6 лютага 2018 года на пасаду дырэктара філіяла СВК “Бераснёўскі” ААТ “Упраўляючая кампанія холдынга “Бабруйск­аграмаш” назначаны Іван Анатольевіч ПІГУЛЕЎСКІ.
Нарадзіўся І.А.Пігулеўскі ў в.Сугроб Кіраўскага раёна ў 1978 годзе. Закончыў Беларускую дзяржаўную сельскагаспадарчую акадэмію па спецыяльнасцях: “механізацыя сельскай гаспадаркі”, “інфармацыйна-кансультацыйная дзейнасць у АПК”. У 2014 годзе закончыў Акадэмію кіравання пры Прэзідэнце Рэспублікі Беларусь па спецыяльнасці “кіраванне ў АПК”.
Працоўную дзейнасць пачаў у 2002 годзе ў якасці загадчыка рамонтных майстэрняў УКСП “Саўгас імя Леніна” Бабруйскага раёна. У 2003-2004 гадах праходзіў службу ва Узброенных Сілах Рэспублікі Беларусь. У 2004 годзе быў вядучым механікам ААТ “Кіраўск-Лён”. З 2005 года працаваў галоўным спецыялістам у аддзеле інтэнсіфікацыі вытворчасці ўпраўлення сельскай гаспадаркі і харчавання райвыканкама, затым узначаліў гэты аддзел. У 2013 годзе быў назначаны намеснікам старшыні па механізацыі і ідэалагічнай рабоце СВК “Чырвоны баец”, у 2014 годзе абраны старшынёй дадзенага сельгаскааператыва. З 2017 года працаваў намеснікам дырэктара па вытворчасці ААТ “Дабаснянскае”.