Больш за чвэрць стагоддзя ў пажарнай службе, 15 з іх — на Кіраўшчыне

Больш за чвэрць стагоддзя ў пажарнай службе, 15 з іх — на Кіраўшчыне

Шинкевич-1

У раённым аддзеле па надзвычайных ситуацыях даўно сталі нормай цесныя ўзаемаадносіны паміж сённяшнімі супрацоўнікамі і ветэранамі пажарнай службы. Апошнія — частыя госці ў РАНС, цікавяцца сённяшнімі буднямі выратавальнікаў. У свой час, больш маладыя з павагай ставяцца да сваіх папярэднікаў, запрашаюць на святы і праводзімыя мерапрыемствы.
Знакавам быў адзін з апошніх сходаў ў райаддзеле з удзелам асабістага саставу і членаў раённага ветэранскага аддзялення БГА “Выратавальнік”. Дарэчы, арганізацыі нядаўна споўнілася 15 гадоў, і з гэтай нагоды шэраг былых пажарных Кіраўшчыны атрымалі памятныя медалі. А асаблівым момантам сходу стала ўшанаванне былога кіраўніка пажарнай службы раёна Міхаіла Васільевіча Шынкевіча, якому нядаўна споўнілася 75 год. Павіншаваць юбіляра прыехалі госці з Магілёва, якія па роду дзейнасці ў свой час цесна супрацоўнічалі: галоўны спецыяліст аддзела ідэалагічнай работы Магілёўскага абласнога ўпраўлення МНС, старшыня абласнога Савета БГА “Выратавальнік” Баляслаў Протас і былы намеснік начальніка абласнога УМНС Уладзімір Пухаў.

Шинкевич-2

Шинкевич-7

… Лепшыя гады жыцця Міхаіл Шынкевіч прысвяціў складанай, спалучанай з рызыкай і небяспекай, але важнай і высакароднай справе — барацьбе з вогненнай стыхіяй. Дзякуючы высокай адказнасці за выкананне службовых абавязкаў, багатаму жыццёваму і прафесійнаму вопыту, ён унёс дастойны ўклад у станаўленне, развіццё і ўдасканаленне аварыйна-выратавальнай службы нашага раёна.
Родам Міхаіл Васільевіч са Слаўгарадчыны, тут прайшло дзяцінства, пачаліся юнацкія гады. У1961 годзе хлопец паступіў у Харкаўскае пажарна-тэхнічнае вучылі­шча Міністэрства аховы грамадскага правапарадку Украінскай ССР — адно з трох па такім профілі ў былым Савецкім Саюзе.
Вучоба, якая фактычна была службай, давалася лёгка. Ужо праз паўтара месяца пасля паступлення ад кіраўніцтва вучылішча Міхаілу была аб’яўлена першая падзяка. Усяго ж за час вучобы такіх падзяк было 11 (!): за выдатную вучобу і прыкладныя паводзіны, узорнае нясенне службы, выдатную падрыхтоўку да экзаменаў, актыўны ўдзел у грамадскім жыцці, выдатнае стаўленне да работ пры ліквідаці аварый, за праяўленую пільнасць на пасту каля сцяга часці, у выніку чаго быў прадухілены пажар, за выдатную страявую выпраўку пры ўдзеле ў парадзе, прысвечаным 20-годдзю Перамогі ў Вялікай Айчыннай вайне… Лагічным вынікам вучобы стаў дыплом з адзнакай.
Першымі месцамі службы Шынкевіча сталі пасады пажарнага інспектара, старшага пажарнага інспектара ў райаддзелах міліцыі выканкамаў Горацкага, Чэрыкаўскага, Слаўгарадскага райсаветаў дэпутатаў. На той час пажарныя інспекцыі былі структурнымі падраз­дзяленнімі РАУС.
Пачынаючы з 1973 года, жыццёвы і службовы шлях Міхаіла Васільевіча быў звязаны з Кіраўшчынай, куды ён разам з сям’ёй пераехаў згодна далейшага накіравання. Яго назначылі старшым інспектарам дзяржпажнагляду РАУС, гэтая пасада па сутнасці на той момант адпавядала сённяшняй пасадзе начальніка РАНС. Толькі была выратавальніцкая служба тады зусім не ў такім выглядзе, як зараз. Як успамінае сам юбіляр, у пажарнай часці было ўсяго 12 чалавек, плюс 2 інспектары. Нагрузка, як лёгка можна здагадацца, на агняборцаў ускладвалася ў разы большая. Да таго ж, у разліку меліся ўсяго 2 пажарныя машыны, і ўмяшчальнасць ёмістасцей пад ваду была куды меншая, чым зараз. Пазней у асобных гаспадарках з’явіліся так званыя МАПы — міжгаспадарчыя апорныя пункты, дзе меліся свае аўтамашыны: яны ў выпадку пажараў падключаліся да тушэння.
У інспектараў дзяржпажнагляду было яшчэ шмат і дадатковай нагрузкі. Толькі згодна непасрэднай работы па прафілактыцы пажараў ім удваіх трэба было тройчы на год праводзіць абследаванні на той момант больш за 20 гаспадарак у раёне. А паколькі пажарная часць уваходзіла ў структуру міліцыі, то даводзілася, як і іншым супрацоўнікам райаддзела, дзяжурыць згодна графіка, выконваць работу па ахове грамадскага парадку, патруляваць, выязджаць у рэйды. І адзначым, што Міхаіл Шынкевіч выдатна спраўляўся з усімі абавязкамі. Красамоўны факт: сярод неаднаразо­вых падзяк, аб’яўленых яму кіраўніцтвам, былі загадыі і з фармуліроўкай “…за ініцыятыву і настойлівасць пры раскрыцці асабліва небяспечных злачынстваў і праяўленае пры гэтым аператыўнае майстэрства”. Закрануўшы тэму ўзнагарод, нельга не адзначыць, што іх у паслужным спісе Міхаіла Васільевіча шмат, у тым ліку — медалі “За бездакорную службу” ўсіх трох ступеней, “Ветэран працы”, нагрудны знак “Лепшаму работніку пажарнай аховы”, юбілейныя медалі, шматлікія Ганаровыя граматы.
Тыя, хто працаваў ра­зам з Міхаілам Шынкевічам, адзначаюць уласцівыя яму прафесіяналізм, прынцыповасць, адказнасць і дакладнасць у рабоце. Гэтымі якасцямі ён па праву заслужыў павагу сярод работнікаў пажарнай службы. І сёння свой багаты накоплены вопыт ветэран ахвотна перадае маладому пакаленню.
Аляксандр ХАХЛОЎ.

Фота аўтара.

***

Юбілейныя медалі “15 гадоў Беларускаму грамадскаму аб’яднанню “Выратавальнік” былі ўручаны былым работнікам райаддзела: мужу і жонцы М.В і Т.Р.Шынкевічам, А.М.Баркову, Д.І.Карніцкаму, М.П.Мухіну, В.Ю.Раманаву, С.М.Зотаву.
За значны ўклад у папярэджванне і ліквідацыю пажараў і надзвычайных сітуацый, узорнае выкананне службовых абавязкаў і дасягненне высокіх рэзультатаў у аператыўна-службовай дзейнасці ў 2017 годзе Ганаровай граматай Міністэрства па НС РБ узнагароджаны начальнік паста Валерый Шаболда. Яе ўручыў начальнік РАНС Сяргей Собаль. Нагрудныя знакі “Выдатнік” уручаны супрацоўнікам райаддзела Віталю Кавалёву і Юрыю Ярашу. Ганаровай граматай Магілёўскага абласнога ўпраўлення МНС Рэспублікі Беларусь узнагароджаны Сяргей Зносак.Шинкевич-3

Шинкевич-9

Шинкевич-4

Шинкевич-5

Шинкевич-6

Шинкевич-8

 

Последние новости

Профилактика и безопасность

В Могилевской области отмечается рост подростковой преступности по 222 статье УК Республики Беларусь

28 марта 2024
Общество

Аўтар першага беларускага рамана

28 марта 2024
В Комитете госконтроля

Проверили торговлю

27 марта 2024
Образование

Белая ладья

27 марта 2024
В стране и мире

Василевская на МКС приступила к выполнению исследовательской части полета

26 марта 2024
В стране и мире

Лукашенко о возможных провокациях: нарушили госграницу – к уничтожению

26 марта 2024
Общество

Профсоюзы: защищая и помогая

26 марта 2024
Общество

Порядок завершения осенне-зимнего периода

26 марта 2024
Прямая линия

Прямая телефонная линия

26 марта 2024
Общество

Заседание комиссии

26 марта 2024

Рекомендуем

Актуально

В Кировске состоялось торжественное вручение паспортов

15 марта 2024
Общество

Быть гражданином Республики Беларусь – это большое счастье, высокая честь

15 марта 2024
Актуально

Сегодня состоялось совместное заседание президиума Кировского районного Совета депутатов и Кировского районного исполнительного комитета

19 марта 2024
Актуально

Кировск встречает весну

16 марта 2024
80-летие освобождение Беларуси от немецко-фашистских захватчиков

В День памяти жертв Хатынской трагедии в Кировском районе состоялся автопробег

22 марта 2024
Актуально

В Кировске состоялось чествование победителей областного смотра-конкурса первичных организаций ветеранов органов внутренних дел и внутренних войск

22 марта 2024
В стране и мире

Состоялся телефонный разговор Лукашенко с гендиректором “Роскосмоса”

22 марта 2024
Общество

В ЦДОДиМ состоялся конкурс «Мисс детский сад-2024»

19 марта 2024