У 2017 годзе Кіраўскі раён належным чынам справіўся з пастаўленымі задачамі па выкананні большасці прагнозных паказчыкаў сацыяльна-эканамічнага развіцця, па іншых напрамках дзейнасці. Гэта дазволіла згодна рэйтынгу раёнаў Магілёўскай вобласці па выніках работы за студзень-снежань 2017 года выйсці на 2 месца. Прапануем успомніць найбольш значныя дасягненні арганізацый і ўстаноў раёна, а таксама асобных яго прадстаўнікоў у 2017 годзе.

• За значны ўклад у развіццё сельскагаспадарчай галіны, дасягненне высокіх вытворчых паказчыкаў Падзяка Прэзідэнта Рэспублікі Беларусь аб’яўлена калектыву работнікаў ААТ “Рассвет імя К.П.Арлоўскага” і ўручаны падарачны сертыфікат.
• За шматгадовую плённую працу, высокі прафесіяналізм, значны асабісты ўклад у развіццё аграпрамысловага комплексу, сельскай гаспадаркі і перапрацоўчай прамысловасці, дасягненне высокіх вытворчых паказчыкаў, узорнае выкананне службовых абавязкаў шэраг прадстаўнікоў раёна былі прадстаўлены да высокіх дзяржаўных узнагарод: ордэна Айчыны ІІІ ступені ўдастоены трактарыст-машыніст КСУП “Ніва-Барсукі” Аляксандр Петранкоў, ордэнам Пашаны ўзнагаро­джана аператар машыннага даення КСУП “Жылічы” Ніна Ляўковіч; медаля “За працоўныя заслугі” ўдастоены намеснік дырэктара па фінансах і бухгалтарскім уліку ААТ “Кіраўскае райаграпрамтэхзабеспячэнне” Марына Акушэвіч, трактарыст-машыніст КСУП “Барчыцы-агра” Генадзь Волас; трактарыст-машыніст ААТ “Рассвет імя К.П.Арлоўскага” Мікалай Дрозд, вадзіцель КСУП “Жылічы” Валерый Кісялёў, аператары машыннага даення КСУП “Жылічы” Тамара Кузьмянкова і ААТ “Рассвет імя К.П.Арлоўскага” Галіна Лёгкая, начальнік цэха жывёлагадоўлі КСУП “Чырвоны баец” Мікалай Пятруша.
• За высокія працоўныя дасягненні, значны ўклад у развіццё Магілёўскай вобласці, добрасумленную працу, высокі прафесіяналізм і ў сувязі з 80-годдзем з дня ўтварэння рэгіёна Ганаровыя граматы і па­дзякі аблвыканкама ўручаны шэрагу прадстаўнікоў Кіраўшчыны. У іх ліку: аператар механізаваных ферм, жывёлагадоўчых комплексаў (па дарошчванні маладняку БРЖ) ААТ “Рассвет імя К.П.Арлоўскага” Святлана Гамершмідт, вадзіцель пагрузчыка ААТ “Кіраўскае райаграпрамтэхзабеспячэнне” Андрэй Хлапкоў, кандытар 6 разраду райспажыўтаварыства Таццяна Навумава. Ганаровай граматай абласнога Савета дэпутатаў узнагароджаны дырэктар ААТ “Кіраўскае райаграпрамтэхзабеспячэнне” Мікалай Чаранкоў.
• Па выніках абласнога агляду-конкурсу якасці і культуры сацыяльнага абслугоўвання насельніцтва за 2017 год уладальнікамі Дыплома 1 ступені камітэта па працы, занятасці і сацыяльнай абароне аблвыканкама стаў калектыў установы “Кіраўскі раённы Цэнтр сацыяльнага абслугоўвання насельніцтва”.
Ганаровай граматай Нацыянальнага сходу Рэспублікі Беларусь узнагароджана дырэктар раённага Цэнтра сацыяльнага абслугоўвання насельніцтва Вольга Мержый за вялікі ўклад у рэалізацыю сацыяльнай палітыкі Рэспублікі Беларусь.
• У абласным спаборніцтве на лепшую арганізацыю работы па ажыццяўленні адукацыйнай дзейнасці сярод структурных падраздзяленняў гарадскіх, раённых выканаўчых камітэтаў, якія ажыццяўляюць дзяржаўна-ўладарныя паўнамоцтвы ў сферы адукацыі, і ўстаноў Магілёўскай вобласці за 2017 год першае месца сярод раёнаў з насельніцтвам да 25 тыс. чалавек прысуджана аддзелу адукацыі, спорту і турызму Кіраўскага райвыканкама.
Аддзел адукацыі, спорту і турызму Кіраўскага райвыканкама па выніках работы за 2017 год заняў трэцяе месца ў спаборніцтве сярод гарадоў і раёнаў Магілёўскай вобласці па развіцці фізічнай культуры, спорту і турызму. Кубак і Ганаровая грамата Магілёўскага аблвыканкама ўручана таксама аддзелу за трэцяе агульнакаманднае месца ў круглагадовай абласной спартакіядзе школьнікаў.
• Дыпломам Магілёўскага аблвыканкама ўзнагароджаны калектыў раённага Цэнтра культуры і вольнага часу — пераможца штогадовага абласнога спаборніцтва на лепшую арганізацыю работы па захаванні і развіцці культуры Магілёўскай вобласці за 2017 год сярод раённых Дамоў культуры, Цэнтраў культуры, Цэнтраў культуры, адпачынку і творчасці, Дамоў (Цэнтраў) народнай творчасці, маладзёжных культурных цэнтраў.
• Па выніках абласнога агляду-конкурсу па павышэнні якасці і культуры медыцынскага абслугоўвання насельніцтва ў 2017 годзе ў намінацыі “Урачэбныя амбулаторыі” першае месца прысуджана Любоніцкай амбулаторыі ўрача агульнай практыкі ўстановы аховы здароўя “Кіраўская цэнтральная раённая бальніца”.
• У штогадовых спаборніцтвах на лепшую арганізацыю работы па захаванні і развіцці культуры Магілёўскай вобласці сярод структурных падраздзяленняў раённых выканаўчых камітэтаў, якія ажыццяўляюць дзяржаўна-ўладарныя паўнамоцтвы ў сферы ідэалагічнай работы, культуры і па справах моладзі ў раёнах з насельніцвам да 25 тыс. чалавек другое месца прысуджана аддзелу ідэалагічнай работы, культуры і па справах моладзі Кіраўскага райвыканкама.
• Трыўмфальна выступіла ў 2017 годзе зборная каманда Кіраўскага раёна на ІХ і Х спартакіядах сярод сельскіх раёнаў Магілёўскай вобласці, холдынгаў, аб’яднанняў, арганізацый і кіраўнікоў аграпрамысловага комплексу: у зімовай — стала пераможцам, у летняй — сярэбраным прызёрам.
• Сярод устаноў адукацыі агульнай сярэдняй адукацыі Магілёўскай вобласці па выніках работы за 2017 год трэцяе месца прысуджана ДУА “СШ №2 г.Кіраўска імя К.П.Арлоўскага”.
• Пахвальнай граматай Упаўнаважанага па справах рэлігій і нацыянальнасцей Рэспублікі Беларусь за актыўны ўдзел у рэалізацыі праекта Упаўнаважанага па справах рэлігій і нацыянальнасцей “Адміністрацыйны рэгіён Беларусі — арганізацыя су­айчыннікаў за мяжой” узнагароджаны Кіраўскі раённы выканаўчы камітэт.