Расправіліся крылы над рассветаўскімі абшарамі

Расправіліся крылы над рассветаўскімі абшарамі

Аэропорт-2

Аэропорт-1

Аэропорт-3

Здаўна лічылася на вёсцы: як толькі раздаецца голас першага пеўня, і яго падхопліваюць іншыя “калегі” ў дварах, так і раніца надыходзіць, а разам з ёй пачынаюць завіхацца ўсе насельнікі — ад гаспадароў да іх гадаванцаў. Калі правесці віртуальную паралель, то на Кіраўшчыне даўно прызвычаіліся: калі ў раёне цэнтральнай райбальніцы пачынае раздавацца гул магутнага рухавіка самалёта, — пачынаюцца ў раёне веснавыя палявыя работы.

Так, менавіта супрацоўнікі авіякампаніі ААТ “Рассвет імя К.П.Арлоўскага” звычайна актыўна распачына­юць кружыць на палямі сельгасарганізацыі, право­дзячы найбольш актыўнымі тэмпамі першыя палявыя мерапрыемствы. Яно і нядзіўна. Пакуль талая веснавая вада яшчэ не паўсюдна схавалася ў глебе, пакуль палі грузкія і не дазваляюць у поўнай меры ўключыцца ў работу трактарам і іншай сельгас­тэхніцы, рассветаўцаў выручае мясцовая авіяцыя.
Непасрэдна ў рабоце рассветаўскі АН-2 расправіў крылы ў мінулую пятніцу. Вопытныя авіятары — камандзір самалёта Аляксандр Краўцоў і інжынер-інструктар, ён жа інструктар-экзаменатар Валерый Іваноў — маюць багаты практычны вопыт. А таму з лёгкасцю валодаюць магутнай сталёвай машынай. У першы дзень палётаў яны падсеялі на 236 га канюшыну.
На наступны дзень лётчыкі пераключыліся на падкормку азімага рапсу. За 20 вылетаў работа была выканана на 75 га. Прадоўжылася падкормка з дапамогай самалёта і ўчора, калі мы наведалі рассветаўскі аэрадром. Бункер самалёта якраз загружаўся белай тукавай масай сульфата амонія. На пагрузцы — вопытны механізатар Аляксей Каранкевіч. Усяго некалькі мінут — і 1,2 т мінеральных угнаенняў “праглынуў” самалёт. Заводзіцца рухавік, авіямашына выходзіць на ўзлётную паласу і ўзнімаецца ў паветра… Праходзіць яшчэ мінут 10 — і яна зноў зніжаецца над “узлёткай”, а тым часам азімы рапс падкормлены на чарговых 4 га…
Праз пэўны час самалёт патрабуе запраўкі палівам. У гэты ж момант яго абследуюць “авіясанітары”: інжынер Ула­дзімір Няхаеў і авіятэхнік Мікалай Папкоў. А між тым гара тукаў на пляцоўцы папаўняецца чарговай прывезенай “порцыяй”. Так што збояў у рабоце авіякампаніі не назіраецца.
Што датычыцца агульных падсяўных-падкормачных работ у сельгас­арганізацыі, то пра іх аб’ёмы расказаў аграном-хімік “Рассвета” Андрэй Скраблевіч, які сам пастаянна і ўважліва сочыць за выкананнем дзённых заданняў. Згодна плана, адзначыў ён, падсеяць шматгадовыя травы і канюшыну неабходна на 800 га. Работы на палове плошчаў будуць праведзены з дапамогай авіяцыі. Астатнія — трактарамі з сеялкамі СПУ-6.
Станоўчыя надзеі рассветаўцы звязваюць з каштоўнымі кармавымі культурамі — люцэрнай у сумесі з фестулоліўмам (гібрыдам гайграса пашаўнага і аўся­ніцы). Пасевы плануецца размясціць на 200 га.
Значныя аб’ёмы запланаваны па падкорм­цы азімых культур. Усяго — 3600 га. З іх 902 га — рапс, 1733 — пшаніца. На зялёную массу для скармлівання жывёле адведзена таксама 300 га трыцікале, 60 га — жыта. Яшчэ 500 га — іншыя збожжавыя. На 100 га размешчаны не зусім звычайныя пасевы: жыта пасеяна напалову з сурэпіцай — палоснымі “зебравымі” пасевамі па 18 м, перамяжоўваючыся паміж сабой. Адметна, што пры ўборцы камбайн будзе “хадзіць” упоперак поля, змешваючы зялёную масу. Упершыню такі спосаб рассветаўцы апрабавалі летась. Жывёлаводы былі задаволены рэзультатам: жывёла добра спажывала корм, які быў збаланасаваны па бялку і цукру, адпаведна адказваючы на гэта высокімі надоямі.
Як адзначыў Андрэй Скраблевіч, з рапсам авіятары павінны “раза­брацца” на працягу бліжэйшых некалькіх дзён. Затым пераключацца на ўнясенне прэпарата КАС. Веснавая палявая кампанія набірае разгон.
Аляксандр ХАХЛОЎ.
Фота аўтара.
На здымках: інжынер-пілот, інструктар-экзаменатар Валерый Іваноў і камандзір самалёта Аляксандр Краўцоў рыхтуюцца да новага вылету; авіятэхнік Мікалай Папкоў абслугоўвае вузлы і агрэгаты крылатага рассветаўскага памочніка; на пагрузцы тукаў заняты Аляксей Каранкевіч.

Последние новости

Профилактика и безопасность

В Могилевской области отмечается рост подростковой преступности по 222 статье УК Республики Беларусь

28 марта 2024
Общество

Аўтар першага беларускага рамана

28 марта 2024
В Комитете госконтроля

Проверили торговлю

27 марта 2024
Образование

Белая ладья

27 марта 2024
В стране и мире

Василевская на МКС приступила к выполнению исследовательской части полета

26 марта 2024
В стране и мире

Лукашенко о возможных провокациях: нарушили госграницу – к уничтожению

26 марта 2024
Общество

Профсоюзы: защищая и помогая

26 марта 2024
Общество

Порядок завершения осенне-зимнего периода

26 марта 2024
Прямая линия

Прямая телефонная линия

26 марта 2024
Общество

Заседание комиссии

26 марта 2024

Рекомендуем

Актуально

В Кировске состоялось торжественное вручение паспортов

15 марта 2024
Общество

Быть гражданином Республики Беларусь – это большое счастье, высокая честь

15 марта 2024
Актуально

Сегодня состоялось совместное заседание президиума Кировского районного Совета депутатов и Кировского районного исполнительного комитета

19 марта 2024
Актуально

Кировск встречает весну

16 марта 2024
80-летие освобождение Беларуси от немецко-фашистских захватчиков

В День памяти жертв Хатынской трагедии в Кировском районе состоялся автопробег

22 марта 2024
Актуально

В Кировске состоялось чествование победителей областного смотра-конкурса первичных организаций ветеранов органов внутренних дел и внутренних войск

22 марта 2024
В стране и мире

Состоялся телефонный разговор Лукашенко с гендиректором “Роскосмоса”

22 марта 2024
Общество

В ЦДОДиМ состоялся конкурс «Мисс детский сад-2024»

19 марта 2024