У СВК “Бераснёўскі” актыўна вядуць сяўбу ранніх яравых

У СВК “Бераснёўскі” актыўна вядуць сяўбу ранніх яравых

Бер-1

Бер-2

Бер-3

Бер-4

На палях СВК “Бераснёўскі” ААТ “Упраўля­ючая кампанія холдынга “Бабруйскаграмаш” гэтымі днямі высокімі тэмпамі ідуць палявыя работы.

Механізатары вядуць сяўбу яравых культур і шматгадовых траў, вывазку і ўнясенне арганікі, ворыва і апрацоўку глебы, падкормку азімых. Менавіта СВК “Бераснёўскі” па стане на 19 красавіка быў лідарам у раёне на веснавой сяўбе.
Усе работы вядуцца ў адпаведнасці з тэхналагічнымі патрабаваннямі, а іх якасць кантралюе галоўны аграном Леанід Панчэня.
Бераснёўскія рупліўцы стараюцца не марудзіць на сяўбе, бо ведаюць: упусціш дзень-другі, потым недаатрымаеш ураджай. Таму ўжо зранку механізатары — на палетках, доўжыцца іх рабочы дзень да 19 гадзін.

Як адзначыў галоўны аграном, сёлета ў гаспадарцы плануюць засеяць рознымі культурамі больш чым 1000 га: з іх на 116 га будзе ячмень, на 250 га — зернебабовыя, на 50 га — авёс, на 540 га — кукуруза. Дарэчы, каля 440 га “каралевы палёў” плануецца пасеяць на зялёную масу. На 50 га размесцяцца цукровыя буракі.
Сяўбу ў гаспадарцы пачалі з аўса, ячменю і зернебабовых. Ужо не першы год гэты адказны ўчастак работ давяраюць аднаму з самых вопытных механізатараў Віктару Скрыпунову. Кіраўніцтва сельгаскааператыва ўпэўнена ў яго добрасумленнасці, адказным стаўленні да сваёй земляробскай працы. Зараз ён заняты на сяўбе аўса. Рух яго трактара прыпыняецца толькі для таго, каб заправіць пасяўны агрэгат насеннем, якое дастаўляе на поле Міхаіл Іваноў. Дзякуючы зла­джанасці гэтага тандэма раннія яравыя пасеяны ўжо больш чым на 160 га: з іх на 100 га — зернебабовыя.
Зараз усе работы вядуцца на ўчастках, дзе палеткі вызваліліся ад вільгаці. Механізатар Сяргей Міхалап займаецца ўзворваннем глебы (за змену паспявае ўзняць яе на плошчы 8 га і больш), Антон Трушкін рыхтуе глебу пад сяўбу зернебабовых.
Старанна працуе і малады механізатар Яўген Панчэня. Зараз ён займаецца падкормкай азімых культур. Ніводны кавалачак зямлі з раслінамі не застаецца без карысных рэчываў.
У мінулую ўборачную кампанію Яўген прымаў удзел ва ўборцы збожжавых і, як адзначыў хлебароб, вельмі прыемна было працаваць, калі бункер камбайна хутка напаўняўся залацістым зернем. Вось дзеля гэтага, упэўнены хлопец, і неабходна старанна пашчыраваць зараз на падкормцы збожжавых.
Увогуле, па словах Леа­ніда Панчэні, усе азімыя культуры, а гэта без малога амаль 950 га, даволі нядрэнна перазімавалі. Пацярпеў толькі невялікі ўчастак азімага рапсу. Пазней яго плануюць перасеяць іншай культурай.
Не забываюцца ў гаспадарцы і пра корманарыхтоўчую кампанію. Таму зараз вядзецца падсеў траў. У сераду, калі ка­рэспандэнт “раёнкі” наведваўся ў гаспадарку, заняты на гэтых работах быў Генадзь Доўкша.
Радуюць агранамічную службу і пасевы азімай “зялёнкі”. Літаральна праз тыдзень-другі жывёла “Бераснёўскага” пасмакуе сакавітую свірэпіцу.
Вялікае значэнне надаюць у сельгаскааператыве ўнясенню арганічных угнаенняў. На палі ўжо вывезена больш за 19 тыс. т арганікі, вядуцца работы па яе ўнясенні ў глебу, дзе хутка размесціцца насенне кукурузы. Як вядома, гэтая культура вельмі спагадлівая на належны догляд і падкормку. Механізатары Віталь Лугаўцоў і Алег Грынфельд займаюцца ўнясеннем арганікі, Віктар Каліноўскі — яе пагрузкай.
Не сакрэт, што любая справа ладзіцца, калі добра падсілкуешся. Нават існуе такі выраз: “Каб папрацаваць да поту — трэба пад’есці ў ахвоту”. А гэта ўжо клопат кіраўніцтва гаспадаркі. Штодня на палеткі ўдзельнікам сяўбы дастаўляюцца гарачыя смачныя абеды, якія гатуюцца ў мясцовай сталовай райспажыўтаварыства.
Безумоўна, для ўдзель­нікаў палявых работ важнае значэнне маюць заробкі. Напярэдадні выезду ў поле на сходзе да ведама механізатараў былі даведзены ўмовы і нормы выпрацоўкі, аплаты працы, у тым ліку за якаснае і своечасовае правядзенне работ, згодна працоўнага спаборніцтва сярод удзельнікаў пасяўной кампаніі.
Настрой у бераснёўскіх земляробаў падчас сёлетніх палявых работ баявы, а гэта значыць, што яны прыкладуць усе намаганні, каб справіцца з сяўбой у найлепшыя агратэхнічныя тэрміны.
Людміла СЯМЁНАВА.
Фота аўтара.

На здымках: вопытныя механізатары СВК «Бераснёўскі» Міхаіл Іваноў і Віктар Скрыпуноў заняты на важным участку веснавых палявых работ — сяўбе яравых збожжавых культур; на падкормцы азімых працуе механізатар Яўген Панчэня; механізатар Генадзь Доўкша праводзіць падсеў шматгадовых траў; падрыхтоўкай глебы пад сяўбу зернебабовых займаецца Антон Трушкін.

 

Последние новости

В Комитете госконтроля

Проверили торговлю

27 марта 2024
Образование

Белая ладья

27 марта 2024
В стране и мире

Василевская на МКС приступила к выполнению исследовательской части полета

26 марта 2024
В стране и мире

Лукашенко о возможных провокациях: нарушили госграницу – к уничтожению

26 марта 2024
Общество

Профсоюзы: защищая и помогая

26 марта 2024
Общество

Порядок завершения осенне-зимнего периода

26 марта 2024
Прямая линия

Прямая телефонная линия

26 марта 2024
Общество

Заседание комиссии

26 марта 2024
Профилактика и безопасность

Движение по правилам – основа безопасности!

26 марта 2024
Прием граждан

Приём граждан

26 марта 2024

Рекомендуем

Актуально

В Кировске состоялось торжественное вручение паспортов

15 марта 2024
Общество

Быть гражданином Республики Беларусь – это большое счастье, высокая честь

15 марта 2024
Актуально

Сегодня состоялось совместное заседание президиума Кировского районного Совета депутатов и Кировского районного исполнительного комитета

19 марта 2024
Актуально

Кировск встречает весну

16 марта 2024
80-летие освобождение Беларуси от немецко-фашистских захватчиков

В День памяти жертв Хатынской трагедии в Кировском районе состоялся автопробег

22 марта 2024
Актуально

В Кировске состоялось чествование победителей областного смотра-конкурса первичных организаций ветеранов органов внутренних дел и внутренних войск

22 марта 2024
В стране и мире

Состоялся телефонный разговор Лукашенко с гендиректором “Роскосмоса”

22 марта 2024
Общество

В ЦДОДиМ состоялся конкурс «Мисс детский сад-2024»

19 марта 2024