі правялі мерапрыемства, прысвечанае памяці славутага земляка.
Рабяты даведаліся шмат цікавай інфармацыі аб жыцці, дзейнасці, подзвігах і заслугах К.П.Арлоўскага. Гэты чалавек шмат чаго зрабіў для сваёй малой радзімы, краіны, быў вядомы ва ўсіх кутках былога вялізнага Савецкага Саюза. Асаблівы клопат ён праяўляў аб маладым пакаленні: Кірыл Пракопавіч з уласных сродкаў выдзеліў грошы на завяршэнне будаўнічых работ Мышкавіцкай СШ (зараз яго імя носіць піянерская дружына школы). Імя К.П.Арлоўскага прысвоена і сярэдняй школе №2 г.Кіраўска.
Пазнавальнай была экскурсія ў музей, які знаходзіцца на базе Мышкавіцкага СДК. Вучням яшчэ раз нагадалі пра асноўныя падзеі станаўлення, развіцця і дасягненнях знакамітага калгаса “Рассвет”, расказалі аб працоўным жыцці К.П.Арлоўскага.
Затым для рабят была арганізавана эрудыт-віктарына, дзе яны прадэманстравалі трывалыя веды аб падзеях, прысвечаных жыццю і дзейнасці К.П.Арлоўскага. А бібліятэкарам мясцовай бібліятэкі была праведзена агляд-экскурсія “Магілёўская вобласць: учора, сёння, заўтра”, прысвечаная 80-годдзю з дня ўтварэння нашай вобласці.
Любоў МАРКЕВІЧ, намеснік дырэктара па выхаваўчай рабоце Мышкавіцкай СШ.